ହେମନ୍ତ କୁମାର ବେହେରା

5/07/2023 at 2:42 PM

ଖଡ଼ିଆଳ : ଜାତିଆଣ ଭେଦଭାବ ଆକ୍ଷେପ ଓ ଜୀବନରେ ମାରିଦେବା ଧମକ ଦେଉଥିବା ନେଇ ନୂଆପଡା ସହ ଶିକ୍ଷାଧିକାରୀ ତଥା ବୋଡେ଼ନ ଇନଚାର୍ଜ ବ୍ଲକ ଶିକ୍ଷାଧିକାରୀ ସୁଧାଂଶୁ ଶେଖର ମିଶ୍ର ଙ୍କ ବିରୁଦ୍ଧରେ ନୂଆପଡା ଥାନା ରେ ମାମଲା ଦାଏର କଲେ ସୂଚନା ଅଧିକାର କର୍ମୀ ତଥା ଜଣେ ବରିଷ୍ଠ ଶିକ୍ଷକ ସୁରେଶ କୁମାର ଦୀପ । ଜଣେ ସୂଚନା କର୍ମୀ ଙ୍କୁ ସୂଚନା ଦେବା ବଦଳରେ ମାନସିକ ନିର୍ଯାତନା ସହ ଜୀବନ ରେ ମାରିଦେବା ଧମକ ଦେବା କେତେ ଯୁକ୍ତିଯୁକ୍ତ ତାହା ତଦନ୍ତ ସାପେକ୍ଷ ।
ସୂଚନା ଅନୁସାରେ ଗତ କିଛି ଦିନ ତଳେ ନୂଆପଡା ଜିଲ୍ଲାରେ ବିଶେଷ କରି ଶିକ୍ଷା ବିଭାଗ ରେ ପଦୋନ୍ନତି ପାଇଥିବା ୪୦୨ ଜଣ ଶିକ୍ଷକ ଙ୍କ ବିଭିନ୍ନ ସାର୍ଟିଫିକେଟ ଫେକ ଥିବା ସନ୍ଦେହ କରି ଜଣେ ଶିକ୍ଷକ ସୁରେଶ ଦୀପ ସୂଚନା ଅଧିକାର ଆଇନ ମାଧ୍ୟମରେ ସୂଚନା ମାଗି ଥିଲେ, ଏହାକୁ ନେଇ ଶ୍ରୀ ଦୀପ ଙ୍କ ଠାରୁ ଫିଜ ବାବଦରେ କୋଡିଏ ହଜାର ଟଙ୍କା ମଧ୍ୟ ବିଭାଗର PIO ନେଇଥିଲେ । ହେଲେ ଦୀର୍ଘ ଦିନ ବିତି ଯାଇଥିଲେ ହେଁ ସୂଚନା ଦିଆଯାଇନଥିବା ନେଇ କିଛି ଗଣମାଧ୍ୟମ ଆଗରେ ଶ୍ରୀ ଦୀପ ଅଭିଯୋଗ କରିଥିଲେ । ଏହି ଘଟଣା କୁ ନେଇ କିଛି ଗଣମାଧ୍ୟମ ଖବର ପ୍ରସାରଣ କରିଥିଲା । ହେଲେ ବିଡମ୍ବନା ବିଷୟ ଏହାଯେ ଆବେଦନ କାରୀଙ୍କୁ ସୂଚନା ଦେବାରେ ତତ୍ପରତା ଦେଖାଇବା ବଦଳରେ ସୂଚନା ଅଧିକାର କର୍ମୀ ତଥା ଆବେଦନ କାରୀ ଶିକ୍ଷକ ଙ୍କୁ ନୋଟିସ ଜାରି କରି ସମ୍ପୃକ୍ତ ନିର୍ଦ୍ଦିଷ୍ଟ ଶିକ୍ଷକ ଙ୍କ ପ୍ରମାଣ ଦିଅନ୍ତୁ ବୋଲି ବାଧ୍ୟ କରିବା, whataaps ମାଧ୍ୟମରେ ନୋଟିସ ପଠାଇ ବାରମ୍ବାର ବାଧ୍ୟ କରି ସୁଚନା ଅଧିକାର କର୍ମୀ ତଥା ଅଭିଯୋଗ କାରୀ ଶିକ୍ଷକ ଙ୍କୁ ମାନସିକ ନିର୍ଯାତନା ଦେବା କେତେ ଦୂର ଯୁକ୍ତିଯୁକ୍ତ ତାହା ଏବେ ଜିଲ୍ଲାରେ ଚର୍ଚ୍ଚା ଜୋର ଧରିଛି । ସବୁ ଠୁ ଆଶ୍ଚର୍ଯ୍ୟ କଥା ପ୍ରଥମେ ଜିଲ୍ଲା ଶିକ୍ଷା ବିଭାଗ ତରଫରୁ ନୋଟିସ ଦେଇ ତିନି ଦିନ ମଧ୍ୟରେ ରିପୋର୍ଟ ଦାଖଲ କରିବା ପାଇଁ କହିବା ସେହି ନିର୍ଦିଷ୍ଟ ନୋଟିସ କୁ ଶ୍ରୀ ଦୀପ ଗ୍ରହଣ କରିନଥିବା ବେଳେ ବର୍ତ୍ତମାନ ବୋଡେ଼ନ ବ୍ଲକ ଶିକ୍ଷା ଅଧିକାରୀ ଙ୍କ ମାଧ୍ୟମରେ ରେ ନୋଟିସ ଜାରି କରି ଶ୍ରୀ ଦୀପ ଙ୍କୁ ଭୟଭୀତ କରେଇବା କେଉଁଠି ନା କେଉଁଠି ନିଜ ଦୋଷ କୁ ଚପେଇବା ପାଇଁ ସେହି ସୂଚନା କର୍ମୀ ଙ୍କୁ ନୋଟିସ ମାଧ୍ୟମରେ ଚାପ ପ୍ରୟୋଗ କରିବା ମନେ ହୁଏ ।
ଜାଲ ସାର୍ଟିଫିକେଟ ଦାଖଲ କରି ସରକାରୀ ଚାକିରୀ ହାତେଇଥିବା ଘଟଣା ସାରା ରାଜ୍ୟରେ ଏକ ଚର୍ଚ୍ଚାର ବିଷୟ ହୋଇଥିବା ବେଳେ ନୂଆପଡା ଜିଲ୍ଲାରେ ଏହାର ତଦନ୍ତ ଜାରି ରଖି ଦୋଷୀ ଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ପାଇଁ ବୁଦ୍ଧିଜୀବୀ ମାନେ ଦାବି କରି ଆସୁଛନ୍ତି । ହେଲେ ନୂଆପଡା ଜିଲ୍ଲା ପ୍ରଶାସନ ଏଥି ପ୍ରତି ଦୃଷ୍ଟି ଦେଉନଥିବା ବୁଦ୍ଧିଜୀବୀ ମହଲରର ଚର୍ଚ୍ଚା ଜୋର ଧରିଛି ।
ବିଶେଷ କରି ଜିଲ୍ଲା ଶିକ୍ଷା ବିଭାଗରେ ଚାରୀ ସହ ଦୁଇ ଜଣ ଗ୍ରାଜୁଏଟ ଶିକ୍ଷକ ଶିକ୍ଷୟତ୍ରୀ ଙ୍କ ବିଭିନ୍ନ ପ୍ରକାର ସାର୍ଟିଫିକେଟ ଜାଲ ଥିବା ସନ୍ଦେହ କରି ଜଣେ ଶିକ୍ଷକ ସୂଚନା ଅଧିକାର ବଲରେ ସୂଚନା ମାଗିଛନ୍ତି ହେଲେ ଏହି ଘଟଣା କୁ ତଦନ୍ତ କରିବା ବଦଳ ରେ ବା ସୂଚନା କର୍ମୀ ଙ୍କୁ ଭୁଆଁ ବୁଲାଇ ଘଟଣା କୁ ଚପେଇଦେବା ଉଦ୍ୟମ କରିବା ଜିଲ୍ଲା ପାଇଁ ଦୁର୍ଭାଗ୍ୟ ର ବିଷୟ ହୋଇଯାଇଛି । ନୂଆପଡା ଜିଲ୍ଲା ଶିକ୍ଷା ବିଭାଗ ଦ୍ବାରା ନିଯୁକ୍ତି ପାଇଥିବା ଗ୍ରେଜୁଏଟ ଶିକ୍ଷକ ଶିକ୍ଷୟତ୍ରି ମାନଙ୍କ ଅନେକ ସାର୍ଟିଫିକେଟ ଜାଲ ରହିଥିବା ଅଭିଯୋଗ ହୋଇଛି, ଏହାର ସତ୍ୟା ସତ୍ୟ ଜାଣିବା ପାଇଂ ବରିଷ୍ଟ ଶିକ୍ଷକ ସୁରେଶ ଦୀପ ସୁଚନା ଅଧିକାର ଜରିଆ ରେ ନୂଆପଡା ଡିଇଓ ଅଫିସ କୁ ମାଗିଛନ୍ତି, ତାଙ୍କ ଆରଟିଆଇ ରେ ଜଣାଇଛନ୍ତି ଯେ ନୂଆପଡା ଜିଲ୍ଲା ର ୫ ଟି ବ୍ଲକ ରେ ୪୦୨ ଜଣ ବିଗ୍ୟାନ ଓ କଲା ଗ୍ରେଜୁଏଟ ଶିକ୍ଷକ ଶିକ୍ଷୟତ୍ରି ରହିଛନ୍ତି, ନୀୟମ ମୁତାବକ ଏହି ଶିକ୍ଷକ ଶିକ୍ଷୟତ୍ରି ଶିକ୍ଷକତା କରୁଥିବା ସମୟ ରେ ଅନ୍ୟତ୍ର ବିଦ୍ୟାଳୟ ହେଉ କିମ୍ବା ବିଶ୍ବ ବିଦ୍ୟାଳୟ ରେ ପାଠ ପଢିବା ପୁର୍ବ ରୁ ସେମାନେ ଉପରିସ୍ଥ ଅଧିକାରୀ ମାନଙ୍କ ଅନୁମତି ନେବାକଥା କିନ୍ତୁ ଏଥିରେ ବ୍ୟତିକ୍ରମ କରିଥିବା ଅଭିଯୋଗ ଆଣିଛନ୍ତି, ଏହାବ୍ଯତିତ ଅନ୍ୟାନ୍ୟ ବୋର୍ଡ ରେ ପାସ ହେବା ପରେ ସେହି ବିଶ୍ୱ ବିଦ୍ୟାଳୟ ର ମାଇଗ୍ରେସନ ସାର୍ଟିଫିକେଟ ଠାରୁ ନେଇ ଏନସିଟିୟି ଓ ଏକୁଭେଲେଣ୍ଟ ପରମିଶନ ନିର୍ଦେଶାନାମା ମଧ୍ୟ ଦେବାକଥା ତାହା ମଧ୍ୟ ପାଳନ ନ କରି ଜାଲିଆତି କାଗଜ ପତ୍ର ଦେଇ ଅନେକ ଶିକ୍ଷକ ଶିକ୍ଷୟତ୍ରି ଅଯୋଗ୍ୟ ଥାଇ ମଧ୍ୟ ଚାକିରୀ କରୁଥିବାବେଳେ ଲାଚଂ ଦେଇ ପଦୋନ୍ନତି ମଧ୍ୟ ପାଉଥିବା ଅଭିଯୋଗ ହେଉଛି ।
ଅପରପକ୍ଷରେ ଆମେ ଏବାବଦ ରେ ଜିଲ୍ଲା ଶିକ୍ଷା ଅଧିକାରୀ ଙ୍କ ଅନୁପସ୍ଥିତ ରେ ସହ ଶିକ୍ଷା ଅଧିକାରୀ ଶ୍ରୀ ମିଶ୍ର ଙ୍କୁ ପଚାରିବାରୁ ସନ୍ତୋଷ ମୂଳକ ଉତ୍ତର ଦେଇ ପାରିନଥିବା ବେଳେ ଏହା ମୋ ଦାଇତ୍ୱ ରେ ନାହିଁ ଏବଂ ଏତେ ସଂଖ୍ୟକ ଶିକ୍ଷକ ଙ୍କ ଭେରୀଫିକେଶନ କରିବା ପାଇଁ ଆମ ପାଖରେ ସମ୍ବଳ ନାହିଁ ବୋଲି କହିଛନ୍ତି । ଶିକ୍ଷା ବିଭାଗର ଅଧିକାରୀ ଙ୍କ ଏ ପରି ପ୍ରତିକ୍ରିୟା ନିଶ୍ଚୟ ଦୋଷୀ ଙ୍କୁ ପ୍ରଶୟ ଦେବା ଭଳି ମନେ ହେଉଥିବା ବେଳେ ଏବାବଦ ରେ ଜିଲ୍ଲା ପ୍ରଶାସନ ହସ୍ତକ୍ଷେପ କରି ସୂଚନା କର୍ମୀ ଙ୍କୁ ନିଜ ଅଧିକାର ଯୋଗାଇଦେବା ସହ ଫେକ ସାର୍ଟିଫିକେଟ ଦେଇ ଚାକିରୀ ହାତେଇଥିବା ଅଭିଯୋଗ ଉପରେ ତଦନ୍ତ କରି ଦୋଷୀ ମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଏବଂ ଏମାନଙ୍କୁ ପ୍ରଶୟ ଦେଉଥିବା ଅଧିକାରୀ, ସୂଚନା କର୍ମୀ ଙ୍କୁ ବିଭିନ୍ନ ନୋଟିସ ଜାରି କରି ଚାପ ପ୍ରୟୋଗ କରି ମାନସିକ ନିର୍ଯ୍ୟାତନା ଦେଉଥିବା ଅଧିକାରୀ ଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନେବା ପାଇଁ ଜିଲ୍ଲା ର ବୁଦ୍ଧିଜୀବୀ ଦାବି କରିଛନ୍ତି ।ଅପରପକ୍ଷରେ ଏବାବଦ ରେ ସୂଚନା ଅଧିକାର କର୍ମୀ ତଥା ବରିଷ୍ଠ ଶିକ୍ଷକ ଏବାବଦ ରେ ଜିଲ୍ଲା ଶିକ୍ଷା ଅଧିକାରୀ ଙ୍କ କାର୍ଯ୍ୟାଳୟ କୁ ଯାଇ ଏବାବଦ ରେ ପଚାରି ବୁଝିବା ସମୟରେ ଜିଲ୍ଲା ସହ ଶିକ୍ଷାଧିକାରୀ ଶ୍ରୀ ମିଶ୍ର ରାଗି ଯାଇ ଅଭିଯୋଗ କାରୀ ଙ୍କୁ ଗାଳିଗୁଲଜ କରିବା ସହ ଜାତିଆଣ ଭେଦଭାବ ଆକ୍ଷେପ କରିବା ସହ ଜୀବନ ରେ ମାରିଦେବା ଧମକ ଦେଉଥିବା କହି ନୂଆପଡା ଥାନା ରେ ଏକ ଲିଖିତ ଅଭିଯୋଗ କରିଛନ୍ତି । ନୂଆପଡା ଥାନାରେ ଏକ ମାମଲା ରୁଜୁ ହୋଇ ତଦନ୍ତ ଜାରି ରହିଥିବା ସୂଚନା ମିଳିଛି । ଜିଲ୍ଲା ପ୍ରଶାସନ ସହ ଜିଲ୍ଲା ପୋଲିସ ଏହି ଘଟଣା କୁ ଗୁରୁତର ସହ ନେଇ ଦୋଷୀ ଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନେବା ସହ ସୂଚନା କର୍ମୀ ଙ୍କୁ ସୂଚନା ଯୋଗାଇଦେବା ପାଇଁ ଦାବି ହୋଇଛି ।