Ramayana Movie: ଶୂର୍ପଣଖା ଚରିତ୍ରକୁ ନେଇ ଚର୍ଚ୍ଚାରେ Rakul Preet Singh, କହିଲେ—‘ଅନେକ ଦିଗରୁ ତାଙ୍କୁ ବୁଝିବା ଭୁଲ୍ ହୋଇଛି’
ନିତେଶ ତିୱାରୀଙ୍କ ଆଗାମୀ ଫିଲ୍ମ Ramayanaରେ ଶୂର୍ପଣଖା ଭୂମିକାରେ ନଜର ଆସିବେ ଅଭିନେତ୍ରୀ ରକୁଲ ପ୍ରୀତ ସିଂହ। ଏହି ଚରିତ୍ରକୁ ନେଇ ନିଜ ଅନୁଭୂତି ବାଣ୍ଟି ସେ କହିଛନ୍ତି, ଶୂର୍ପଣଖା ଏକ ଭୁଲ୍ ବୁଝାଯାଇଥିବା ଏବଂ ଅନେକ ଦିଗ ଥିବା ଚରିତ୍ର। PTI ସହ ଆଲୋଚନା ବେଳେ ରକୁଲ କହିଛନ୍ତି, ଭାରତର ଇତିହାସ ଓ କାହାଣୀକୁ ବିଶ୍ୱ ଦରବାରରେ ଉପସ୍ଥାପନ କରୁଥିବା ଏଭଳି ଏକ ବଡ଼ ଫିଲ୍ମର ଅଂଶ ହେବା ତାଙ୍କ ପାଇଁ ରୋମାଞ୍ଚକର। ଏହା ସହ ଶୂର୍ପଣଖାଙ୍କ ବ୍ୟକ୍ତିତ୍ୱର ବିଭିନ୍ନ ଦିଗକୁ ପରଦାରେ ଫୁଟାଇବା ତାଙ୍କ ପାଇଁ ଏକ ଆକର୍ଷଣୀୟ ଅନୁଭବ ବୋଲି ସେ କହିଛନ୍ତି।
ରାମାୟଣ କଥାବସ୍ତୁ ଅନୁସାରେ, ବନବାସ ସମୟରେ ଶୂର୍ପଣଖା ପ୍ରଭୁ ଶ୍ରୀରାମ ଓ ଲକ୍ଷ୍ମଣଙ୍କୁ ଭେଟିଥିଲେ। ପରେ ଲକ୍ଷ୍ମଣ ତାଙ୍କ ନାକ କାଟିଦେବା ଘଟଣା ପରେ ସେ ନିଜ ଭାଇ ରାବଣଙ୍କ ପାଖକୁ ଯାଇଥିଲେ। ଏହି ଘଟଣା ପରବର୍ତ୍ତୀ ସମୟରେ ସୀତା ହରଣ ଏବଂ ରାମ-ରାବଣ ଯୁଦ୍ଧର ପଥ ପ୍ରସ୍ତୁତ କରିଥିଲା। ନିତେଶ ତିୱାରୀଙ୍କ ନିର୍ଦ୍ଦେଶିତ ଏହି ଫିଲ୍ମରେ ରଣବୀର କପୁର ଶ୍ରୀରାମ, ସାଇ ପଲ୍ଲବୀ ସୀତା ଏବଂ ୟଶ ରାବଣ ଭୂମିକାରେ ଅଭିନୟ କରୁଛନ୍ତି। ନିର୍ମାତାମାନେ ଏହି ମହାକାବ୍ୟକୁ ଦୁଇଟି ଭାଗରେ ବିଶ୍ୱ ଦର୍ଶକଙ୍କ ପାଖରେ ପହଞ୍ଚାଇବାକୁ ଯୋଜନା କରିଛନ୍ତି।
