ମୁର୍ଶିଦାବାଦରେ ନୂଆ ବାବ୍ରି ମସଜିଦର ଆଜି ଭିତ୍ତିପ୍ରସ୍ତର ସ୍ଥାପନ; ଅତିଥିମାନଙ୍କ ପାଇଁ ପ୍ରାୟ ୪୦ ହଜାର ବିରିୟାନୀ ପ୍ୟାକେଟ ପ୍ରସ୍ତୁତ
ପଶ୍ଚିମବଙ୍ଗ;୬|୧୨: ପଶ୍ଚିମବଙ୍ଗର ମୁର୍ଶିଦାବାଦରେ ହେବ ନୂଆ ବାବ୍ରି ମସଜିଦ | ଏହାର ଭିତ୍ତିପ୍ରସ୍ତର ସ୍ଥାପନ କରିବାର କାର୍ଯ୍ୟକ୍ରମ ରହିଛି। ଏହି କାର୍ଯ୍ୟକ୍ରମରେ ସାଉଦି ଆରବର ମୌଲବୀ ମାନେ ଯୋଗଦେବାର ଆଶା କରାଯାଉଛି। ଏହି କାର୍ଯ୍ୟକ୍ରମରେ ଯୋଗ ଦେବାକୁ ଥିବା ହଜାର ହଜାର ଲୋକଙ୍କ ପାଇଁ ଖାଦ୍ୟ ପ୍ରସ୍ତୁତ କରାଯାଉଛି | କର୍ତ୍ତୃପକ୍ଷ କଡ଼ା ସୁରକ୍ଷା ବ୍ୟବସ୍ଥା ଜାରି ମଧ୍ୟ ରଖିଛନ୍ତି। କଂଗ୍ରେସ ଏବଂ ବିଜେପି ପରେ ଟିଏମସିରେ ଯୋଗ ଦେଇଥିବା ହୁମାୟୁନ୍ କବୀରଙ୍କୁ ଗୁରୁବାର ମମତା ବାନାର୍ଜୀ ନିଲମ୍ବନ କରିଥିଲେ। ଟିଏମସି କହିଛି ଯେ ହୁମାୟୁନ୍ କବୀରଙ୍କ ମନୋଭାବ ଦଳ ପାଇଁ ଲଜ୍ଜାଜନକ ଥିଲା। ତଥାପି, କବୀରଙ୍କୁ ଏ ସବୁ କିଛି ଫରକ ପଡୁ ନାହିଁ।
ସେ ଗଣମାଧ୍ୟମକୁ କହିଥିଲେ ଯେ ଆଜି ମୋରାଡିଘି ନିକଟରେ ପ୍ରାୟ ୩ ଲକ୍ଷ ଲୋକ ଏକାଠି ହେବେ ଏବଂ ଅନେକ ରାଜ୍ୟର ଧାର୍ମିକ ନେତାମାନେ ସାମିଲ ହେବେ। ସକାଳେ କୋଲକାତା ବିମାନବନ୍ଦରରୁ ସାଉଦି ଆରବରୁ ଦୁଇଜଣ କାଜି ଏକ ସ୍ୱତନ୍ତ୍ର କାଫଲାରେ ଆସିବେ ବୋଲି ସେ କହିଥିଲେ। ରାଜ୍ୟର ଏକମାତ୍ର ଉତ୍ତର-ଦକ୍ଷିଣ ମୁଖ୍ୟ ରାଜପଥ NH-12 ନିକଟସ୍ଥ ଏକ ବିଶାଳ ସ୍ଥାନରେ ପ୍ରସ୍ତୁତି ବହୁ ଆଡମ୍ବର ସହ ଚାଲିଛି।
କବୀର କହିଛନ୍ତି ଯେ ଆନୁଷ୍ଠାନିକ କାର୍ଯ୍ୟ ଦୁଇ ଘଣ୍ଟା ପୂର୍ବରୁ ଆରମ୍ଭ ହେବ। ଅପରାହ୍ନ ୪ଟା ସୁଦ୍ଧା କାର୍ଯ୍ୟକ୍ରମ ଶେଷ କରାଯିବ।” ସାଉଦି ଧର୍ମଗୁରୁଙ୍କ ସମେତ ବିଶେଷ ଅତିଥିମାନେ ସକାଳ ୮ଟାରେ ପହଞ୍ଚିବେ। ସକାଳ ୧୦ଟାରେ କୋରାନ ପାଠ ହେବ। ମୁଖ୍ୟ ସମାରୋହ ମଧ୍ୟାହ୍ନ ୧୨ଟାରେ ଆରମ୍ଭ ହେବ। ଅପରାହ୍ନ ୨ଟାରେ ଭୋଜନର ବ୍ୟବସ୍ତା ହୋଇଛି | ଏହି କାର୍ଯ୍ୟକ୍ରମ ଅପରାହ୍ନ ୪ଟା ସୁଦ୍ଧା ଶେଷ ହେବ।
ମୁର୍ଶିଦାବାଦର ସାତଟି କ୍ୟାଟରିଂ ଏଜେନ୍ସିକୁ ଲୋକମାନଙ୍କ ପାଇଁ ଶାହି ବିରିୟାନି ପ୍ରସ୍ତୁତ କରିବା ପାଇଁ ଅର୍ଡର ଦିଆଯାଇଛି। ବିଧାୟକଙ୍କ ଜଣେ ନିକଟତର ସହଯୋଗୀ କହିଛନ୍ତି ଯେ ଅତିଥିମାନଙ୍କ ପାଇଁ ପ୍ରାୟ ୪୦ ହଜାର ପ୍ୟାକେଟ ଏବଂ ସ୍ଥାନୀୟ ଲୋକଙ୍କ ପାଇଁ ୨୦ ହଜାର ବିରିୟାନୀ ପ୍ୟାକେଟ ପ୍ରସ୍ତୁତ କରାଯାଉଛି। ଯେଉଁଥିପାଇଁ ୩୦ ଲକ୍ଷ ଟଙ୍କାରୁ ଅଧିକ ଲାଗିବ।
୧୫୦ ଫୁଟ ଲମ୍ବ ଏବଂ ୮୦ ଫୁଟ ଚଉଡା, ପ୍ରାୟ ୪୦୦ ଅତିଥିଙ୍କ ପାଇଁ ବସିବା ସହିତ ଏକ ମଞ୍ଚ ପ୍ରସ୍ତୁତ କରାଯାଇଛି। ଯାହାର ଆନୁମାନିକ ଖର୍ଚ୍ଚ ପ୍ରାୟ ୧୦ ଲକ୍ଷ ଟଙ୍କା ହେବ। ଆୟୋଜକମାନେ କହିଛନ୍ତି ଯେ ଏହି ମଞ୍ଚର ନିର୍ମାଣ କାର୍ଯ୍ୟରେ ପ୍ରାୟ ୩୦୦୦ ସ୍ୱେଚ୍ଛାସେବକ ଲାଗିଛନ୍ତି।
