ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ30/08/2023 at 12:19 PM
କଟକ: ଅନ୍ତର୍ଜାତୀୟ କ୍ରିକେଟରେ ଆଜି ପ୍ରଶଂସକଙ୍କ ପାଇଁ କୌଣସି ଉତ୍ସବଠୁ କମ୍ ନୁହେଁ। ଆଜିଠୁ ଏସିଆ କପ୍ ସହ ଚାରୋଟି ବଡ଼ ଦେଶ ମଧ୍ୟରେ ଦ୍ଵିପାକ୍ଷିକ ସିରିଜ୍ ଆରମ୍ଭ ହେଉଛି। ପାକିସ୍ତାନଠୁ ନେଇ ଦକ୍ଷିଣ ଆଫ୍ରିକା ଓ ଇଂଲଣ୍ଡରେ ଅନ୍ତର୍ଜାତୀୟ କ୍ରିକେଟ୍ ମ୍ୟାଚର ଆୟୋଜନ ହେଉଛି।
ଆଜିଠୁ ଏସିଆ କପ୍ ୨୦୨୩ ଆରମ୍ଭ ହେଉଛି। ପ୍ରଥମ ମ୍ୟାଚ୍ ଆୟୋଜକ ପାକିସ୍ତାନ ଓ ନେପାଳ ମଧ୍ୟରେ ମୁତଲାନରେ ଖେଳାଯିବ। ଅନ୍ୟପଟେ ଆଜି ଦକ୍ଷିଣ ଆଫ୍ରିକା ଓ ଅଷ୍ଟ୍ରେଲିଆ ମଧ୍ୟରେ ଦ୍ଵିପାକ୍ଷିକ ଟି-୨୦ ସିରିଜର ପ୍ରଥମ ମ୍ୟାଚ୍ ଖେଳାଯିବ। ସେହିପରି ଇଂଲଣ୍ଡ ଘରୋଇ ମାଟିରେ ନ୍ୟୁଜିଲାଣ୍ଡ ବିପକ୍ଷରେ ଟି-୨୦ ସିରିଜ୍ ପାଇଁ ଆଜି ମଇଦାନକୁ ଓହ୍ଲାଇବ। ଏଥିସହିତ ଆଉ ୨ଟି ଅନ୍ତର୍ଜାତୀୟ ଟି-୨୦ ମୁକାବିଲା ମଧ୍ୟ ଖେଳାଯାଉଛି।
ଏହି ବଡ଼ ୬ ଦେଶ ବ୍ୟତୀତ ୩ ଛୋଟ ଦେଶ ମଧ୍ୟରେ ଟି-୨୦ ଅନ୍ତର୍ଜାତୀୟ ମ୍ୟାଚ୍ ଆଜି ଖେଳା ଯାଉଛ। ଉଗାଣ୍ଡା ଓ ତାଞ୍ଜାନିଆ ମଧ୍ୟରେ ଆଜି ମ୍ୟାଚ୍ ଖେଳାଯିବ। ବୁଧବାର କେବଳ ଗୋଟିଏ ଦିନିକିଆ ଖେଳା ଯାଉଥିବା ବେଳେ ଅବଶିଷ୍ଟ ୪ଟି ମ୍ୟାଚ୍ ଟି-୨୦ ରହିଛି। କ୍ରିକେଟ୍ ପ୍ରେମୀ ଆଜି ଦିନ ସାରା କ୍ରିକେଟର ଭିନ୍ନ ଭିନ୍ନ ମଜା ଉଠାଇ ପାରିବେ।