ସଞ୍ଜୟ କୁମାର ବେହେରା12/08/2023 at 12:15 AM
ଟିଟିଲାଗଡ଼ ସହରର ଝାଙ୍କର ପଡା ର ବହୁ ଚର୍ଚିତ ଦେଢ଼ ମାସର ଶିଶୁ କୁ ଅଢ଼େଇ ଲକ୍ଷ ଟଙ୍କା ରେ ବିକ୍ରୀ ମାମଲା ଘଟଣାରେ ଟିଟିଲାଗଡ଼ ପୋଲିସ କୁ ସଫଳତା ମିଳିଛି l ଗତ ଅଗଷ୍ଟ 4 ତାରିଖ ଦିନ ପୋଲିସ ସାମ୍ନାକୁ ଆସିଥିବା ଏହି ଘଟଣାରେ ପୂର୍ବରୁ ଶିଶୁ ର ବାପା ସନ୍ତୋଷ ପୁଟେଲ ଏବଂ ମଧ୍ୟସ୍ଥ ରାମଯାନ ଶେଖ କୁ ପୋଲିସ ଗିରପ କରି କୋର୍ଟ ଚାଲାଣ କରିଥିବା ବେଳେ ଶିଶୁ ଟିର ପତ୍ତା ପାଇ ପାରି ନ ଥିଲା l ଏନେଇ ବଲାଙ୍ଗୀର ଏସ ପି ଋଷିକେଶ ଖିଲାରି ଙ୍କ ନେତୃତ୍ୱ ରେ ଟିଟିଲାଗଡ଼ ଏସ ଡି ପି ଓ ଅଙ୍କିତା କୁମ୍ଭାର ଏକ ସ୍ୱତନ୍ତ୍ର ଟିମ ଗଠନ କରି କଳାହାଣ୍ଡି ଜିଲ୍ଲା, ଛତିଶଗଡ଼ ରାଜ୍ୟର ରାୟପୁର, ଭିଲାଇ, ଦୁର୍ଗ ଅଞ୍ଚଳ ରେ ଚଢ଼ାଉ କରିଥିଲେ ମଧ୍ୟ କୌଣସି ସୁଫଳ ପାଇ ପାରି ନ ଥିଲା l ଶିଶୁ ଟିକୁ କେଉଁ ଦମ୍ପତି କିଣି ଥିଲେ ସେ ନେଇ ପୋଲିସ ପ୍ରଥମେ ସୁରାକ ଯୋଗାଡ଼ କରିବା ପରେ ଛତିଶଗଡ଼ ରାଜ୍ୟ ର ରାୟଗଡ଼ ଅଞ୍ଚଳ ରେ ଚଢ଼ାଉ କରିବା ପରେ ଶିଶୁ ଟିକୁ ଉଦ୍ଧାର କରିବାରେ ସଫଳ ହୋଇଛି l ଶୁକ୍ରବାର ଏନେଇ ଶିଶୁ କୁ ଟିଟିଲାଗଡ଼ ଥାନା କୁ ଆଣିବା ସହ ବଲାଙ୍ଗୀର ସିଡ଼ବ୍ଲୁ ସି ଙ୍କ ଠାରେ ହାଜର କରିଛି l ଏହି ଚଢ଼ାଉ ସମୟରେ ଘର ମାଲିକ ଫେରାର ମାରିବାରେ ସଫଳ ହୋଇଛି… ହେଲେ ଏନେଇ ଟିଟିଲାଗଡ଼ ପୋଲିସ କୌଣସି ସୂଚନା ଗଣମାଧ୍ୟମ ଙ୍କୁ ଦେଉନଥିବାରୁ ଏବେବି ଅନେକ ଘଟଣା ଉପରୁ ପରଦା ହଟିପାରିନାହିଁ l ଏଠାରେ ପ୍ରକାଶ ଯୋଗ୍ୟ ଯେ ଏହା ପୂର୍ବରୁ ମଧ୍ୟ ଜଣେ ଶିଶୁ କୁ 10 ହଜାର ଟଙ୍କା ରେ ବିକ୍ରୀ କରାଯାଇଥିବା ବେଳେ ଟିଟିଲାଗଡ଼ ପୋଲିସ ଶିଶୁକୁ ଉଦ୍ଧାର କରି ବାପା ତଥା ବାପାଙ୍କ ପରିବାର କୁ ହସ୍ତାନ୍ତର କରିଥିଲା l ତେବେ 2ଲକ୍ଷ 50ହଜାର ଟଙ୍କା ରେ କିଣି ଥିବା ଦମ୍ପତି ଙ୍କୁ ପୋଲିସ ଗିରଫ କରିବା ନେଇ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି l