ବ୍ଲକ୍ ଗଠନ ପାଇଁ ବାରମ୍ବାର ଉଠୁଛି ଦାବି
ସମ୍ବଲପୁର:ଲୋକଙ୍କ ପାଖରେ ପ୍ରଶାସନ ପହଞ୍ଚୁ। ଲୋକଙ୍କ କାମ କରୁ।ଦୂରତା,ଯାନ ବାହାନର ଅଭାବ,ସାମାଜିକ ସୁରକ୍ଷା,ଗମନାଗମନର ଅଦୁରଦର୍ଶିତା ଓ ଭୌଗଳିକ ପରିସ୍ଥିତିକୁ ଆଖି ଆଗରେ ରଖି ତୃଣମୂଳ ସ୍ତରର ନେତୃତ୍ୱ ନେଉଥିବା ସରପଞ୍ଚ୍ ମାନେ ଆଜି ହୋଇଥିଲେ ଏକାଠି। ଘଟଣା,ଦୂର୍ଘଟଣା,ଆର୍ଥିକ ସମସ୍ୟା,ଛାୟା ମାନଙ୍କ ସହଯୋଗ ଭଳି ବିଭିନ୍ନ ସମସ୍ୟାକୁ ଏଡାଇ ଏକ ସ୍ୱଚ୍ଛ ଓ ନିର୍ମଳ ଜନ ସମୃଦ୍ଧିର ବିକାଶକୁ ଆଖି ଆଗରେ ରଖି ବ୍ଲକ୍ ପୁନଃର୍ଗଠନ ଏକ ମୂଖ୍ୟ ପ୍ରସଙ୍ଗ ହୋଇଥିବା ବେଳେ ସରକାର ଏହାକୁ ଏଡାଇ ଦେବା ଗୋଟିଏ ଅଞ୍ଚଳର ବିକାଶର ପ୍ରତିବନ୍ଧକ ବୋଲି ମତ ପ୍ରକାଶ ପାଇଛି। ଯୁଯୋମୁରା ଓ ଜମନକିରା ଭଲି ଦୁଇଟି ବ୍ଲକ୍ ର କେବଳ ଏଭଳି ସମସ୍ୟା ରହିନି ବରଂ ମାନେଶ୍ୱର ବ୍ଲକର ନୂଆଁ ତିହୁରା ମଧ୍ୟ ଏଭଳି ସଂକଟରେ ଘାରି ହେଉଛି।ଏହାକୁ ଆଖି ଆଗରେ ରଖି ଦୂରଦୃଷ୍ଟି ସଂପନ୍ନ କିଛି ସରପଞ୍ଚ୍ ନିଜର ସ୍ୱର ଉତ୍ତୋଳନକୁ ସାଥ୍ ଦେଇଛନ୍ତି ଅଞ୍ଚଳର ସମାଜବିତ୍ ମାନେ। ୨ ଟି ଭିନ୍ନ ଦିଗ ଓ ୨ ଜାତୀୟ ରାଜପଥକୁ ଅତିକ୍ରମ କରି ଯୁଯୋମୁରା, ଜମନକିରା ଓ ମାନେଶ୍ୱର ବ୍ଲକ୍ ର କେତେକ ପଞ୍ଚାୟତ ମାନଙ୍କୁ ଏକାଠି କରି ସ୍ୱତନ୍ତ୍ର ବ୍ଲକ୍ ଗଠନ କରିବା ସରକାରଙ୍କ ପାଇଁ ଏକ ଦକ୍ଷତାର ପରିଚୟ। ଏଭଳି କ୍ଷେତ୍ରରେ ଯୁଯୋମୁରା ବ୍ଲକ୍ ର କୁକୁଡାପାଲି, ଜୟନ୍ତପୁର,କବରାପାଲି,ବାହାମ, ଘେନୁପାଲି,ନୂଆଁ ବରଙ୍ଗାମାଲ, ମେଘପାଳ,ଛାମୁଣ୍ଡା,ଟାମ୍ପରଗଡ ଓ ଡଙ୍ଗରପଡା ସହିତ ଜମନକିରା ବ୍ଲକ୍ ର କୁଲୁଣ୍ଡି,ମୁଣ୍ଢେନପାଲି ଓ ଖରସନମାଲ ପଞ୍ଚାୟତକୁ ମିଶାଇ ଏକ ସ୍ୱତନ୍ତ୍ର ବ୍ଲକ୍ ଗଠନ ପାଇଁ ୧୯୯୬ ମସିହାରୁ ଦାବି ହେଉଛି। ଅବଶ୍ୟ ଏହି ଯୁକ୍ତି ଯୁକ୍ତ ଦାବି ପଛରେ ମାନେଶ୍ୱର ବ୍ଲକ୍ ର ନୂଆଁ ତିହୁରା ପଞ୍ଚାୟତର ମଧ୍ୟ ଆଭ୍ୟନ୍ତରିଣ ସମର୍ଥନ ରହିଥିବା ଶୁଣା ଯାଉଛି। ଏଭଳି ଏକ ଦାବି ନେଇ ରାଜ୍ୟ ସରକାରଙ୍କ ମନୋନିତ ୫ ଟି ସଚିବଙ୍କ ସମ୍ବଲପୁର ଆଗମନ ସମୟରେ ସରପଞ୍ଚ୍ ସମୁହ ଏକ ଦାବିପତ୍ର ପ୍ରଦାନ କରିବାକୁ ନିଷ୍ପତ୍ତି ନେଇଛନ୍ତି । ଆଜି ବାହାମ ପଞ୍ଚାୟତ ଜୟ ଦୂର୍ଗା ପାଠାଗାର ଠାରେ ସରପଞ୍ଚ ସରସ୍ୱତୀ ଭୋସାଗରଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ କେବଳ ଏଭଳି ମତ ପ୍ରକାଶ ପାଇନି ବରଂ ଯୁଯୋମୁରା ବ୍ଲକ୍ ର ଗତ ସମିତି ବୈଠକରେ ଯୁଯୋମୁରା ଯୋନ ୱାନକୁ ନେଇ ଏକ ବ୍ଲକ୍ ଗଠନ ପାଇଁ ପ୍ରସ୍ତାବ ଆଗତ କରିବା ହେବା ପରେ ଏହା ପାରିତ ହୋଇଥିବା ଆଜିର ବୈଠକରେ ଆଲୋଚନା ହୋଇଥିଲା।
