ସୌମିତ୍ରି ମେହେର12/07/2023 at 10:52 AM
ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ସୁବଳୟା ଥାନା ଅନ୍ତର୍ଗତ ଘିଚାପାଲି ଛକ ନିକଟରୁ ରନ୍ଧା ମଦ ଚୋରା ଚାଲାଣ ହେଉଥିବା ଖବର ପାଇ ସୁବଳୟା ପୋଲିସ ଜଣକୁ ଗିରଫ କରିଛି । ମିଳିଥିବା ସୂଚନାରୁ ଜଣାଯାଇଛି ଯେ ସୁବଳୟା ପୁଲିସ ଗତ ବିଳମ୍ବିତ ରାତ୍ରିରେ ପାଟ୍ରୋଲିଂ କରୁଥିବା ସମୟରେ ଉକ୍ତ ଥାନା ଅନ୍ତର୍ଗତ ଘିଚାପାଲି ଛକ ନିକଟରେ ଜଣେ ଯୁବକକୁ ସନ୍ଦେହ କରି ଅଟକାଇ ପଚରା ଉଚରା କରିଥିଲେ । ସେତେବେଳେ ତା ପାଖରେ ଥିବା ୫ ଲିଟର ଦେଶୀ ରନ୍ଧା ମଦ ଜବତ କରିଥିବା ବେଳେ ଉକ୍ତ ଯୁବକକୁ ପୁଲିସ ଗିରଫ କରିଥିଲା । ଦେଶୀ ରନ୍ଧା ମଦ ଚୋରାଚାଲାଣ କରୁଥିବା ଯୁବକ ଜଣକ ହେଲେ ଲୁତୁରପଙ୍କ ଗ୍ରାମର କୃଷ୍ଣଚନ୍ଦ୍ର ମେହେର । ସୁବଳୟା ଥାନାରେ ଏକ ମାମଲା ରୁଜୁ କରି ଅଭିଯୁକ୍ତକୁ କୋର୍ଟ ଚାଲାଣ କରିଥିବା ପୋଲିସ ଏସ ଆଇ କୈଳାଶ ଚନ୍ଦ୍ର ସାହୁ ସୂଚନା ଦେଇଛନ୍ତି l