Justice B.V. Nagarathna: ୨୦୨୭ ସେପ୍ଟେମ୍ବରରେ ଭାରତର ପ୍ରଥମ ମହିଳା ବିଚାରପତି ଭାବେ ଦାୟିତ୍ୱ ଗ୍ରହଣ କରିବେ ‘ଜଷ୍ଟିସ୍ ବି.ଭି. ନାଗରତ୍ନା’
ନୂଆଦିଲ୍ଲୀ: ଭାରତୀୟ ନ୍ୟାୟପାଳିକା ଇତିହାସରେ ୨୦୨୭ ମସିହାରେ ଏକ ନୂଆ ଅଧ୍ୟାୟ ଯୋଡ଼ି ହେବାକୁ ଯାଉଛି। ସୁପ୍ରିମକୋର୍ଟର ବରିଷ୍ଠ ବିଚାରପତି ଜଷ୍ଟିସ୍ ବି.ଭି. ନାଗରତ୍ନା ଆସନ୍ତା ବର୍ଷ ସେପ୍ଟେମ୍ବରରେ ଭାରତର ମୁଖ୍ୟ ବିଚାରପତି (CJI) ଭାବେ ଦାୟିତ୍ୱ ଗ୍ରହଣ କରିବେ। ଏହା ସହିତ ସେ ଦେଶର ପ୍ରଥମ ମହିଳା ମୁଖ୍ୟ ବିଚାରପତି ହେବାର ଗୌରବ ହାସଲ କରିବେ। ତାଙ୍କର ନିଯୁକ୍ତି ଭାରତୀୟ ନ୍ୟାୟପାଳିକାରେ ମହିଳାଙ୍କ ପ୍ରତିନିଧିତ୍ୱ ଦୃଷ୍ଟିରୁ ଏକ ଐତିହାସିକ ଘଟଣା ହେବ।
ଜଷ୍ଟିସ୍ ବି.ଭି. ନାଗରତ୍ନା ୧୯୮୭ରେ ଓକିଲ ଭାବେ ନିଜର ଆଇନ ପେଶା ଆରମ୍ଭ କରିଥିଲେ। ୨୦୦୮ରେ ସେ କର୍ଣ୍ଣାଟକ ହାଇକୋର୍ଟର ଅତିରିକ୍ତ ବିଚାରପତି ଏବଂ ୨୦୧୦ରେ ସ୍ଥାୟୀ ବିଚାରପତି ଭାବେ ନିଯୁକ୍ତ ହୋଇଥିଲେ। ୨୦୨୧ ଅଗଷ୍ଟରେ ସେ ସୁପ୍ରିମକୋର୍ଟର ବିଚାରପତି ହୋଇଥିଲେ। ତାଙ୍କ ପିତା ଜଷ୍ଟିସ୍ ଇ.ଏସ୍. ଭେଙ୍କଟରାମୈୟା ମଧ୍ୟ ଭାରତର ମୁଖ୍ୟ ବିଚାରପତି ଥିଲେ। ଏହିପରି ଭାବେ ବାପାଙ୍କ ପରେ ଝିଅ ଦେଶର ସର୍ବୋଚ୍ଚ ନ୍ୟାୟିକ ପଦବୀରେ ପହଞ୍ଚିବାକୁ ଯାଉଛନ୍ତି।
ଜଷ୍ଟିସ୍ ନାଗରତ୍ନାଙ୍କ କାର୍ଯ୍ୟକାଳ ସେପ୍ଟେମ୍ବର ୨୦୨୭ରୁ ଅକ୍ଟୋବର ୨୦୨୭ ପର୍ଯ୍ୟନ୍ତ ରହିବ। ତାଙ୍କ ପୂର୍ବରୁ କୌଣସି ମହିଳା ଭାରତର ମୁଖ୍ୟ ବିଚାରପତି ହୋଇନାହାନ୍ତି। ତେଣୁ ତାଙ୍କର ଏହି ନିଯୁକ୍ତି ଦେଶର ନ୍ୟାୟିକ ଇତିହାସରେ ଏକ ଗୁରୁତ୍ୱପୂର୍ଣ୍ଣ ଘଟଣା ଭାବେ ଲିପିବଦ୍ଧ ହେବ।
