ସମାନୁଭୂତି ହିଁ ସମାଜ ଦର୍ଶନ
ସମ୍ବଲପୁର:ସମାନଭୂତି ହିଁ ସମାଜର ଦର୍ପଣ। ଯାହା ଦର୍ଶନ ଭଳି ପ୍ରତିଫଳିତ ହେବ। ଏଭଳି ଦର୍ଶନ ମିଳିଛି ସ୍ଥାନୀୟ ପବ୍ଲିକ ଲାଇବ୍ରେରି ଠାରେ ରାଷ୍ଟ୍ରଗଠନ ରେ ଯୁବ ପ୍ରସ୍ତୁତି ଧାରାବାହିକ ପ୍ରଶିକ୍ଷଣ ଶିବିରରେ। ପଞ୍ଚଦଶ ସପ୍ତାହର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ମା ଵାଗଦେବୀଙ୍କ ପୂଜା ଓ ବିଶ୍ୱଶାନ୍ତି ପ୍ରାର୍ଥନା ପରେ ଆଜିର ପ୍ରଶିକ୍ଷକ ପ୍ରାକ୍ତନ ଇଂରାଜୀ ବିଭାଗର ପ୍ରଫେସର କାମଦେବ ସାହୁ ସମବେଦନା ସହାନୁଭୂତି ଓ କରୁଣା ଶୀର୍ଷକ ପ୍ରସଙ୍ଗ ଉପରେ ତାଙ୍କର ଶିକ୍ଷାଦାନ ଆରମ୍ଭ କରି ଖେଳ ଓ ପ୍ରଶ୍ନାବଳୀ ମାଧ୍ୟମରେ ପିଲାଙ୍କୁ ସାମିଲ କରି ସହାନୁଭୂତି, ସମାନୁଭୁତି ଓ ଅନୁକମ୍ପା ର ବିଭିନ୍ନ ଉଦାହରଣ ସହ ପ୍ରସଙ୍ଗ ମାନ ଉପସ୍ଥାପନ କରି ପିଲାଙ୍କୁ ଅନ୍ୟମାନଙ୍କ ଦୁଃଖରେ ସାମିଲ ହେବାକୁ ଆହ୍ୱାନ ଦେଇଥିଲେ । ଦ୍ଵିତୀୟ ଅଧିବେଶନ କୁ ଆରମ୍ଭ କରି ଭିସୁଟ ବୁର୍ଲା ର କମ୍ପୁଟର ବିଜ୍ଞାନ ବିଭାଗର ପ୍ରଶିକ୍ଷକ ଡ଼. ମନୋଜ କୁମାର ପଟେଲ ଓ ଶ୍ରୀ ଦେବାଶିଷ ମିଶ୍ର କମ୍ପ୍ୟୁଟର ର ବିଭିନ୍ନ ଅଂଶର ନାମ ଏହାର ଗଠନ ତଥା କାର୍ଯ୍ୟ ଉପରେ ବିସ୍ତୃତ ଆଲୋଚନା କରି ଚିତ୍ରସହ ଉପସ୍ଥାପନ କରିଥିଲେ। କାର୍ଯ୍ୟକ୍ରମ ସଂଯୋଜକ ରାଜେନ୍ଦ୍ର କୁମାର ପଣ୍ଡା ସମଗ୍ର ବ୍ୟବସ୍ଥା କୁ ପରିଚାଳନା କରିଥିଲେ। ପିଲାଙ୍କୁ ଉତ୍ସାହିତ କରିବା ପାଇଁ ଅନୁଷ୍ଠାନ ର ସଭାପତି ପ୍ରଫେସର ଆଦିତ୍ୟ ପ୍ରସାଦ ପାଢ଼ୀ,ପ୍ରଫେସର ମୁରଲୀଧର ପ୍ରେମନାଥ ନାୟକ,ଡାକ୍ତର ଲକ୍ଷ୍ମୀ ନାରାୟଣ ରଥ, ପ୍ରଫେସର.ରବିନାରାୟଣ ମିଶ୍ର ସାମ୍ବାଦିକ ଅର୍ଜୁନ ରଞ୍ଜନ ପଣ୍ଡା,ଉଦିତ ଚନ୍ଦ୍ର ପାଟଯୋଶୀ ଓ ଗୋଳକ ବିହାରୀ ମିଶ୍ର ପ୍ରମୁଖ ଉପସ୍ଥିତ ଥଵା ବେଳେ ଅଭିନନ୍ଦନ ତ୍ରିପାଠୀ ଓ ବିଜୟ କୁମାର ସାହୁ କାର୍ଯ୍ୟକ୍ରମ କୁ ଅଭାଷୀ ପ୍ରସାରଣ ପାଇଁ ବୈଷୟିକ ସାହାଯ୍ୟ ଯୋଗାଇଥିଲେ।ଆଜିର ପ୍ରଶିକ୍ଷଣ ଶିବିର ରେ ମୋଟ ୨୬ ଟି ହାଇସ୍କୁଲ ରୁ ୨୮ଜଣ ଛାତ୍ର ଛାତ୍ରୀ ଯୋଗ ଦେଇଥିଲେ।ଶେଷର ଧନ୍ୟବାଦ ଓ ଜାତୀୟ ସଙ୍ଗୀତ ପରେ କାର୍ଯ୍ୟକ୍ରମ ଶେଷ ହେବା ସଂଗେ ପିଲାଙ୍କ ଅନୁରୋଧ କ୍ରମେ ଆସନ୍ତା ରବିବାର ତା.୧୬.୭.୨୩ ଠାରୁ ଏହି କାର୍ଯ୍ୟକ୍ରମ ସକାଳ ୮.୩୦ ପରିବର୍ତ୍ତେ ୮.୦୦ ରୁ ଆରମ୍ଭ କରବାକୁ ଲାଇବ୍ରେରି ତରଫରୁ ସୂଚନା ଦିଆଯାଇଥିଲା।
