Glenn Maxwell Retirement: ଅନ୍ତର୍ଜାତୀୟ କ୍ରିକେଟ୍ରୁ ଅବସର ନେଲେ ଗ୍ଲେନ୍ ମ୍ୟାକ୍ସୱେଲ୍, ୧୪ ବର୍ଷର ଚମତ୍କାର କ୍ୟାରିୟରରେ ପଡ଼ିଲା ପୂର୍ଣ୍ଣଚ୍ଛେଦ
ନୂଆଦିଲ୍ଲୀ: ଅଷ୍ଟ୍ରେଲିଆର ଷ୍ଟାର୍ ଅଲରାଉଣ୍ଡର ଗ୍ଲେନ୍ ମ୍ୟାକ୍ସୱେଲ୍ ଅନ୍ତର୍ଜାତୀୟ କ୍ରିକେଟ୍ରୁ ଅବସର ଘୋଷଣା କରିଛନ୍ତି। Cricinfoର ରିପୋର୍ଟ ଅନୁସାରେ, ୧୪ ବର୍ଷର ଦୀର୍ଘ କ୍ୟାରିୟର ପରେ ସେ ଅଷ୍ଟ୍ରେଲିଆ ଜର୍ସିରେ ଆଉ ଖେଳିବେ ନାହିଁ। ନିଜର ଆକ୍ରମଣାତ୍ମକ ବ୍ୟାଟିଂ, ଅପ୍ରତ୍ୟାଶିତ ସଟ୍ ଏବଂ ଏକାକୀ ମ୍ୟାଚ୍ର ଗତି ବଦଳାଇବାର କ୍ଷମତା ପାଇଁ ମ୍ୟାକ୍ସୱେଲ୍ ନିଜ ପିଢ଼ିର ଅନ୍ୟତମ ଚର୍ଚ୍ଚିତ ବ୍ୟାଟର୍ ଭାବେ ପରିଚିତ।
୩୮ ବର୍ଷୀୟ ମ୍ୟାକ୍ସୱେଲ୍ ଅଷ୍ଟ୍ରେଲିଆ ପକ୍ଷରୁ ତିନୋଟି ଫର୍ମାଟ୍ରେ ଖେଳିଥିଲେ। ସେ ୭ଟି ଟେଷ୍ଟ୍, ୧୪୯ଟି ଦିନିକିଆ ଏବଂ ୧୩୦ଟି T20 ଅନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି। ଦିନିକିଆରେ ୩,୯୯୦ ରନ୍, T20Iରେ ୨,୮୯୭ ରନ୍ ଏବଂ ଟେଷ୍ଟ୍ରେ ୩୩୯ ରନ୍ କରିଛନ୍ତି। ବ୍ୟାଟିଂ ସହ ବୋଲିଂରେ ମଧ୍ୟ ସେ ଦଳକୁ ଅବଦାନ ଦେଇଥିଲେ।
ମ୍ୟାକ୍ସୱେଲ୍ ଅନ୍ତର୍ଜାତୀୟ କ୍ୟାରିୟରରେ ମୋଟ ୧୩୬ଟି ୱିକେଟ୍ ନେଇଥିଲେ। ବିଶେଷକରି ସୀମିତ ଓଭର କ୍ରିକେଟ୍ରେ ତାଙ୍କର ଅଲରାଉଣ୍ଡ ପ୍ରଦର୍ଶନ ଅଷ୍ଟ୍ରେଲିଆ ପାଇଁ ଉପଯୋଗୀ ହୋଇଥିଲା। ଚମତ୍କାର ବ୍ୟାଟିଂ, ମ୍ୟାଚ୍ ଜିତାଇବାର କ୍ଷମତା ଏବଂ ଅନନ୍ୟ ଖେଳ ଶୈଳୀ ପାଇଁ ସେ ଅଷ୍ଟ୍ରେଲିଆ କ୍ରିକେଟ୍ରେ ଏକ ସ୍ମରଣୀୟ ଅଧ୍ୟାୟ ଛାଡ଼ି ଯାଉଛନ୍ତି।
