Govinda Viral Photos: ଅଭିନେତ୍ରୀ କୋମଲଙ୍କ ସହ ଗୋବିନ୍ଦାଙ୍କ ରୋମାଣ୍ଟିକ୍ ଫଟୋ ଭାଇରାଲ୍! ରାକ୍ଷୀ ସାୱନ୍ତଙ୍କ ରିଆକ୍ସନ୍ ଚର୍ଚ୍ଚାରେ
ମୁମ୍ବାଇ: ବଲିଉଡ୍ ଅଭିନେତା ଗୋବିନ୍ଦା ପୁଣି ଥରେ ନିଜ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ। ଅଭିନେତ୍ରୀ କୋମଲ ରାଣୀ ସ୍ୱର୍ଣ୍ଣକାର ସୋସିଆଲ ମିଡିଆରେ ଗୋବିନ୍ଦାଙ୍କ ସହ କିଛି ରୋମାଣ୍ଟିକ୍ ଫଟୋ ସେୟାର କରିଛନ୍ତି। ଏହି ଫଟୋଗୁଡ଼ିକ ଏବେ ଭାଇରାଲ୍ ହେଉଛି। ଫଟୋରେ ଉଭୟ ପରସ୍ପରଙ୍କ ଆଖିକୁ ଚାହିଁ ପୋଜ୍ ଦେଉଥିବା ଦେଖାଯାଇଛି। କୋମଲ ଲାଭେଣ୍ଡର ରଙ୍ଗର ଶାଢ଼ି ପିନ୍ଧିଥିବା ବେଳେ ଗୋବିନ୍ଦା ଧଳା ସାର୍ଟ ଓ ବ୍ଲେଜରରେ ନଜର ଆସିଛନ୍ତି।
ଏହି ଫଟୋକୁ ନେଇ ସୋସିଆଲ ମିଡିଆରେ ୟୁଜର୍ସଙ୍କ ଭିନ୍ନ ଭିନ୍ନ ପ୍ରତିକ୍ରିୟା ଆସୁଛି। ତେବେ ଅଭିନେତ୍ରୀ ରାକ୍ଷୀ ସାୱନ୍ତଙ୍କ ଏକ ରାଗିବା ଇମୋଜି ମଧ୍ୟ ଲୋକଙ୍କ ଦୃଷ୍ଟି ଆକର୍ଷଣ କରିଛି। ଏହାକୁ ନେଇ ଅନଲାଇନ୍ରେ ଚର୍ଚ୍ଚା ଆହୁରି ବଢ଼ିଛି।
ଅନ୍ୟପକ୍ଷରେ, ଗୋବିନ୍ଦା ଓ ତାଙ୍କ ପତ୍ନୀ ସୁନୀତା ଆହୁଜାଙ୍କ ସମ୍ପର୍କକୁ ନେଇ ପୂର୍ବରୁ ମଧ୍ୟ ଚର୍ଚ୍ଚା ହୋଇଆସୁଛି। ଏଭଳି ସମୟରେ କୋମଲଙ୍କ ସହ ଗୋବିନ୍ଦାଙ୍କ ଫଟୋ ସାମ୍ନାକୁ ଆସିବା ପରେ ସୋସିଆଲ ମିଡିଆରେ ପୁଣି ନୂଆ ଆଲୋଚନା ଆରମ୍ଭ ହୋଇଛି। ତେବେ କେବଳ ଫଟୋ ଆଧାରରେ ଉଭୟଙ୍କ ସମ୍ପର୍କକୁ ନେଇ କୌଣସି ନିଷ୍କର୍ଷରେ ପହଞ୍ଚିବା ଠିକ୍ ହେବ ନାହିଁ।
