ଅଶୋକ କୁମାର ସାହୁ

19/06/2023 at 8:33 PM

ସୋମବାର ତରଭାର ଆରାଧ୍ୟ ଦେବତା ପ୍ରଭୁ ଜଗନ୍ନାଥଙ୍କ ନବଯୌବନ ଦର୍ଶନ କରି ଭକ୍ତ ନିଜକୁ ଧନ୍ୟ ମନେ କରିଛନ୍ତି। ପ୍ରଭୁ ଜଗନ୍ନାଥ ଦେବସ୍ନାନ ପୂର୍ଣ୍ଣିମା ଦିନ ସ୍ନାନ ବେଦୀରେ ସ୍ନାନ କରିବା ପରେ ଅସୁସ୍ଥ ହୋଇ ପଡ଼ିଥିଲେ । ସେହି ଦିନ ଠାରୁ ପ୍ରଭୁ ଜଗନ୍ନାଥ ଅଣସର ଘରେ ଥିଲେ । ଅଣସର ଘରେ ସେବାୟତ ପଣ୍ଡା ମାନେ ପ୍ରଭୁ ଜଗନ୍ନାଥ ସୁସ୍ଥ ହେବାପାଇଁ ବିଭିନ୍ନ ସେବା ଓ ଉପଚାର ମାନ କରୁଥିଲେ । ସୁସ୍ଥ ହେବା ପରେ ପ୍ରଭୁ ଜଗନ୍ନାଥ ଆଜି ନବଯୌବନ ବେଶରେ ଭକ୍ତ ମାନଙ୍କୁ ଦର୍ଶନ ଦେଇଥିଲେ । ପ୍ରଭୁଙ୍କ ନବଯୌବନ ବେଶ ଦର୍ଶନ କରିବା ପାଇଁ ମନ୍ଦିରରେ ଶ୍ରଦ୍ଧାଳୁ ଭକ୍ତଙ୍କ ଭିଡ଼ ଲାଗି ରହିଥିଲା ‌। ମଙ୍ଗଳବାର ଶୁକ୍ଳପକ୍ଷ ଦ୍ଵିତୀୟା ତିଥିରେ ହଜାର ହଜାର ଶ୍ରଦ୍ଧାଳୁ ଭକ୍ତଙ୍କ ଗହଣରେ ରଥାରୂଢ଼ ହୋଇ ପ୍ରଭୁ ଶ୍ରୀଗୁଣ୍ଡିଚା ମନ୍ଦିରକୁ ଯାତ୍ରା କରିବେ । ଏଥିରେ ପୂଜକ ଭାବରେ ଗୋପାଳ କୃଷ୍ଣ ମିଶ୍ର କାର୍ଯ୍ୟ ତୁଲାଇ ଥିବା ବେଳେ କର୍ତ୍ତା ଭାବରେ ରତନଲାଲ ଅଗ୍ରୱାଲ କାର୍ଯ୍ୟ ସମ୍ପାଦନ କରିଥିଲେ । ଏହି ସମସ୍ତ କାର୍ଯ୍ୟରେ ପ୍ରଭାତ ମିଶ୍ର, ସଞ୍ଜୟ ମିଶ୍ର, ବିଜୟ ମିଶ୍ର, ସୁଧିର ପୁଜାହାରୀ, ଜଗନ୍ନାଥ ପୁଜାହାରୀ, କେଶବ ତ୍ରିପାଠୀ, ବିକ୍ରମ ମିଶ୍ର, ପ୍ରଦୀପ ପାଣିଗ୍ରାହୀ ଓ ସୁରେନ୍ଦ୍ର ବେଜ ପ୍ରମୁଖ ସେବାୟତ ମାନେ ସହଯୋଗ କରିଥିଲେ ।
,