Sachin Tendulkar on Vaibhav Suryavanshi: ୧୫ ବର୍ଷୀୟ ବୈଭବଙ୍କୁ ଉପଅଧିନାୟକ କରିବା ନିଷ୍ପତ୍ତିରେ ଅସହମତି ଜଣାଇଲେ ସଚିନ
ନୂଆଦିଲ୍ଲୀ: ଭାରତୀୟ କ୍ରିକେଟ୍ର ମହାନ ଖେଳାଳି ସଚିନ ତେନ୍ଦୁଲକର ୧୫ ବର୍ଷୀୟ ବୈଭବ ସୂର୍ଯ୍ୟବଂଶୀଙ୍କୁ ଦୁଲୀପ ଟ୍ରଫିରେ ଉପଅଧିନାୟକ କରାଯିବା ନିଷ୍ପତ୍ତିରେ ନିଜର ଅସହମତି ପ୍ରକାଶ କରିଛନ୍ତି। ଏତେ କମ୍ ବୟସରେ ବୈଭବଙ୍କୁ ଏହି ଦାୟିତ୍ୱ ଦେବା ଠିକ୍ ନିଷ୍ପତ୍ତି ନୁହେଁ ବୋଲି ସେ ମତ ଦେଇଛନ୍ତି।
ସଚିନଙ୍କୁ ରେଡିଟ୍ର ‘ଆସ୍କ ମି ଏନିଥିଂ’ (AMA) ଅଧିବେଶନରେ ଏନେଇ ପ୍ରଶ୍ନ କରାଯାଇଥିଲା। ଏହାର ଉତ୍ତରରେ ସେ କହିଥିଲେ ଯେ, ମାତ୍ର ୧୫ ବର୍ଷ ବୟସରେ ବୈଭବଙ୍କୁ ଦଳର ଉପଅଧିନାୟକ ଦାୟିତ୍ୱ ଦେବା ତାଙ୍କ ମତରେ ଠିକ୍ ନୁହେଁ।
ସଚିନଙ୍କ ଏହି ମତ ପରେ ବୈଭବଙ୍କୁ ଏତେ କମ୍ ବୟସରେ ନେତୃତ୍ୱ ଦାୟିତ୍ୱ ଦେବା ନିଷ୍ପତ୍ତି ପୁଣି ଆଲୋଚନାକୁ ଆସିଛି। ତେବେ ଏହି ନିଷ୍ପତ୍ତି ପଛରେ ଚୟନକର୍ତ୍ତାଙ୍କ ଯୁକ୍ତି କିମ୍ବା ଅନ୍ୟ କୌଣସି ବିସ୍ତୃତ କାରଣ ସମ୍ପର୍କରେ କୌଣସି ସୂଚନା ସାମ୍ନାକୁ ଆସିନାହିଁ |
