ICC Player of the Month: ଅକ୍ଟୋବର ପାଇଁ ମହିଳା ବର୍ଗରେ ଦୀପ୍ତି ଶର୍ମା ଶ୍ରେଷ୍ଠ ଖେଳାଳି, ଦ୍ୱିତୀୟ ଥର ଜିତିଲେ ପୁରସ୍କାର
ନୂଆଦିଲ୍ଲୀ: ଭାରତୀୟ ମହିଳା କ୍ରିକେଟ୍ ଦଳର ଅଲରାଉଣ୍ଡର ଦୀପ୍ତି ଶର୍ମାଙ୍କୁ ଅକ୍ଟୋବର ୨୦୨୬ ପାଇଁ ICC ମହିଳା ପ୍ଲେୟର ଅଫ୍ ଦି ମନ୍ଥ ଭାବେ ଚୟନ କରାଯାଇଛି। ଜିମ୍ବାୱେ ବିପକ୍ଷ ଘରୋଇ ସିରିଜ୍ରେ ଦୀପ୍ତି ବ୍ୟାଟିଂରେ ୧୫୫ ରନ୍ କରିବା ସହ ବୋଲିଂରେ ୭ଟି ୱିକେଟ୍ ନେଇଥିଲେ। ଏହି ପ୍ରଦର୍ଶନ ପାଇଁ ତାଙ୍କୁ ଏହି ସମ୍ମାନ ମିଳିଛି।
ଦୀପ୍ତି ଦ୍ୱିତୀୟ ଥର ପାଇଁ ଏହି ପୁରସ୍କାର ହାସଲ କରିଛନ୍ତି। ତାଙ୍କର ଏହି ସଫଳତା ଭାରତୀୟ କ୍ରିକେଟ୍ ପାଇଁ ଆଉ ଏକ ଉଲ୍ଲେଖନୀୟ ଉପଲବ୍ଧି। ଜିମ୍ବାୱେ ବିପକ୍ଷ ସିରିଜ୍ରେ ଉଭୟ ବ୍ୟାଟ୍ ଓ ବଲ୍ରେ ତାଙ୍କର ଅବଦାନ ଦଳ ପାଇଁ ଗୁରୁତ୍ୱପୂର୍ଣ୍ଣ ରହିଥିଲା।
ସେହିପରି ଦକ୍ଷିଣ ଆଫ୍ରିକାର ଅଲରାଉଣ୍ଡର ମାର୍କୋ ଜାନସେନ୍ଙ୍କୁ ଅକ୍ଟୋବର ମାସ ପାଇଁ ICC ପୁରୁଷ ‘ପ୍ଲେୟର ଅଫ୍ ଦି ମନ୍ଥ’ ଭାବେ ଚୟନ କରାଯାଇଛି। ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜ୍ରେ ସେ ୧୯୮ ରନ୍ କରିବା ସହ ୧୩ଟି ୱିକେଟ୍ ନେଇଥିଲେ।
