ଲୋକସଭାରେ ବିରୋଧୀଙ୍କୁ ଟାର୍ଗେଟ କଲେ ଅମିତ ଶାହା ; ଗୃହମନ୍ତ୍ରୀଙ୍କ ଭାଷଣକୁ ପ୍ରଶଂସା କଲେ ମୋଦି
ନୂଆଦିଲ୍ଲୀ;୧୧|୧୨: ବୁଧବାର ଦିନ ଗୃହମନ୍ତ୍ରୀ ଅମିତ ଶାହ ନିର୍ବାଚନ ସଂସ୍କାର ଉପରେ ଲୋକସଭାରେ ଆଲୋଚନା କରିଥିଲେ | ସେ ତାଙ୍କ ଆଲୋଚନାରେ କଂଗ୍ରେସ ଏବଂ ଅନ୍ୟ ବିରୋଧୀ ଟାର୍ଗେଟ କରିଥିଲେ | ସେ SIR ପ୍ରସଙ୍ଗକୁ ନେଇ ସରକାରଙ୍କ ମତ ପ୍ରକାଶ କରିଥିଲେ | ସେ କହିଥିଲେ ଯେ , ଆମେ ଅନୁପ୍ରବେଶକାରୀଙ୍କୁ ଦେଶରେ ରହିବାକୁ ଦେବୁ ନାହିଁ। ଅମିତ ଶାହ କହିଛନ୍ତି ଯେ କଂଗ୍ରେସ ଏବଂ ସମସ୍ତ ବିରୋଧୀ ଦଳ SIRକୁ ବିରୋଧ କରୁଛନ୍ତି କାରଣ ସେମାନଙ୍କ ବିରୋଧର ମୁଖ୍ୟ ପ୍ରସଙ୍ଗ ହେଉଛି ଅବୈଧ ଅନୁପ୍ରବେଶକାରୀଙ୍କୁ ଭୋଟର ତାଲିକାରେ ଅନ୍ତର୍ଭୁକ୍ତ କରିବା। ସେ ଏହିଭଳି ଭାବରେ ତାଙ୍କର ଅଭିଭାଷଣ ଦେଇଥିଲେ |ତାଙ୍କର ଏଇ ଅଭିଭାଷଣକୁ ପ୍ରଶଂସା କରିଥିଲେ | ସେ ତାଙ୍କ X ହ୍ୟାଣ୍ଡେଲରେ ଲେଖିଛନ୍ତି, “ସ୍ୱରାଷ୍ଟ୍ରମନ୍ତ୍ରୀ ଅମିତ ଶାହଙ୍କ ଭାଷଣ ଉତ୍କୃଷ୍ଟ ଥିଲା। ସେ ଆମର ନିର୍ବାଚନ ପ୍ରକ୍ରିୟାର ବିଭିନ୍ନ ଦିଗ, ଆମ ଗଣତନ୍ତ୍ରର ଶକ୍ତି ଉପରେ ଆଲୋକପାତ କରିଥିଲେ ଏବଂ ଦୃଢ଼ ତଥ୍ୟ ସହିତ ବିରୋଧୀଙ୍କ ମିଛକୁ ପ୍ରକାଶ କରିଥିଲେ।”
ଗୃହମନ୍ତ୍ରୀ ଅମିତ ଶାହ ବୁଧବାର ଲୋକସଭାରେ ବିରୋଧୀଙ୍କ ଭୋଟ ଚୋରି ଅଭିଯୋଗ ଏବଂ SIR ଉପରେ ପ୍ରଶ୍ନ ସମେତ ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗର ଉତ୍ତର ଦେଇଛନ୍ତି। ନିର୍ବାଚନ ସଂସ୍କାର ଉପରେ ଲୋକସଭା ଆଲୋଚନା ସମୟରେ ଅମିତ ଶାହ କହିଥିଲେ, “ଆମର ନୀତି ହେଉଛି ଅନୁପ୍ରବେଶକାରୀଙ୍କୁ ଖୋଜିବା, ଭୋଟର ତାଲିକାରୁ ସେମାନଙ୍କ ନାମ ବାଦ ଦେବା ଏବଂ ସେମାନଙ୍କୁ ଦେଶରୁ ବାହାର କରିବା। ଯେତେବେଳେ କଂଗ୍ରେସ ଏବଂ ବିରୋଧୀଙ୍କ ନୀତି ହେଉଛି ଅନୁପ୍ରବେଶକାରୀଙ୍କୁ ଚିହ୍ନଟ କରି ଭୋଟର ତାଲିକାରେ ଅନ୍ତର୍ଭୁକ୍ତ କରିବା।” ଅମିତ ଶାହ ଆହୁରି କହିଛନ୍ତି ଯେ ଆମେ ଦେଶରେ ଗୋଟିଏ ବି ଅନୁପ୍ରବେଶକାରୀଙ୍କୁ ରହିବାକୁ ଦେବୁ ନାହିଁ।
ବିହାର ହୋଇଥିବା ନିର୍ବାଚନ ଫଳାଫଳକୁ ନେଇ ଅମିତ ଶାହ କଂଗ୍ରେସ ଏବଂ ବିରୋଧୀଙ୍କୁ ମଧ୍ୟ ଟାର୍ଗେଟ କରିଥିଲେ। ଅମିତ ଶାହ କହିଛନ୍ତି ଯେ ବିରୋଧୀ ଭୋଟ ଚୋରି କରି ଚାଲିଥିଲେ | ଅନୁପ୍ରବେଶକାରୀ ବଞ୍ଚାଅ ଯାତ୍ରା ଆୟୋଜନ କରିଥିଲେ, ଏହା ସତ୍ତ୍ୱେ ଏନଡିଏ ଦୁଇ-ତୃତୀୟାଂଶ ବହୁମତ ସହିତ ରାଜ୍ୟରେ ସରକାର ଗଠନ କରିଥିଲା। ନିର୍ବାଚନ ଜିତି ନ ପାରି ବିରୋଧୀ ନିର୍ବାଚନ କମିଶନ, ନିର୍ବାଚନ ପ୍ରକ୍ରିୟା ଏବଂ ଭୋଟର ତାଲିକାକୁ ବଦନାମ କରୁଥିବା ଅମିତ ଶାହ ଅଭିଯୋଗ କରିଥିଲେ। ଅମିତ ଶାହ କହିଛନ୍ତି ଯେ କଂଗ୍ରେସର ପରାଜୟର କାରଣ ଇଭିଏମ୍ ଏବଂ ଭୋଟର ତାଲିକା ନୁହେଁ ବରଂ ସେମାନଙ୍କର ନେତୃତ୍ୱ ଥିଲା।
