ଅସ୍ତରଙ୍ଗ ପଞ୍ଚାୟତ ସମିତି ବୈଠକ,ରେ ହଟଗୋଳ ।ଗଣମାଧ୍ୟମ ପ୍ରତିନିଧି ଙ୍କୁ ବି ଡି ଓ ଙ୍କ ଦୂର୍ବବହାରର


ଅସ୍ତରଙ୍ଗ୧୨/୦୬/ ଅସ୍ତରଙ୍ଗ ନୂତନ ପଞ୍ଚାୟତ ସମିତି ଗଠନ ହେବାର ୧ ବର୍ଷରୁ ଉର୍ଦ୍ଧ୍ବ ହୋଇ ଯାଇଥିଲେ ମଧ୍ୟ ଦ୍ୱିତୀୟ ଥର ପାଇଁ ପଞ୍ଚାୟତ ସମିତି ବୈଠକ ସୋମବାର ଦିନ ବ୍ଳକ ଅଧକ୍ଷାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା।ବୈଠକରେ କ୍ରୀଡା ଓ ଗୃହ ରାଷ୍ଟ୍ରମନ୍ତ୍ରୀ ତୁଷାର କାନ୍ତି ବେହେରା,ସାଂସଦ ପ୍ରତିନିଧି, ଜିଲ୍ଲା ପରିଷଦ ସଭ୍ୟା, ବିଡ଼ିଓ ବେବିତା ମଞ୍ଜରୀ ନାୟକ ପ୍ରମୁଖ ଉପସ୍ଥିତ ଥିଲେ।୧୫ ପଞ୍ଚାୟତର ସରପଞ୍ଚ ସମିତି ସଭ୍ୟ ସଭ୍ୟା, ବିଭିନ୍ନ ବିଭାଗର ଅଧିକାରୀ ମାନେ ମଧ୍ୟ ଉପସ୍ଥିତ ଥିଲେ।ବୈଠକ ଆରମ୍ଭରୁ ଏକ ୧୭ ଲକ୍ଷ ଟଙ୍କା ହଡପକୁ ନେଇ ବିଭିନ୍ନ ସଭ୍ୟ ସଭ୍ୟା ମାନେ ନିୟମ ଅନୁସାରେ କଣ ପାଇଁ ଖର୍ଚ୍ଚ ହୋଇନାହିଁ ବୋଲି ପ୍ରଶ୍ନ କରିବାରୁ ଅଧକ୍ଷାଙ୍କ ସମର୍ଥକ ମାନେ ହଟ୍ଟଗୋଳ ଆରମ୍ଭ କରିଥିଲେ।ଏହାକୁ ବିଜେଡି ସମର୍ଥିତ ସଭ୍ୟ ମାନେ ପ୍ରତିବାଦ କରିବାରୁ ନୂଆଗଡ ସରପଞ୍ଚ ଚେଆର ଫୋପାଡ଼ି ଟେବୁଲ ବାଡେଇ ଥିଲେ।ଏହି ୧୭ ଟଙ୍କା ବ୍ଲକ ସୌରଶକ୍ତି ସମ୍ପର୍ଣ୍ଣ ବିଦ୍ୟୁତ କରଣ ପାଇଁ ୭ ଲକ୍ଷ ଟଙ୍କା,ମିଶନ ଶକ୍ତି କାଫେ ନିର୍ମାଣ ଓ ଉନ୍ନତି କରଣ ପାଇଁ ୫ ଲକ୍ଷ ଟଙ୍କା ଓ ମିଶନ ଶକ୍ତି କାଫେର ଫର୍ଣ୍ଣିଚର ଏବଂ ପାରିପାର୍ଶ୍ବିକ ଉନ୍ନତି କରଣ ପାଇଁ ୫ ଲକ୍ଷ ଟଙ୍କା ପୂର୍ବରୁ ପଞ୍ଚାୟତ ସମିତି, ଜିଲ୍ଲା ପାଳ ପୁରୀଙ୍କ ଦ୍ୱାରା ଅନୁମୋଦିତ ହୋଇ ରହିଥିଲା।ଉକ୍ତ ଅନୁମୋଦିତ ଅର୍ଥକୁ ପ୍ରସ୍ତାବିତ ପ୍ରକଳ୍ପ କାର୍ଯ୍ୟ ରେ ଖର୍ଚ୍ଚ ନ କରି ଆତ୍ମସାତ କରିବା ଲକ୍ଷ୍ୟରେ ଉକ୍ତ ୧୭ ଲକ୍ଷ ଟଙ୍କାକୁ ବିଡ଼ିଓ ଓ ଅଧକ୍ଷା ଚତୁରତାର ସହିତ ବ୍ଲକ ପରିସରରେ ଫେବର ବ୍ଲକ ବା ଇଟା ଚଟାଣ କାର୍ଯ୍ୟ କରି ସମ୍ପୂର୍ଣ୍ଣ ବିଲ କରି ନେଇଯାଇଥିବା ସରପଞ୍ଚ ସମିତି ସଭ୍ୟ ସଭ୍ୟା ମାନେ ଅଭିଯୋଗ ଆଣିଥିଲେ।ଏହି ୧୭ ଲକ୍ଷ ଟଙ୍କା ପୂର୍ବ ପ୍ରସ୍ତାବିତ ଅନୁମୋଦିତ ହୋଇଥିଲେ ମଧ୍ୟ ତାହା ନ କରି ନୂତନ କାର୍ଯ୍ୟ କରିଥିଲେ ମଧ୍ୟ ତାହା ପଞ୍ଚାୟତ ସମିତି କିମ୍ବା ଜିଲ୍ଲାପାଳଙ୍କ ଅନୁମୋଦନ ନ କରି କିପରି ଖର୍ଚ୍ଚ କରି ବିଲ ନେଇଗଲେ ତାହା ଏକ ଉଚ୍ଚସ୍ତରୀୟ ଭିଜିଲାନ୍ସ ତଦନ୍ତ କରିବାକୁ ନିର୍ବାଚିତ ପ୍ରତିନିଧି ମାନେ ଦାବି କରିଛନ୍ତି। ସରକାରୀ ନିୟମ ଅନୁଯାୟୀ ବର୍ଷକୁ ତିନି ଥର ପଞ୍ଚାୟତ ସମିତି ବୈଠକ ହେବା କଥା।କିନ୍ତୁ ୧ ବର୍ଷ ୧୦ ଦିନ ଅନ୍ତରରେ କେଉଁ ନିୟମ ଅନୁଯାୟୀ ବୈଠକ କରାଗଲା ତାହା କଣ ଏହି ୧୭ ଲକ୍ଷ ଟଙ୍କାକୁ ଆତ୍ମସାତ କରିବା ପାଇଁ ନା ଆଉ କେଉଁ ଉଦେଶ୍ୟ ପାଇଁ ତାହା ସଭ୍ୟ ମାନେ ଅଭିଯୋଗ କରିଥିଲେ।ଉପାଦକ୍ଷ ଦୁର୍ଜୟ ମିଶ୍ର ସମିତି ସଭ୍ୟା ଆରତୀ କାଣ୍ଡିଙ୍କୁ ଗୃହରୁ ବହାରିଯିବାକୁ ଧମକ ଦେଇଥିଲେ।ଏହାର ପ୍ରତିବାଦରେ ୧୪ ଜଣ ସଭ୍ୟ ସଭ୍ୟା ବୈଠକ ଗୃହ ଛାଡି ଚାଲି ଆସିଥିଲେ।ଏହି ଅର୍ଥକୁ ନେଇ ହଟ୍ଟଗୋଳ ପାଟିତୁଣ୍ଡ ଜୋରରେ ହେଲା ବେଳେ ଅସ୍ତରଙ୍ଗର କାର୍ଯ୍ୟରତ ପ୍ରିଣ୍ଟ ଓ ବିଦ୍ୟୁତ ଗଣମାଧ୍ୟମ ସାମ୍ୱାଦିକ ମାନେ ଫୋଟୋ ଉଠାଉଥିବା ବେକେ ବିଡ଼ିଓ ବେବିତା ମଞ୍ଜରୀ ନାୟକ ମନ୍ତ୍ରୀ ଓ ସାଂସଦ ପ୍ରତିନିଧିଙ୍କ ଉପସ୍ଥିତରେ ଦୁର୍ବ୍ୟବହାର କରି ବୈଠକ ଗୃହରୁ ବାହାର କରି ଦେଇଥିଲେ।ଯାହାକୁ ମନ୍ତ୍ରୀ ଓ ସାଂସଦ ପ୍ରତିନିଧି ବିଡ଼ିଓଙ୍କ ଏହି ସାମ୍ବାଦିକଙ୍କ ପ୍ରତି ଅସାମ୍ବିଧାନିକ ମନ୍ତବ୍ୟକୁ ନାପସନ୍ଦ କରିବା ସହିତ ନିନ୍ଦା ମଧ୍ୟ କରିଥିଲେ।ସେ ଜଣେ ଅନଭିଜ୍ଞ ବିଡ଼ିଓ ହୋଇଥିବାରୁ ଅସ୍ତରଙ୍ଗ ବ୍ଲକରେ ଯୋଗ ଦେବା ଦିନ ଠାରୁ ବିଭିନ୍ନ ସମୟରେ ବିଭିନ୍ନ କାର୍ଯ୍ୟରତ ସାମ୍ବାଦିକ ମାନଙ୍କୁ ଦୁର୍ବ୍ୟବହାର କରିଆସୁଛନ୍ତି।ସେ ନିଜକୁ ୫ ଟି ସଚିବଙ୍କ ନିକଟତର କହି ସମସ୍ତଙ୍କୁ ଧମକ ମଧ୍ୟ ଦିଅନ୍ତି।ଏହି ଅର୍ଥ କେଳେଙ୍କାରୀ ଓ କାର୍ଯ୍ୟରତ ସାମ୍ବାଦିକଙ୍କ ପ୍ରତି ଦୁର୍ବ୍ୟବହାର ଘଟଣାକୁ ଗୁରୁତ୍ୱ ଦେଇ ବିଡ଼ିଓଙ୍କ ପ୍ରତି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ବିଭାଗୀୟ ମନ୍ତ୍ରୀ, ୫ ଟି ସଚିବ ,ପୁରୀ ଜିଲ୍ଲାପାଳଙ୍କ ନିକଟରେ ଦାବି ହେଉଛି।ନଚେତ ଆଗାମୀ ଦିନରେ ରାଜ୍ୟ ବ୍ୟାପି ଆନ୍ଦୋଳନ କରାଯିବ ବୋଲି ସାମ୍ବାଦିକ ସଂଘ ପକ୍ଷରୁ ଚେତାବନୀ ଦିଆଯାଇଛି।ଆୟୋଜିତ ବୈଠକ ପୋଲିସ ଛାଉଣୀରେ ଅନୁଷ୍ଠିତ ହୋଇଥିଲା।

ଗଜପତି ଜିଲ୍ଲାରେ ଆନ୍ଧ୍ର ଅଧିକାରୀମାନଙ୍କ ବେଆଇନ ପ୍ରବେଶକୁ ପ୍ରଶୟ ଦିଆଯିବ ନାହିଁ…. ଗଜପତି ଜିଲ୍ଲାପାଳ ପାରଳାଖେମୁଣ୍ଡି,୧୯/୭(ଗରୁଡ ଧ୍ୱଜ ଚୌଧୁରୀ) ଓଡ଼ିଶା ସୀମାରେ ଆନ୍ଧ୍ର ଅଧିକାରୀଙ୍କ ଅନୁପ୍ରବେଶ କରି ଓଡ଼ିଶାର 3 ଗୋଟି ଗାଁକୁ ଆନ୍ଧ୍ରର ବୋଲି ଦାବି କରିବା ବ୍ୟର୍ଥ ଉଦ୍ୟମକୁ କେବେ ବି ସଫଳ କରି ଦିଆଯିବନାହିଁ. ଓଡିଶା ତଥା ଗଜପତି ଜିଲ୍ଲାର ପରିସୀମା ମଧରେ ଆନ୍ଧ୍ର ଅଧିକାରୀଙ୍କ ବେଆଇନ ପ୍ରବେଶ ଓ ବିଭିନ୍ନ ମିଥ୍ୟା ଓ ବିଭ୍ରାନ୍ତିକର ମନ୍ତବ୍ୟକୁ କେବେ ବି ପ୍ରଶୟ ଦିଆ ଯିବନାହିଁ ବୋଲି ଗଜପତି ଜିଲ୍ଲାପାଳ ବିଜୟ କୁମାର ଦାସ ଦୃଢତାର ସହ ପ୍ରକାଶ କରିଛନ୍ତି.ଏହି ଘଟଣା ନେଇ ଗଜପତି ଜିଲ୍ଲା ପ୍ରଶାସନ ସମ୍ପୂର୍ଣ ଆକସନ୍ ମୁଡ୍‌ରେ ରହିଥ‌ିବା ଜଣାପଡ଼ିଛି। ଗଜପତି ଜିଲ୍ଲା ରାୟଗଡ଼ ବ୍ଲକ ଅଧୀନ ଗଙ୍ଗାବାଡ଼ ପଞ୍ଚାୟତର ମାଣିକପାଟଣା, ଆମରିଙ୍ଗି ଓ ବୁରୁସିଂ ଆଦି 3 ଗୋଟି ଗ୍ରାମକୁ ଗଜପତି ଜିଲ୍ଲାପାଳ ବିଜୟ କୁମାର ଦାସ ଓ ଆରକ୍ଷୀ ଅଧୀକ୍ଷକ ଯତୀନ୍ଦ୍ର ପଣ୍ଡା ପହଞ୍ଚି ଲୋକଙ୍କ ସହ ସାକ୍ଷାତ କରି ବିଭିନ୍ନ ବିଷୟରେ ଆଲୋଚନା କରିଛନ୍ତି। ଆନ୍ଧ୍ରର କୌଣସି ଅଧିକାରୀ ଆସିଲେ ଡରିବାର ନାହିଁ. ତୁରନ୍ତ ପ୍ରଶାସନକୁ ଜଣାଇବାକୁ ଜିଲ୍ଲାପାଳ ଗ୍ରାମବାସୀଙ୍କୁ କହିଛନ୍ତି. ଓଡ଼ିଶା ଜାଗା ଛାଡିବୁନି କି ଆନ୍ଧ୍ର ଜାଗା ମାଡ଼ିବୁ ନାହିଁ ବୋଲି ଜିଲ୍ଲାପାଳ ବିଜୟ କୁମାର ଦାସ ଗ୍ରାମବାସୀମାନଙ୍କୁ ଦୃଢତାର ସହ ପ୍ରକାଶ କରିଛନ୍ତି। ଏଥିସହ ମାଣିକପାଟଣାରେ ତିଆରି ହୋଇଥିବା ଆନ୍ଧ୍ରର ଅଙ୍ଗନବାଡ଼ି କେନ୍ଦ୍ରକୁ ବୁଲି ଦେଖୁବା ସହ ଉକ୍ତ କେନ୍ଦ୍ରର ସୀମା ଚିହ୍ନଟ ପାଇଁ ରାୟଗଡ ତହସିଲଦାରଙ୍କୁ ନିର୍ଦ୍ଦେଶ ଦେଇଛନ୍ତି। ସୀମାକୁ ନେଇ କୌଣସି ବିବାଦ ନାହିଁ ଉନ୍ନୟନ କାର୍ଯ୍ୟ ହୋଇଥିବା ଅଞ୍ଚଳ ଓଡ଼ିଶାର, ଓଡ଼ିଶା ସୀମା ଭିତରେ ହିଁ ରହିଛି. ଗତ କିଛି ଦିନ ତଳେ ପାରଳାଖେମୁଣ୍ଡି ଉପଜିଲ୍ଲାପାଳ ଏହି ଅଞ୍ଚଳ ଗସ୍ତ କରି ସମସ୍ତ ଅନୁଧ୍ୟାନ କରିବା ପରେ ଯେଉଁ ରିପୋର୍ଟ ପ୍ରଦାନ କରିଛନ୍ତି ଆନ୍ଧ୍ରର ଶ୍ରୀକାକୁଲମ ଜିଲ୍ଲାପାଳଙ୍କୁ ଚିଠି ଲେଖୁ ଜଣାଇ ଦିଆଯାଇଛି। ଏହି ଗସ୍ତ ସମୟରେ ସହକାରୀ ନିର୍ବାହୀ ଯନ୍ତ୍ରୀ ସିଦ୍ଧାର୍ଥ ଶଙ୍କର ତ୍ରିପାଠୀ, ସିଡିପିଓ ବି. କାମଳାଙ୍ଗୀ, ଏସ୍‌ ଡିପିଓ ମାଧବାନନ୍ଦ ନାୟକ, ଜିଲ୍ଲା ଶିକ୍ଷା ଅଧିକାରୀ ମାୟାଧର ସାହୁ, ଗାରାବନ୍ଧ ଥାନା ଅଧିକାରୀ ପ୍ରଶାନ୍ତ ନିଶିକା ପ୍ରମୁଖଙ୍କ ସହ କେତେଜଣ ପ୍ରଶାସନିକ ଅଧିକାରୀ ଏହି 3 ଗୋଟି ଗ୍ରାମକୁ ଉପଜିଲ୍ଲାପାଳଙ୍କ ସହ ଗସ୍ତ କରି ସମସ୍ତ ଅନୁଧ୍ୟାନ କରିଥିଲେ। ମୋଟାମୋଟି ଭାବେ ଏହି ସମସ୍ତ ଅଞ୍ଚଳ କେବଳ ଓଡିଶାର ଏବଂ ଗଜପତି ଜିଲ୍ଲା ଅଧୀନରେ ରହିଥିବା ସ୍ପଷ୍ଟ ହୋଇଯାଇଛି. ଆଗାମୀ ଦିନରେ କେନ୍ଦ୍ର ଓ ରାଜ୍ୟ ସରକାରଙ୍କ ବିଭିନ୍ନ ଉନ୍ନୟନମୂଳକ ଯୋଜନାରେ ଆହୁରି ଅନେକ ବିକାଶମୂଳକ ଜନ ହିତକର କାର୍ଯ୍ୟ କରାଯିବ. ତେଣୁ ଅଞ୍ଚଳବାସୀ ଆନ୍ଧ୍ରର କେତେକ ଅଧିକାରୀଙ୍କ ବିଭ୍ରାନ୍ତିମୂଳକ ଓ ଭୁଲ ତଥ୍ୟକୁ କୌଣସି ଭାବେ ଗୁରୁତ୍ୱ ନ ଦେଇ ଓଡିଶା ପ୍ରଶାସନର ବିଭିନ୍ନ ଉନ୍ନୟନମୂଳକ ଯୋଜନାରେ ନିଜ ନିଜକୁ ସାମିଲ କରି ଏହି ଅଞ୍ଚଳର ଉନ୍ନତି ଓ ବିକାଶ ପାଇଁ ସହଯୋଗ କରନ୍ତୁ ବୋଲି ଗଜପତି ଜିଲ୍ଲାପାଳ ବିଜୟ କୁମାର ଦାଶ ସମ୍ପୃକ୍ତ ଅଞ୍ଚଳବାସୀଙ୍କୁ ନିବେଦନ କରିଛନ୍ତି.