ରାଜାରାମ ଷଡଙ୍ଗୀ1/07/2023 at 8:11 PM
ସମ୍ବଲପୁର: ଦୀର୍ଘ ଦିନ ପରେ ବିଜେଡିର ରାଜନୈତିକ କାର୍ଯ୍ୟକ୍ରମ ପାଇଁ ପୁଣି ଥରେ ସମ୍ବଲପୁର ଚଳଚଞ୍ଚଳ ହୋଇ ଉଠିଛି।ବଢିଛି ଉଷ୍ମତା। ଦଳ ଭିତରେ ଥିବା ନେତାଙ୍କ ମଧ୍ୟରେ ଆରମ୍ଭ ହୋଇଛି ବଳ କଷାକଷିର କସରତ। କାହା ଗୋଷ୍ଠିରେ କେତେ ଓ କେଉଁ ନେତା କିଭଳି ନିଜର ପ୍ରଦର୍ଶନ ଦେଖାଇବେ ସେଥିପାଇଁ ନିଜ ନିଜ ଭିତରେ ଆରମ୍ଭ ହୋଇଛି ପ୍ରତିଯୋଗିତା। ସେଥିପାଇଁ ଗତକାଲିଠୁ ନେତେ ଓ କର୍ମି ମଧ୍ୟରେ ଯୋଗସୂତ୍ର କରାଯାଇ ଯେଭଳି ନିଜ ନିଜ କରିସ୍ମା ଦେଖାଇବାକୁ ଦଳର ଛାମୁଆଁ ନେତାଙ୍କ ମଧ୍ୟରେ ଚାଲିଛି ଅଭିଯାନ। ଆସନ୍ତା କାଲି ଦଳର ସମ୍ବଲପୁର ଜିଲ୍ଲା ପର୍ଯ୍ୟବେକ୍ଷକ ଦାୟିତ୍ୱରେ ଥିବା ଯାଜପୁର ବିଧାୟକ ପ୍ରଣବ ପ୍ରକାଶ ଦାଶ ଆସୁଛନ୍ତି ସମ୍ବଲପୁର ଗସ୍ତରେ । ଏଥିପାଇଁ ଗଙ୍ଗାଧର ମଣ୍ଡପ ଠାରେ ଏ ବିଶାଳ କର୍ମୀ ସମ୍ମିଳନୀରେ ସେ ଉଦବୋଧନ ଦେବାର ମଧ୍ୟ କାର୍ଯ୍ୟକ୍ରମ ରହିଛି । ସେଥିପାଇଁ ସମ୍ବଲପୁରର ପ୍ରବେଶ ପଥ ରେଢାଖୋଲ ଠାରୁ ଗାଁ ଠୁ ସହର ଯାଏ ଛକ ଛକରେ ନେତାଙ୍କ ପୋଷ୍ଟର ଓ ତୋରଣରେ ସଜାଇ ହେଉଛି ସମ୍ବଲପୁର ।ନେତାଙ୍କ ମଧ୍ୟରେ ନିଜର ପାରଦର୍ଶିତା ଦେଖାଇବାକୁ ଯୋରସୋର ଚାଲିଛି ବଳ କଷାକଷି । ସେମିତି ଦେଖିବାକୁ ଗଲେ ସମ୍ବଲପୁର ଜିଲ୍ଲାରେ ବିଜେଡି ନେତାଙ୍କ ଅଭାବ ନାହିଁ । ଛତୁ ଫୁଟିଲା ପରି ଭରିଛନ୍ତି ନେତା ଓ କର୍ମୀ। କେବଳ ଅଭାବ ରହିଛି ଏକତା ଓ ସଂହତିର । ଏ ସବୁର ପୁର୍ଣ୍ଣଛେଦ ପକାଇ ଗୋଟିଏ ରଜ୍ଜୁରେ ବାନ୍ଧି ଦଳକୁ ସଜାଡିବାକୁ ପ୍ରଣବ ବାବୁଙ୍କ ପ୍ରବଳ ଇଚ୍ଛାଶକ୍ତି କେତେଦୂର କାମ ଦେବ ତାହାତ ଆଗକୁ କଳନା କରାଯିବ । କିନ୍ତୁ ଆସନ୍ତା କାଲି କେଉଁ ନେତାଙ୍କ ଦମ୍ କେତେ ତାହାହିଁ ଅନମାନ କରାଯାଇ ପାରିବ । ଆଗକୁ ୨୦୨୪ ସାଧାରଣ ନିର୍ବାଚନ ଥିବାରୁ ଆଶାୟୀ ପ୍ରାର୍ଥୀଙ୍କ ମଧ୍ୟରେ ବେଶ ଉତ୍ସାହ ଓ ଉତ୍କଣ୍ଠା ରହିଛି । ପ୍ରତି ପଞ୍ଚାୟତରୁ ବ୍ଲକ୍ ,ଉପଖଣ୍ଡ ଓ ସଦରରୁ ଦଳର କର୍ମୀ ଓ ଅନୁରାଗୀଙ୍କୁ ଆଣିବା ପାଇଁ ଘୋଡା ଗାଡି ସହିତ ଭୋଜି ଭାତର ଆସର ମଧ୍ୟରେ ଆସନ୍ତା କାଲିର କାର୍ଯ୍ୟକ୍ରମକୁ ସଫଳ କରିବାକୁ ବିଜେଡିର ପ୍ରୟାସ ଯୋରଦାର ହୋଇଛି । ଜିଲ୍ଲାର ଭାର ସିଦ୍ଧାର୍ଥ ଦାଶଙ୍କ ହାତରେ ଥିଲେବି ଦଳ ଏବେ ବହୁ ଗୋଷ୍ଟିରେ ବିଭକ୍ତ । ଉପରକୁ ସମସ୍ତେ ଏକାଠି କୁହାଗଲରେ ବି ଭିତରେ ଭିତରେ ଚାଲିଛି ଗୋଛି କଟାକଟି। ତେବେବି ଦଳର ଛାତ୍ର,ଯୁବ ଓ ମହିଳା ସଂଗଠନର ସହାଯ୍ୟ ଲୋଡିଛି ଦଳ । ଅବଶ୍ୟ ଜିଲ୍ଲରେ ମହିଳା ସଂଗଠନର ନୂଆଁ କମିଟି ପଦାକୁ ଆସିଥିଲେବି ଆନୁଷ୍ଠାନିକ ଭାବେ ଘୋଷଣା ନହେବାରୁ ସଂଗଠନରେ ରହିଛି ଅସନ୍ତୋଷ । ଭୁଲଭାଲ ନାମ ଥିବାରୁ ଏହା ସ୍ତଗିତ ରହିବାର ବର୍ଷେ ପୁରିବାକୁ ଯାଇଥିଲେବି ଅସଲରେ କିଏ ସବୁ କେଉଁ ଦାୟିତ୍ୱରେ ଅଛନ୍ତି ଅନେକଙ୍କୁ ଜଣା ନାହିଁ । ପୁଣି ମଞ୍ଚରେ କିଏ ସବୁ ବସିବେ ଓ ମଞ୍ଚ ବାହାରେ କିଏ ରହିବେ ତାହା ଏଯାଏ ସ୍ୱଷ୍ଟ ହୋଇନି । ସେମିତିରେ ଦେଖିବାକୁ ଗଲେ ଜିଲ୍ଲା ସଭାପତି ସିଦ୍ଧାର୍ଥ ଦାଶ,ପୁର୍ବତନ ଜିଲ୍ଲା ସଭାପତି ଡଃ ପ୍ରମୋଦ ରଥ, ଆର୍ତ୍ତତ୍ରାଣ ମିଶ୍ର,ମହମ୍ମଦ ଅଜୁଙ୍କ ସହ ରେଢାଖୋଲ ବିଧାୟକ ରୋହୀତ ପୂଝାରୀ,କୁଚିଣ୍ଡା ବିଧାୟକ କିଶୋର ନାଏକ,ରେଙ୍ଗାଲିର ପୁର୍ବତନ ବିଧାୟକ ରମେଶ ପଟୁଆ,ସମ୍ବଲପୁର ପୁର୍ବତନ ବିଧାୟିକା ଡା.ରାସେଶ୍ବରୀ ପାଣିଘ୍ରାହୀ,ପୁର୍ବତନ ସାଂସଦ ନଗେନ୍ଦ୍ର ପ୍ରଧାନ,ପ୍ରସନ୍ନ ଆଚାର୍ଯ୍ୟ,ବିଜୟ ମହାନ୍ତି,ସଞ୍ଜୟ ବାବୁ,ସଂଜିତ ମହାନ୍ତି,ସମ୍ବଲପୁର ପୌର ପରିଷଦର ପୁର୍ବତନ ଉପନଗରପାଳ ସିଦ୍ଧାର୍ଥ ସାହାଙ୍କ ପରି ଅନେକ ଛାମୁଆଁ ନେତାଙ୍କ ଜିଲ୍ଲାର ବିଭିନ୍ନ ଅଞ୍ଚଳରେ ଭଲ କାଟତି ରହିଛି । ଏହା ନୁହେଁଯେ ଏମାନଙ୍କ ପରେ ଆଉ କେହି ନାହାଁନ୍ତି। ରହିଛନ୍ତି ଏକରୁ ଆରେକ । ଅବଶ୍ୟ ବର୍ତ୍ତମାନ ଗୋକୁଳ ମେହେର,ଏମଡି ସନ୍ନାଉଲ୍ଲା,ଅଶୋକ ସେନାପତି,ବ୍ରଜେନ୍ଦ୍ର କୁମାର ପଣ୍ଡା,ରାମସାଗର ସାହୁ,ଗୋପିବାବୁ,ଶୋଭାରାମ ପ୍ରଧାନ,ପ୍ରଦୀପ ମିଶ୍ର, ପ୍ରଦ୍ୟୁତ ମହାନ୍ତି,ଦୀନବନ୍ଧୁ ଅଗ୍ରୱାଲ, ହରେକୃଷ୍ଣ ମହାପାତ୍ର,ଡୋଲାମଣି ପଟେଲ, ଭୁବନେଶ୍ୱର କିଶାନ, ପ୍ରଦୀପ ପ୍ରଧାନଙ୍କ ଭଳି ଅନେକରୁ ଅନେକ ନେତାଙ୍କ ଗୋଟିଏ ଗୋଟିଏ ସ୍ୱତନ୍ତ୍ର ଭୋଟବ୍ୟାଙ୍କ ରହିଛି। ଏମାନଙ୍କ ସହିତ ଜିଲ୍ଲାର ଆହୁରି ଅନେକ ବିଜୁ ବାବୁ,ଅଶୋକ ଦାଶ ଓ ନବୀନଙ୍କ ସଂସ୍ପର୍ଶରେ ରହି ଦଳର ହୀତକାଂକ୍ଷି ଭାବେ ବର୍ତ୍ତମାନ ଆଭ୍ୟନ୍ତରରେ ରହି କାମ କରୁଥିଲେବି ବଡବଡିଆ ନେତା ଓ ଅତ୍ମଘୋଷିତ ନେତାଙ୍କ ଅଢୁଆଳରେ ରହିଛନ୍ତି।କିନ୍ତୁ ତାଙ୍କୁ କିଏ ପଚାରୁ କି ନପଚାରୁ ବିଜୁବାବୁ ଓ ଅଶୋକ ଦାଶଙ୍କ ଅଦର୍ଶରେ ସେମାନେ ଅନବରତ ଜନତା ଦଳରୁ ବିଜେଡି ପଛରେ ରହି ଦଳ ପାଇଁ ୁନାମଆଣିବାରେ ମଧ୍ୟ ନିଜର କରିସ୍ମା ବଜାୟ ରଖିଛନ୍ତି । ହେଲେ ଏମାନଙ୍କୁ ଦଳର ଛାମୁଆଁ ଗୋଷ୍ଠି ଜାଣି ନପାରିବାବି ଆଜିର ମୁଖ୍ୟପ୍ରସଙ୍ଗ ଅଟେ। ଏମାନଙ୍କ ଭିତରୁ ଅନେକ ଅଭିମାନରେ ତ କିଏ ବର୍ତ୍ତମାନ ର ଗୋଡଟଣାଟଣି ଠିକାଦାରି ରାଜନୀତି ଠାରୁ ଦୁରେଇ ରହିଛନ୍ତି । ହେଲେ ଜିଲ୍ଲା ଦାୟିତ୍ୱରେ ଥିବା ପର୍ଯ୍ୟବେକ୍ଷକ ବବି ବାବୁ ଏ ଭିତରକୁ ପଶି ପାରିବେତ ? ନା ଗତାନୁଗତ ଭାବେ ଔପଚାରିକତା ଦେଖାଇ ପ୍ରଭାବିତର ପରିଚୟ ରଖିବେ ତାହାହିଁ ଦଳର ଶୁଭ ଚିନ୍ତକ ମାନଙ୍କ ମନରେ ପ୍ରଶ୍ନ ଉଠିଛି ।
ବର୍ତ୍ତମାନର ତେଲିଣି ପୋକ ପରି ସାଲୁବାଲୁ କର୍ମୀ ଓ ନେତାଙ୍କ ଓଜନ ରହୁଛି ନାଁ ଦଳର ଓଜନିଆଁ ନେତାଙ୍କୁ ଖୋଜା ପଡୁଛି ତାହାହିଁ ସମୟ କହିବ। ଆଜି ଥରେ ଯିଏ ପାୱାର ଭିତରକୁ ଆସିଗଲା ବିଜେଡିକୁ ସିଏ ବଡ ନାଁ ପାୱାର ପ୍ରେସର ପରି ଅନବରତ କାମ କରୁଥିବା ଅଭିକର୍ତ୍ତାଙ୍କୁ ମାନ୍ୟତା ପ୍ରଦାନରେ ବବିଙ୍କ ଏହି ଗସ୍ତ କାମ କରୁଛି ତାହାହିଁ ଆସନ୍ତାକାଲି ସାମ୍ନାକୁ ଆସିବ। ଦେଖାଯାଉ ତେଲିଆ ମୁଣ୍ଦରେ ତେଲ ଲାଗୁଛି ନାଁ ମୁକୁଳାକୁ ଖୋଜା ପଡୁଛି । ଦେଖାଯାଉ କାହାର ହେଉଛି ଜିତାପଟ ଆତ୍ମସନ୍ତୁଷ୍ଟି କରଣ ପାଇଁ ପୋଷ୍ଟର ତୋରଣର ପ୍ରତିଯୋଗୀ ନେତାଙ୍କ ନାଁ, ଦଳର ପ୍ରଚ୍ଛଦ ପଟର ଅସଲ ତାରକା ! ଦଳ ସଜାଇବାକୁ ଦଳର ଜିଲ୍ଲା ପର୍ଯ୍ୟବେକ୍ଷକଙ୍କ ଅସଲ ପର୍ଯ୍ୟବେକ୍ଷଣ ହିଁ କାଳି ଗାଈର ଭିନେ ଗୋଠକୁ ଏକାଠି କରିବ ନଚେତ୍ କର୍ମି ସମ୍ମିଲନୀରେ ଏହା ଅଟକି ଗଲେ ଲେଡି ଗୁଡ କହୁଣୀକୁ ବହିଗଲା ପରି ଦଳର ଅବସ୍ଥା ହେବ ଏଭଳି ସମ୍ଭାବନାୁ ସହଜରେ ଏଡାଇ ଦିଆଯାଇ ପାରିବନି ।