ହେମନ୍ତ କୁମାର ବେହେରା26/05/2023 at 5:47 PM
ଖଡ଼ିଆଳ : ଖଡିଆଳ ବ୍ଳକ କୃଷି ଅଫିସ ଠାରେ ଆନ୍ତର୍ଜାତୀୟ ମିଳେଟ ବର୍ଷ ଅବସରରେ ଓଡ଼ିଶା ମିଲେଟ୍ ମିଶନ ସହାୟତାରେ ବିଶ୍ଵ ପରିବେଶ ଦିବସ ପାଳିତ ହୋଇଛି। ରଥ ବ୍ଲକ କୃଷି ଅଧିକାରୀ ସଞ୍ଜୟ କୁମାର ପାତ୍ରଙ୍କ ଦ୍ଵାରା ଏହା ଉଦଘାଟିତ ହୋଇଯାଇଛି । ଏହି ରଥର ମୂଳ ଉଦ୍ଦେଶ୍ୟ ହେଲା ଲୋକମାନଙ୍କୁ କିଭଳି ଭାବରେ ଚଳିତ ବର୍ଷ ମାଣ୍ଡିଆ, ଗୁର୍ଜି, ଝାରି, କାଙ୍ଗୁ, କୋଦୋ ଇତ୍ୟାଦି ମିଳେଟ ଶସ୍ୟ ପ୍ରଚୁର ପରିମାଣରେ ଚାଷ କରିବା । କ୍ଷୁଦ୍ର ଶସ୍ୟ ଜଳ ବାୟୁକୁ ସୁହାଇଲା ପରି ଚାଷ ଅଟେ । ଏହି ଶସ୍ୟ କମ ବିହନ, କମ ପାଣି, କମ ପରିଶ୍ରମ, ଦେଶୀ ଖତ ପ୍ରୟୋଗର ଚାଷ, ରୋଗ ପୋକ ହେଉ ନ ଥିବା ଚାଷ ଅଟେ । ପୁଣି କମ ଖର୍ଚରେ ବହୁତ ଚାଷ ହେଉଥିବା ଚାଷ ଅଟେ । ଆନ୍ତର୍ଜାତୀୟ ବର୍ଷ ଉପଲକ୍ଷେ ଓଡିଶା ମିଳେଟ ମିସନ ତରଫରୁ ଗ୍ରାମାଞ୍ଚଳରେ କ୍ଷୁଦ୍ର ଶସ୍ୟର ଉତ୍ପାଦନ ବୃଦ୍ଧି ସହ ସମସ୍ତେ ଯେମିତି ନିଜସ୍ଵ ନୀତିଦିନିଆ ଖାଦ୍ୟ ଭାବରେ ଗ୍ରହଣ କରିବେ ତା ଉପରେ ସଚେତନ କରିବା ପାଇଁ ୪ ଦିନିଆ ରଥ ପରିଭ୍ରମଣ ଶୁଭାରମ୍ଭ ହୋଇଯାଇଛି । ଏହି ରଥ ଦ୍ଵାରା ଚାଷୀ ମାନଙ୍କୁ ସଚେତନ କରିବା ସହ ଚଳିତ ଖରିଫ ଋତୁରେ କିପରି ଚାଷୀ ଚାଷ କରିବେ ତା ଉପରେ ସଚେତନ କରିବାର ଯୋଜନା ହୋଇଛି । ଏହି ରଥ ଚାରି ଦିନରେ ଖଡିଆଳ ବ୍ଲକର ଗ୍ରାମାଞ୍ଚଳ ପରିଭ୍ରମଣ କରିବା ସହିତ ବୈଠକ କରି ଚାଷୀ ମାନଙ୍କୁ ସଚେତନ କରାଯିବ । ଏହି ଅବସରରେ ପଲ୍ଲୀ ବିକାଶ, ଚଳାନପଡାର ଯୁଗ୍ମ ସମ୍ପାଦକ ଦୁଷ୍ମନ୍ତ କୁମାର ରାଉତ, ବ୍ଲକ୍ ସଂଯୋଜକ ଭକ୍ତ ଚରଣ ବାଗ ଓ ସହ ସଂଯୋଜକ ଝାସକେତନ ବାଗ ଏହି ରଥ କାର୍ଯ୍ୟକ୍ରମ ଆୟୋଜନ କରିଛନ୍ତି । ଏହି ଅବସରରେ ମର୍ଯ୍ୟାଦା ଫାର୍ମର୍ଶ ପ୍ରୋଡୁସର କମ୍ପାନୀ ଲିଂ ର ଯୁଗଳ କିଶୋର ଚଲାନ ଓ ଭୁପିନ୍ଦ୍ର ମହାରଥା ସହ କୃଷି ବିଭାଗର କର୍ମଚାରୀ ଅଂଶ ଗ୍ରହଣ କରିଥିଲେ । ଗୋଷ୍ଠୀ ସାଧନ କର୍ମୀ ଦୟାନିଧି ତାଣ୍ଡି , ମହେନ୍ଦ୍ର ଭୋଇ ଏହି କାର୍ଯ୍ୟକ୍ରମକୁ ସଂଯୋଜନା କରିଥିଲେ !