Hirakud Dam: ଖୋଲିଲା ହୀରାକୁଦ ଡ୍ୟାମର ଆଉ ୩ଗେଟ୍ , ସମୁଦାୟ ୮ଟି ଗେଟ୍ ଦେଇ ନିଷ୍କାସିତ ହେଉଛି ଜଳ
ସମ୍ବଲପୁର: ମହାନଦୀରେ ଜଳପ୍ରବାହ ବଢ଼ୁଥିବା ବେଳେ ହୀରାକୁଦ ଡ୍ୟାମ୍ର ଆଉ ୩ଟି ଗେଟ୍ ଖୋଲାଯାଇଛି। ଏହା ପରେ ଏବେ ମୋଟ ୮ଟି ଗେଟ୍ ଦେଇ ଜଳ ନିଷ୍କାସନ ହେଉଛି। ଏହା ପୂର୍ବରୁ ଗତକାଲି ଦୁଇଟି ପର୍ଯ୍ୟାୟରେ ଡ୍ୟାମ୍ର ୪ଟି ଗେଟ୍ ଖୋଲାଯାଇଥିଲା। ଉପରମୁଣ୍ଡରୁ ଆସୁଥିବା ଜଳପ୍ରବାହ ଏବଂ ଜଳଭଣ୍ଡାରର ଜଳସ୍ତରକୁ ନଜରରେ ରଖି ଗେଟ୍ ଖୋଲିବା ନେଇ ନିଷ୍ପତ୍ତି ନିଆଯାଉଛି।
ସୂଚନା ଅନୁସାରେ, ବର୍ତ୍ତମାନ ହୀରାକୁଦ ଜଳଭଣ୍ଡାରର ଜଳସ୍ତର ୬୨୯.୫୬ ଫୁଟ୍ ରହିଛି। ଆଉ ୩ଟି ଗେଟ୍ ଖୋଲାଯିବା ପରେ ତଳମୁଣ୍ଡରେ ମହାନଦୀର ଜଳପ୍ରବାହ ଉପରେ ମଧ୍ୟ ନଜର ରଖାଯାଉଛି। ଜଳଭଣ୍ଡାରର ଜଳସ୍ତର ଓ ଉପରମୁଣ୍ଡରୁ ଆସୁଥିବା ପାଣିର ପରିମାଣ ଅନୁସାରେ ପରବର୍ତ୍ତୀ ସମୟରେ ଗେଟ୍ ପରିଚାଳନା ନେଇ ନିଷ୍ପତ୍ତି ହୋଇପାରେ।
ଏପଟେ ଗେଟ୍ ଖୋଲାଯିବା ପରେ ନଦୀକୂଳିଆ ଅଞ୍ଚଳରେ ଜଳସ୍ତର ଉପରେ ନଜର ରଖାଯାଉଛି। ନଦୀ ନିକଟରେ ରହୁଥିବା ଲୋକମାନେ ପ୍ରଶାସନ ପକ୍ଷରୁ ଜାରି ହେଉଥିବା ପରବର୍ତ୍ତୀ ସୂଚନା ଉପରେ ନଜର ରଖିବାକୁ କୁହାଯାଇଛି।
