ପେଟ୍ରୋଲ୍ ନଥିବାରୁ ଘୋଡାରେ ଚଢ଼ି ଅଫିସ୍ ପହଞ୍ଚିଲେ ବ୍ୟାଙ୍କ କର୍ମଚାରୀ….
ମଧ୍ୟପ୍ରଦେଶ, ୨୭|୩: ମଧ୍ୟପ୍ରଦେଶର ଦେୱାସ ଜିଲ୍ଲାରେ ଏକ ଅଜବ କିନ୍ତୁ ଆକର୍ଷଣୀୟ ଘଟଣା ସାମ୍ନା କୁ ଆସିଛି । ପେଟ୍ରୋଲ୍ ପମ୍ପରେ ଲମ୍ବା ଲାଇନ୍ ଓ ଅଭାବ ଥିବାରୁ ଜଣେ ବ୍ୟାଙ୍କ କର୍ମଚାରୀ ସାଧାରଣ ଯାନବାହନ ଛାଡ଼ି ଏକ ଭିନ୍ନ ପ୍ରକାର ଉପାୟ ବାହାର କରି ଅଫିସକୁ ଯାଇଥିଲେ । ସେ ପ୍ରତିଦିନ ବାଇକ୍ରେ ଅଫିସ୍ ଯାଉଥିଲେ, କିନ୍ତୁ ସେଦିନ ଘୋଡାରେ ଚଢ଼ି ଅଫିସ୍ରେ ପହଞ୍ଚିଥିଲେ । ତେବେ ଏହି ଦୃଶ୍ୟକୁ ଦେଖି ସ୍ଥାନୀୟ ଲୋକମାନେ ଆଶ୍ଚର୍ୟ ହୋଇଯାଇଥିଲେ । ଏମିତିକି କିଛି ଲୋକ ଭିଡିଓ କରି ସୋସିଆଲ ମିଡିଆରେ ପୋଷ୍ଟ କରିଥିଲେ । ଭିଡିଓଟି ଶୀଘ୍ର ଭାଇରାଲ୍ ହୋଇଯାଇଥିଲା ଓ ଲୋକମାନେ ଏହାକୁ ଏକ ନୂତନ ଓ ମଜାଦାର ଉପାୟ ବୋଲି କହିଥିଲେ । ତଥାପି, ଏହି ଘଟଣା କେବଳ ମଜା ନୁହେଁ, ବରଂ ସହରରେ ଚାଲିଥିବା ପେଟ୍ରୋଲ୍ ସଙ୍କଟକୁ ଦର୍ଶାଉଛି । ଏଥିରୁ ସ୍ପଷ୍ଟ ଜଣା ପଡୁଛି ଯେ, ଆନ୍ତର୍ଜାତୀୟ ସ୍ତରରେ ଚାଲିଥିବା ଯୁଦ୍ଧ କେତେ ପ୍ରଭାବ ପକାଉଛି ।
