ଲଙ୍କା ଗୁଣ୍ଡ ମାଡ଼ରେ ୪ ପୋଲିସ ଆହତ; ୨୨ ବିକ୍ଷୋଭକାରୀ ଗିରଫ
ନୂଆଦିଲ୍ଲୀ;୨୪|୧୧: ଦିଲ୍ଲୀର ବାୟୁ ପ୍ରଦୂଷଣକୁ ନେଇ ତାତି ଜୋର ଧରିଛି | ପ୍ରଦୂଷଣ ପାଇଁ ଘରୁ ବାହାରକୁ ବାହାରିବା ମଧ୍ୟ କଷ୍ଟକର ହେଲାଣି | ତେବେ ରବିବାର ସନ୍ଧ୍ୟାରେ ଇଣ୍ଡିଆ ଗେଟରେ ଦିଲ୍ଲୀର ବାୟୁ ଗୁଣବତ୍ତା ବିପର୍ଯ୍ୟସ୍ତ ହେବା ବିରୋଧରେ ଏକ ପ୍ରତିବାଦ ହିଂସାରେ ପରିଣତ ହୋଇଥିଲା। ଜାତୀୟ ରାଜଧାନୀ ଦିଲ୍ଲୀରେ, ନକ୍ସଲବାଦୀଙ୍କ ସମର୍ଥନରେ ସ୍ଲୋଗାନ ଦେବା ଏକ ବଡ଼ ବିବାଦ ସୃଷ୍ଟି କରିଛି । ଇଣ୍ଡିଆ ଗେଟ୍ ନିକଟରେ ବାୟୁ ପ୍ରଦୂଷଣ ବିରୁଦ୍ଧରେ ଏକ ପ୍ରତିବାଦ ଚାଲିଥିଲା | ଯେଉଁଠାରେ ଅନେକ ଯୁବକ ଏକତ୍ରିତ ହୋଇଥିଲେ । ହଠାତ୍ ଏହି ପ୍ରତିବାଦ ମଧ୍ୟରେ ନକ୍ସଲବାଦୀଙ୍କ ସମର୍ଥନରେ ସ୍ୱର ଉଠିବା ଆରମ୍ଭ ହେଲା। “ଲାଲ ସଲାମ” ନାରା ଦିଆଯାଇଥିଲା | କିଛି ପ୍ରଦର୍ଶନକାରୀ ନାରା ଦେଇଥିଲେ ଯେ “ଯଦି ତୁମେ ଯେତେ ହିଡମାଙ୍କୁ ହତ୍ୟା କରିବ, ତେବେ ପ୍ରତ୍ୟେକ ଘରୁ ହିଡମା ବାହାରିବେ।”
ଇଣ୍ଡିଆ ଗେଟ୍ ଠାରେ ବିକ୍ଷୋଭ ହେବା ପରେ ପରିସ୍ଥିତି ଅସ୍ତବ୍ୟସ୍ତ ହୋଇପଡିଥିଲା। ବିକ୍ଷୋଭକାରୀମାନେ ପୋଲିସ୍ ଉପରକୁ ଲଙ୍କା ପାଉଡର (ଚିଲି ସ୍ପ୍ରେ) ମାଡ଼ କରିବାରୁ ୩-୪ ଜଣ ପୋଲିସ୍ ଆହତ ହୋଇଛନ୍ତି । ଏହାପରେ ସେମାନଙ୍କୁ ତୁରନ୍ତ ରାମ ମନୋହର ଲୋହିଆ ହସ୍ପିଟାଲକୁ ଚିକିତ୍ସା ପାଇଁ ନିଆଯାଇଥିଲା ।
ପୋଲିସ୍ ସୂଚନା ଅନୁଯାୟୀ, ଏହି ଘଟଣାରେ ୨୨ ଜଣ ବିକ୍ଷୋଭକାରୀଙ୍କୁ ଅଟକ ରଖାଯାଇଛି | ସେମାନଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏହି ସମ୍ପର୍କରେ ପୋଲିସ୍ କହିଛି ଯେ ସୁପ୍ରିମ୍କୋର୍ଟଙ୍କ ନିର୍ଦ୍ଦେଶକ୍ରମେ ଦିଲ୍ଲୀରେ କେବଳ ଜନ୍ତର-ମନ୍ତରରେ ବିକ୍ଷୋଭ ପାଇଁ ଅନୁମତି ରହିଛି | ଏହା ବ୍ୟତୀତ କେଉଁଠି ନୁହେଁ ଇଣ୍ଡିଆ ଗେଟ୍ରେ ବି ନୁହେଁ । ଇଣ୍ଡିଆ ଗେଟ୍ର ସି-ହେକ୍ସାଗନ୍ ଅଞ୍ଚଳରେ ବିକ୍ଷୋଭକାରୀମାନେ ବାରିକେଡ୍ ଭାଙ୍ଗି ରାସ୍ତାରେ ବସିପଡ଼ିଥିଲେ। ଆମ୍ବୁଲାନ୍ସ ଓ ମେଡିକାଲ୍ ଷ୍ଟାଫ୍ଙ୍କ ଯିବାଆସିବାରେ ବାଧା ଉପୁଜୁଥିବାରୁ ପୋଲିସ୍ ସେମାନଙ୍କୁ ହଟାଇବାକୁ ଚେଷ୍ଟା କରିଥିଲା ହେଲେ ବିକ୍ଷୋଭକାରୀମାନେ ପୋଲିସ୍ ଉପରକୁ ଲଙ୍କା ପାଉଡର ସ୍ପ୍ରେ କରିଥିଲେ ।
