ଓଡ଼ିଶା DGP ନିଯୁକ୍ତି ମାମଲା: ୧୮ ଯାଏଁ ଚୟନ ପ୍ରକ୍ରିୟା ଘୁଞ୍ଚିଲା, ସୁପ୍ରିମକୋର୍ଟଙ୍କ ରୋକ୍
ଭୁବନେଶ୍ୱର: ଓଡ଼ିଶାର ପରବର୍ତ୍ତୀ ପୁଲିସ ମହାନିର୍ଦ୍ଦେଶକ (DGP) ନିଯୁକ୍ତି ମାମଲାରେ ସୁପ୍ରିମକୋର୍ଟ ଗୁରୁତ୍ୱପୂର୍ଣ୍ଣ ଆଦେଶ ଦେଇଛନ୍ତି। ଆସନ୍ତା ୧୮ ତାରିଖ ପର୍ଯ୍ୟନ୍ତ DGP ଚୟନ ପ୍ରକ୍ରିୟାକୁ ଘୁଞ୍ଚାଇ ଦିଆଯାଇଛି। ଏହି ସମୟ ମଧ୍ୟରେ ରାଜ୍ୟ ସରକାର DGP ନିଯୁକ୍ତି ନେଇ କୌଣସି ଚୂଡ଼ାନ୍ତ ନିଷ୍ପତ୍ତି ନେଇପାରିବେ ନାହିଁ।
DGP ନିଯୁକ୍ତି ସମ୍ପର୍କିତ ମାମଲାର ଶୁଣାଣି ସମୟରେ ଶୀର୍ଷ ଅଦାଲତ ଏହି ନିର୍ଦ୍ଦେଶ ଦେଇଛନ୍ତି। ଓଡ଼ିଶାରେ ସ୍ଥାୟୀ DGP ନିଯୁକ୍ତି ପାଇଁ ପୂର୍ବରୁ ଚୟନ ପ୍ରକ୍ରିୟା ଆରମ୍ଭ ହୋଇଥିଲା। ତେବେ ସୁପ୍ରିମକୋର୍ଟଙ୍କ ନୂଆ ଆଦେଶ ପରେ ଏହି ପ୍ରକ୍ରିୟା ସାମୟିକ ଭାବେ ଅଟକି ଯାଇଛି।
ଆସନ୍ତା ୧୮ ତାରିଖରେ ମାମଲାର ପରବର୍ତ୍ତୀ ଶୁଣାଣି ହେବାର ସମ୍ଭାବନା ରହିଛି। ଏହି ଶୁଣାଣି ପରେ DGP ନିଯୁକ୍ତି ପ୍ରକ୍ରିୟା ନେଇ ପରବର୍ତ୍ତୀ ଦିଗ ସ୍ପଷ୍ଟ ହେବ। ଫଳରେ ଓଡ଼ିଶାକୁ ସ୍ଥାୟୀ DGP କେବେ ମିଳିବ, ତାହା ଉପରେ ଏବେ ସମସ୍ତଙ୍କ ନଜର।
