ରାଜୀବ ଲୋଚନ ମିଶ୍ର21/08/2023 at 9:04 PM
ଗୋପାଳପୁର,୨୧/୦୮ ଗୋଳନ୍ଥରା ଥାନା ପୋଲିସ ପକ୍ଷରୁ ସୋମବାର ଦୁଇଟି ବୋଲର ପିକଅପରୁ ୧୯ଟି ଗାଈ ଉଦ୍ଧାର କରିବା ସହ ବେଆଇନ ଭାବେ ଗୋଚାଲାଣ ଅଭିଯୋଗରେ ଦୁଇ ପିକଅପକୁ ଜବତ କରିଥିବା ନେଇ ଜଣାପଡ଼ିଛି l ସୁଚନା ଅନୁସାରେ ବ୍ରହ୍ମପୁରରୁ ଆନ୍ଧ୍ରା ଅଭିମୁଖେ ଦୁଇଟି ପିକଅପରେ ଗୋରୁ ଚାଲାଣ ହେଉଥିବାର ଖବର ପାଇ ବଜରଙ୍ଗ ଦଳର କର୍ମୀମାନେ ଗୋଡ଼ାଇ ଗୋଡ଼ାଇ ହଳଦିଆପଦର ନିକଟରେ ଦୁଇଟି ଗାଡ଼ିକୁ ଅଟକାଇଥିଲେ l ପରେ ଖବର ପାଇ ଗୋଳନ୍ଥରା ଥାନା ପୋଲିସ ଘଟଣାସ୍ଥଳରେ ପହଞ୍ଚତ୍ ଦୁଇଟି ଗାଡ଼ିରୁ ୧୯ଟି ଗାଇ ଉଦ୍ଧାର କରିବା ସହ ଦୁଇଟି ବୋଲର ପିକଅପ ଗାଡ଼ିକୁ ଜବତ କରି ୩ ଜଣକୁ କାବୁ କରିଥିଲା l ପରବର୍ତ୍ତୀ ସମୟରେ ୧୯ଟି ଗାଈ ମଦନ ମୋହନପୁର ଗୋଶାଳାକୁ ହସ୍ତାନ୍ତର କରିଥେିଲ l ବଜରଙ୍ଗ ଦଳର କର୍ମୀ ଗଣେଷ ସାହୁଙ୍କ ଅଭିଯୋଗ କ୍ରମେ ଥାନାକେସ ନମ୍ବର ୪୧୧/୨୩ ପ୍ରକାରେ ଏକ ମାମଲା ରୁଜୁ କରିବା ସହ ୩ ଜଣକୁ ୪୧ ଧାରାରେ ନୋଟିସ ଦେଇଥିବା ଜଣାପଡ଼ିଛି l ସେମାନେ ହେଲେ ସିଙ୍ଗାବାଡ଼ି ଗ୍ରାମର ବାଲ୍ମିକୀ ଗୌଡ଼, ଗୋକୋର୍ଣ୍ଣପୁରର ସୁଦାମ ଜେନା ଓ ଶବରୋଡ଼ା ଗ୍ରାମର ପି.ଭାସ୍କର ରାଓ ବୋଲି ଜଣାପଡିଛି।