ବୀରମହାରାଜପୁର ବରିଷ୍ଠ ନାଗରିକ ସଂଗଠନ କାର୍ଯ୍ୟାଳୟ ରେ ପଣ୍ଡିତ ଜବାହରଲାଲ ନେହେରୁଙ୍କ 137 ତମ ଜନ୍ମ ଜୟନ୍ତୀ ପାଳିତ
ବୀରମହାରାଜପୁର : ଚାଚା ନେହେରୁ ଭାବେ ପରିଚିତ ଭରତର ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ଜବାହରଲାଲ ନେହେରୁଙ୍କ 137 ତମ ଜନ୍ମ ଜୟନ୍ତୀ ସ୍ଥାନୀୟ ବରିଷ୍ଠ ନାଗରିକ ସଂଗଠନ କାର୍ଯ୍ୟାଳୟ ରେ ଆଜି ପାଳିତ ହୋଇଯାଇଛି I
ଶନିବାର ଆୟୋଜିତ କାର୍ଯ୍ୟକ୍ରମରେ ସଙ୍ଗଠନ ର ଉପଦେଷ୍ଟା ତଥା ବରିଷ୍ଠ ସାମ୍ବାଦିକ ଶ୍ରୀ ସୌମିତ୍ରି ମେହେର ସଭାପତି ଭାବେ ମଞ୍ଚାସୀନ ହୋଇ ଚାଚା ନେହେରୁଙ୍କ ଜୀବନୀ ଉପରେ ବିସ୍ତୃତ ଆଲୋଚନା କରିଥିଲେ I ଏ ଅବସରରେ ମୁଖ୍ୟ ଅତିଥି ଭାବେ ଉପଖଣ୍ଡ ସାମ୍ବାଦିକ ସଂଘ ର ସମ୍ପାଦକ ତଥା ବରିଷ୍ଠ ସାମ୍ବାଦିକ ବାସୁଦେବ ପଣ୍ଡା ଏବଂ ସଂଘ ର ପୁର୍ବତନ ସମ୍ପାଦକ ବଳରାମ କାଣ୍ଡ ମୁଖ୍ୟ ବକ୍ତାଭାବେ ଯୋଗଦେଇ ଥିଲେ I ସେହିପରି ସମ୍ମାନିତ ଅତିଥି ଭାବେ ଅବସରପ୍ରାପ୍ତ ସ୍ୱାସ୍ଥ୍ୟ ଅଧିକାରୀ ନାରାୟଣ ନାୟକ ମଞ୍ଚାସୀନ ଥିଲେ l ସଂଘ ର ଯୁଗ୍ମସଂପାଦକ ଜିତେନ୍ଦ୍ର ପ୍ରଧାନ ସଭା ସଂଯୋଜନା ଓ ଅତିଥି ପରିଚୟ ପ୍ରଦାନ କରିଥିଲେ I ଶେଷରେ ଅବସରପ୍ରାପ୍ତ ବ୍ଲକ କର୍ମଚାରୀ ପଦ୍ମନାଭ ଦାଶ ଧନ୍ୟବାଦ ଅର୍ପଣ କରିଥିଲେ I
