ରାଜୀବ ଲୋଚନ ମିଶ୍ର

28/06/2023 at 12:29 AM

ଗୋପାଳପୁର: ବ୍ରହ୍ମପୁର ବିଶ୍ଵବିଦ୍ୟାଳୟରେ ଆଜି ବିଭିନ୍ନ ମହାବିଦ୍ୟାଳୟର ଯୁକ୍ତ ୩ ଦ୍ୱିତୀୟ ବର୍ଷ ବିଦ୍ୟାର୍ଥୀ ମାନେ ଚତୁର୍ଥ ସେମିଷ୍ଟାର ପରୀକ୍ଷା ଘୁଞ୍ଚାଇବାକୁ ନେଇ ଆଜି ପୁଣି ଥରେ ଦ୍ବିତୀୟ ପ୍ରଦର୍ଶନ କରିଥିଲେ l ବ୍ରହ୍ମପୁର ବିଶ୍ଵବିଦ୍ୟାଳୟ ପକ୍ଷରୁ ଜୁଲାଇ ୪ ଠାରୁ ୧୪ ତାରିଖ ପର୍ଯ୍ୟନ୍ତ ଚତୁର୍ଥ ସେମିଷ୍ଟାର ପରୀକ୍ଷା ହେବା ନିମନ୍ତେ ବିଜ୍ଞପ୍ତି ଜାରି ହୋଇଛି l ତୃତୀୟ ସେମିଷ୍ଟାର ପରୀକ୍ଷା ଏପ୍ରେଲ ମାସରେ ସରିଥିବା ବେଳେ ମେ ମାସରୁ ଏକ ମାସ ଗ୍ରୀଷ୍ମ ଛୁଟି ରହିଥିଲା l ସେହି ସମୟ ମଧ୍ୟରେ ଚତୁର୍ଥ ସେମିଷ୍ଟାର ପରୀକ୍ଷାର ସିଲାବସ ପ୍ରକାରେ ପାଠ୍ୟକ୍ରମ ସରିନଥିବା ଓ ଅନ ଲାଇନ ମାଧ୍ୟମରେ ପାଠପଢ଼ା ହୋଇ ନଥିବା ଛାତ୍ରଛାତ୍ରୀ ମାନେ ଅଭିଯୋଗ କରିଥିଲେ l ଯଦି ପରୀକ୍ଷା କରାଯାଏ ତେବେ ପରୀକ୍ଷାରେ ଭଲ କରିପାରିବେ ନହିଁ ବୋଲି ବିଦ୍ୟାର୍ଥୀ ମାନେ ଅଭିଯୋଗ କରିଛନ୍ତି l ତେଣୁ ଏହି ପରୀକ୍ଷାକୂ ସିଲାବସର ପାଠ୍ୟକ୍ରମ ଅନୁସାରେ ସାରିବା ପରେ ପରୀକ୍ଷା କରିବା ପାଇଁ ଆଜି ଅନେକ କଲେଜ ର ବିଦ୍ୟାର୍ଥୀ ମାନେ ମାନେ ବିଶ୍ଵବିଦ୍ୟାଳୟ ପ୍ରଶାସନିକ ଭବନ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ l ଏନେଇ କୁଳପତି ପ୍ରଫେସର ଗୀତାଞ୍ଜଳି ଦାସ ଙ୍କ ସହ ସାକ୍ଷାତ
କରିବା ପରେ ଉଚ୍ଚ ଶିକ୍ଷା ବିଭାଗ ନିର୍ଦେଶ ପାଳନ କରି ଠିକ ସମୟରେ ପରୀକ୍ଷା କରାଯିବ ବୋଲି କହିଛନ୍ତି l ପରୀକ୍ଷା ନିୟନ୍ତ୍ରକ ଡ଼. ସତ୍ୟ ନାରାୟଣ କୁଣ୍ଡୁ ବିକ୍ଷୋଭ ସ୍ଥଳରେ ପହଁଚି ବିଦ୍ୟାର୍ଥୀ ଙ୍କ ସହ ଆଲୋଚନା କରିଥିଲେ । କଲେଜ ଅଧ୍ୟକ୍ଷ ଙ୍କ ସହିତ ଆଲୋଚନା ପରେ ସମସ୍ୟାର ସମାଧାନ କରାଯିବ ବୋଲି ପ୍ରତିଶ୍ରୁତି ଦେଇଥିଲେ ।

ଏ ନେଇ ଡ଼. କୁଣ୍ଡୁଙ୍କ ସହ ଯୋଗାଯୋଗ ବେଳେ ଚତୁର୍ଥ ସେମିଷ୍ଟାର ପରୀକ୍ଷା ମଧ୍ୟରେ ପାଠ୍ୟକ୍ରମ ସାରିବା ପାଇଁ କୁହାଯାଇଥିଲା l ତାହାସହ କଲେଜ ଅଧକ୍ଷଙ୍କୁ ସିଲାବସ ଅନୁସାରେ ପାଠ୍ୟକ୍ରମ ସରିଛି କି ନାହିଁ ଜଣାଇବାକୁ କୁହାଯାଇଥିଲା l କିନ୍ତୁ ଅଧକ୍ଷ ମାନେ କୌଣସି ପ୍ରକାର ସୂଚନା ଦେଇନଥିଲେ l ଯାହାଫଳରେ ବିଶ୍ଵବିଦ୍ୟାଳୟ ପକ୍ଷରୁ ଚତୁର୍ଥ ସେମିଷ୍ଟାର ପରୀକ୍ଷା ପାଇଁ ବିଜ୍ଞପ୍ତି ଜାରି ହୋଇଥିଲା l ଅଧକ୍ଷ ମାନଙ୍କ ସହ ଆଲୋଚନା ପରେ ପରବର୍ତ୍ତୀ ପଦକ୍ଷେପ ନିଆଯିବ ବୋଲି କହିଥିଲେ lବିଶ୍ବବିଦ୍ୟାଳୟ କର୍ତ୍ତୁପକ୍ଷଙ୍କ ପକ୍ଷରୁ ପ୍ରତିଶ୍ରୁତି ମିଳିବା ପରେ ବିଦ୍ୟାର୍ଥୀ ମାନେ ବିକ୍ଷୋଭ ରୁ ଓହରି ଥିଲେ । ଆଜି ବିକ୍ଷୋଭ ପଦର୍ଶନ ବେଳେ ବ୍ରହ୍ମପୁର ଏସ ବି ଆର ମହିଳା ମହାବିଦ୍ୟାଳୟ, ବିନାୟକ ଆଚାର୍ଯ୍ୟ ମହାବିଦ୍ୟାଳୟ, ମହାମୟୀ ମହାବିଦ୍ୟାଳୟ, ଗୋପାଳପୁର କଲେଜ, ଛତ୍ରପୁର କଲେଜ, ଗଞ୍ଜାମ କଲେଜ,ତରା ତାରିଣୀ କଲେଜରୁ ବହୁ ଛାତ୍ର, ଛାତ୍ରୀ ଯୋଗ ଦେଇଥିଲେ l ପରୀକ୍ଷା ନ ଘୁଞ୍ଚିଲେ ଆଗାମୀ ଦିନରେ ବିକ୍ଷୋଭ ଯୋର ଧରିବ ବୋଲି କହିଛନ୍ତି l