SIR ଲିଷ୍ଟ; ପଶ୍ଚିମବଙ୍ଗରୁ କଟିଲା ଅଧା କୋଟିରୁ ଅଧିକ ଭୋଟର..
କୋଲକାତା: ପଶ୍ଚିମବଙ୍ଗରେ ଆସନ୍ତା ବର୍ଷ ବିଧାନସଭା ନିର୍ବାଚନ ହେବାକୁ ଯାଉଛି। ଏହା ପୂର୍ବରୁ SIR କୁ ନେଇ ଏକ ବଡ଼ ଚର୍ଚ୍ଚା ଚାଲିଛି। ଏହି ସମୟରେ ନିର୍ବାଚନ କମିଶନ ଭୋଟରଙ୍କ ତାଲିକା ପ୍ରକାଶ କରିଛନ୍ତି ଯେଉଁମାନଙ୍କର ନାମ ବାଦ ଦିଆଯାଇଛି। ମଙ୍ଗଳବାର ଦିନ ନିର୍ବାଚନ କମିଶନ SIR 2026 ଅନୁଯାୟୀ ପଶ୍ଚିମବଙ୍ଗର ଡ୍ରାଫ୍ଟ ଭୋଟର ତାଲିକାରୁ ବାଦ ଦିଆଯାଇଥିବା ଭୋଟରଙ୍କ ତାଲିକା ପ୍ରକାଶ କରିଛନ୍ତି। ଏହି ତାଲିକା ଅନୁଯାୟୀ, ପଶ୍ଚିମବଙ୍ଗରେ ମୋଟ ୫.୮ ନିୟୁତ ଭୋଟରଙ୍କୁ ବାଦ ଦିଆଯାଇଛି।
ଏହି ତାଲିକାରେ ସେହି ଭୋଟରଙ୍କ ନାମ ଅନ୍ତର୍ଭୁକ୍ତ, ଯେଉଁମାନେ ୨୦୨୫ରେ ରାଜ୍ୟର ଭୋଟର ତାଲିକାରେ ଅନ୍ତର୍ଭୁକ୍ତ ହୋଇଥିଲେ କିନ୍ତୁ ୨୦୨୬ ଡ୍ରାଫ୍ଟ ତାଲିକାରୁ ବାଦ ଦିଆଯାଇଛି। ଏହି ତାଲିକା ପଶ୍ଚିମବଙ୍ଗର SIR ସହିତ ବର୍ତ୍ତମାନ ନିର୍ବାଚନ କମିଶନଙ୍କ ପୋର୍ଟାଲ୍ ଲିଙ୍କ୍: ceowestbengal.wb.gov.in/asd_sir ରେ ଉପଲବ୍ଧ। ତଥାପି ନିର୍ବାଚନ କମିଶନ, ଯେଉଁ ଭୋଟରଙ୍କ ନାମ ବାଦ ଦିଆଯାଇଛି ସେମାନଙ୍କୁ ଆପତ୍ତି ଦାଖଲ କରିବାର ସୁଯୋଗ ଦେଇଛନ୍ତି।
