ସୌମିତ୍ରି ମେହେର29/05/2023 at 5:46 AM
ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ନାୟକପଡା ଗ୍ରାମ ନିକଟରେ ସମ୍ବଲପୁର _ସୋନପୁର ମୁଖ୍ୟ ରାସ୍ତା ଉପରେ ଭାରସାମ୍ୟ ହରାଇ ଏକ ଜେସିବି ଓ କାର ମଧ୍ୟରେ ମୁହାଁମୁହିଁ ଆଜି ଧକ୍କା ହୋଇଛି । ଦୁର୍ଘଟଣାରେ ଜେସିବି ଚାଳକ ଏବଂ କାରରେ ଥିବା ଯାତ୍ରୀ ଆହତ ହୋଇଥିବା ବେଳେ ଅଳ୍ପକେ ବର୍ତି ଯାଇଥିବା ଜଣାପଡିଛି । ସୂଚନା ଅନୁଯାୟୀ ସମ୍ବଲପୁରରୁ ସୋନପୁର ପଟକୁ ଏକ କାର ଯାଉଥିବା ବେଳେ ବିପରିତ ଦିଗରୁ ଆସୁଥିବା ଜେସିବି ସହିତ ଧକ୍କା ହୋଇଥିଲା । ଭୟାନକ ଦୁର୍ଘଟଣା ପରେ ଜେସିବି ଚାଳକ ଘଟଣାସ୍ଥଳରୁ ଫେରାର ହୋଇଯାଇଥିବା ବେଳେ କାରରେ ବସିଥିବା ଯାତ୍ରୀଙ୍କୁ ଉଦ୍ଧାର କରି ସୁବର୍ଣ୍ଣପୁର ଜିଲ୍ଲା ମୂଖ୍ୟ ଚିକିତ୍ସାଳୟକୁ ପଠା ଯାଇଥିବା ଜଣାପଡିଛି । କାରରେ କେତେ ଜଣ ଯାତ୍ରୀ ଥିଲେ ସ୍ପଷ୍ଟ ଜଣାପଡି ନଥିଲାବେଳେ ୪ ଜଣ ଥିବା ପ୍ରାଥମିକ ତଦନ୍ତ ରୁ ପୁଲିସ ସୂତ୍ରରୁ ଜଣାପଡିଛି । ଘଟଣାସ୍ଥଳରୁ ଉଭୟ କାର ଏବଂ ଜେସିବି ହିକୁଡି ଫାଣ୍ଡି ପୁଲିସ ଜବତ କରିବା ସହ ଅଧିକ ତଦନ୍ତ କରୁଥିବା ଜଣାପଡିଛି ।