ହେମନ୍ତ କୁମାର ବେହେରା7/06/2023 at 7:00 PM
ଖଡ଼ିଆଳ : ଖଡ଼ିଆଳ ବ୍ଲକ ଖୁଦପେଜ ଗ୍ରାମରେ ସୁନ୍ଦର ସୁନ୍ଦରଶ୍ୟାମ ଶତପଥୀଙ୍କ ଘରେ ରାତ୍ରି ସାଢେ ନଅରେ ସଶସ୍ତ୍ର ଡକାୟତି। ଘରର ଜଣେ ଶିଶୁ ମୁଣ୍ଡରେ ବନ୍ଧୁକ ରଖି ପରିବାର ଲୋକଙ୍କୁ ବାନ୍ଧି ଦେଇଥିଲେ ଓ ଘରରୁ ଲକ୍ଷାଧିକ ଟଙ୍କା ଓ ସୁନା ରୁପା ନେଇ ଯାଇଛନ୍ତି। ଡକାୟତ ମାନେ ୩ଜଣଙ୍କୁ ଆଘାତ କରିଛନ୍ତି। ସୁନ୍ଦର ଶ୍ୟାମଙ୍କୁ ମୁଣ୍ଡ ପଛ ପଟେ ବନ୍ଧୁକରେ ଆଘାତ କରିଥିବା ବେଳେ ତାଙ୍କୁ ପ୍ରଥମେ ଖଡ଼ିଆଳ ହସ୍ପିଟାଲ ଓ ପରେ ନୂଆପଡା ହସ୍ପିଟାଲରେ ଭର୍ତ୍ତି କରାଯାଇଥିଲା। ବର୍ତ୍ତମାନ ତାଙ୍କୁ ବୁର୍ଲା ସ୍ଥାନାନ୍ତରିତ କରାଯାଇଥିବା ପରିବାର ଲୋକେ କହିଛନ୍ତି । ସୁନ୍ଦରଙ୍କ ବାପା ଭରତଙ୍କ ମୁଣ୍ଡରେ ଆଘାତ କରିଛନ୍ତି ଓ ମାଆ ଜମ୍ବୁଙ୍କ ଗୋଡ଼ରେ ବାଡେଇଛନ୍ତି। ସଶସ୍ତ୍ର ଡ଼କାୟତ ମାନଙ୍କ ମଧ୍ୟରୁ କିଛି ଚିହ୍ନା ମୁହଁ ଥିବା ବେଳେ ଅନେକ ମୁଖା ପିନ୍ଧିଥିବା ପରିବାର ଲୋକେ କହିଛନ୍ତି । ଘଟଣା ପରେ ଖଡ଼ିଆଳ ପୋଲିସକୁ ଯୋଗାଯୋଗ କରିବାରୁ ପୋଲିସ ତୁରନ୍ତ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଥିବା ସୂଚନା ମିଳିଛି ।ନୂଆପଡା ଏସ ପି ଗୁଣ୍ଡାଲା ରେଡ୍ଡୀ ରାଘବେନ୍ଦ୍ର ଆସି ତଦନ୍ତ କରିଛନ୍ତି।ପରିବାର ଲୋକ ଓ ଘଟଣା ବିଷୟରେ ଜାଣିଥିବା ଲୋକଙ୍କୁ ସେ ଘଟଣା ବିଷୟରେ ପଚାରିବା ସହ ତଦନ୍ତ ପରେ ସବୁକଥା ଜଣାପଡିବ ବୋଲି କହିଛନ୍ତି। ଖଡ଼ିଆଳ ଏସଡିପିଓ ଅରୁପ ଅଭିଷେକ ବେହେରା ଓ ଆଇଆଇସି ଅନିରୁଦ୍ଧ ମୁଦୁଲି ମଧ୍ୟ ଘଟଣାର ତଦନ୍ତ କରୁଛନ୍ତି। ଡଗ ସ୍କୁୱାର୍ଡ ମଧ୍ୟ ତଦନ୍ତ ଚଳାଇଛି। ଖବର ଲେଖ୍ ହେବା ପର୍ଯ୍ୟନ୍ତ ଡ଼କାୟତି ସାମଗ୍ରୀ କିମ୍ବା ଡକାୟତ ମାନଙ୍କୁ ଗିରଫ କରାଯାଇପାରିନଥିବା ସୂଚନା ମିଳିଛି।