ପ୍ରଭୁଚରଣ ମହାନ୍ତି12/08/2023 at 7:48 PM
ବରପାଲି : ବରଗଡ ନେହେରୁ ଯୁବକେନ୍ଦ୍ର ପକ୍ଷରୁ କୁମ୍ଭାରୀ ଗ୍ରାମରେ ମେରିମାଟି ମେରାଦେଶ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଶନିବାର ଅଞ୍ଚଳର ବିଭିନ୍ନ ଯୁବକ ସଂଘ ଓ ଯୁବ ଗୋଷ୍ଠୀଙ୍କ ସହାୟତାରେ ଅବସରପ୍ରାପ୍ତ ସେନା ଅଧିକାରୀ ସନ୍ୟାସୀ ନାୟକଙ୍କ ଦ୍ୱାରା ବୃ୍ଷ ରୋପଣ ପର୍ବ ସୂଭାରମ୍ଭ ହୋଇଥିଲା। ନେହେରୁ ଯୁବକେନ୍ଦ୍ର କାର୍ଯ୍ୟକର୍ତ୍ତା ଓ ସହଯୋଗି ସ୍ୱେଚ୍ଛାସେବୀ ମାନେ ସନ୍ୟାସୀ ନାୟକଙ୍କୁ ଚନ୍ଦନ ତିଲକ ପୁଷ୍ପଗୁଚ୍ଛ ସହ ଉତ୍ତରିୟ ପ୍ରଦାନ ମାଧ୍ଯମରେ ସମ୍ବର୍ଦ୍ଧିତ କରିଥିଲେ l କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ସରପଞ୍ଚ ବସନ୍ତ କୁମାର ମହାନନ୍ଦ ଓ ଅର୍ନ୍ତଯାମୀ ବାଗ ଉପସ୍ଥିତ ରହିଥିଲେ। ଗ୍ରାମରେ ୭୫ ଟି ଭିନ୍ନଭିନ୍ନ ଯାତିୟ ବୃ୍ଷ ଅତିଥି ମାନଙ୍କ ଗହଣରେ ରୋପଣ କରାଯାଇଥିଲା l ପରେ ଆୟୋଜିତ ସଚେତନତା ସଭାରେ ଅତିଥି ମାନେ ବୃକ୍ଷ ହିଁ ଜୀବନ ସହ ପରିବେଶ ସୁରକ୍ଷା ଓ ସ୍ବଚ୍ଛତା ସମ୍ବନ୍ଧିତ ବିଷୟ ଉପରେ ଆଲୋଚନା କରିଥିବା ବେଳେ ବୃକ୍ଷର ଉପକାରିତା ଓ ସୂରକ୍ଷା ଦିଗରେ ପରାମର୍ଶ ଦେଇଥିଲେ l କାର୍ଯ୍ୟକ୍ରମକୁ ସଂଯୋଜନା କରିଥିଲେ ପଞ୍ଚାୟତ ଜି. ଅର୍.ଏସ ଅଖିଳାନନ୍ଦ ଦେହେରୀ ଓ ପରିଚାଳନାରେ ସହାୟତା କରିଥିଲେ ତୁଳସୀରାମ ବରିହା ଓ ସୁବ୍ରତ ଭୁଏ ପ୍ରମୁଖ l