ରାଜୀବ ଲୋଚନ ମିଶ୍ର

9/09/2023 at 3:27 AM

ଗୋପାଳପୁର ୮/୯
ଗୋପାଳପୁର ଏନ ଏ ସି ରେ ଲେବର କାର୍ଡ ଦୁର୍ନୀତି ଅଭିଯୋଗକୁ ନେଇ ଆର ଡି ସିଙ୍କ ଚିଠି ପ୍ରକାରେ ଆଜି କାର୍ଯ୍ୟାଳୟ ପରିସରରେ କନିସି ତସିଲଦାର ପ୍ରଳୟାନନ୍ଦ ଶତପଥୀ ପହଞ୍ଚି ତଦନ୍ତ କରିଛନ୍ତି l ସୂଚନା ମୁତାବକ ଗୋପାଳପୁର ବର୍ତ୍ତମାନ ୱାର୍ଡ ନମ୍ବର ୧୦ର କାଉସିଲର ଜି. ମୋହନ ରାଓ ୨୦୧୭ ମସିହାରେ ୱାର୍ଡ଼ ନମ୍ବର ୭ ର କାଉନସିଲର ଥିବା ସମୟରେ ଲେବର କାର୍ଡ କରିବା ପାଇଁ କାର୍ଡ ପିଛା ଜଣଙ୍କ ଠାରୁ ୧୭୦ ଟଙ୍କା ଲେଖାଏଁ ଅନେକେ ଲୋକଙ୍କ ଠାରୁ ଟଙ୍କା ଆଦାୟ କରିଥିଲେ l କାର୍ଡ ନମିଳିବାରୁ ନିରାଶ ହୋଇ ଭଦ୍ର ଲୋକଙ୍କ ଜରିଆରେ ୨୦୨୦ ବୈଠକ ଡକାଯାଇଥିଲା l ସେଥିରେ କୌଣସି ନିଷ୍ପତି ହୋଇନଥିଲା l ପରେ ଦୀର୍ଘ ବର୍ଷ ବିତି ଯାଇଥିଲେ ସୁଦ୍ଧା ଆଜି ସୁଧା ଲେବର କାର୍ଡ ପାଇଁ ନଥିବାରୁ ଗତ କିଛି ମାସ ତଳେ ଲୋକ ମାନେ ଉଚ୍ଚ କର୍ତୃପକ୍ଷଙ୍କୁ ଲିଖିତ ଅଭିଯୋଗ କରିଥିଲେ l ଅଭିଯୋଗକୁ ଗୁରୁତର ସହ ନେଇ ରାଜ୍ୟ ସରକାରଙ୍କ ପ୍ରମୁଖ ସଚିବ ଏହାର ତଦନ୍ତ ପାଇଁ ବିଭାଗୀୟ ସଚିବ, ଜିଲ୍ଲା ପ୍ରଶାସନକୁ ନିର୍ଦ୍ଧେଶ ଦେଇଥିଲେ l ଜିଲ୍ଲା ପ୍ରଶାସନ ପକ୍ଷରୁ ଏନ ଏ ସି କାର୍ଯ୍ୟନିର୍ବାହୀ ଅଧିକାରୀ ମାନସ ରଞ୍ଜନ ମଲ୍ଲିକକୁ ଗତ ମାସରେ ଚିଠି ହୋଇଥିଲା l ଚିଠି ପ୍ରକାରେ କାର୍ଯ୍ୟନିର୍ବାହୀ ଅଧିକାରୀ ତଦନ୍ତ ଜାରି ରହିଥିବା ବେଳେ ଇତି ମଧ୍ୟରେ ଆର ଡି ସି ପକ୍ଷରୁ ଏହାର ତଦନ୍ତ ପାଇଁ କନିସି ତସିଲଦାର ପ୍ରଳୟାନନ୍ଦ ଶତପଥୀଙ୍କୁ ନିର୍ଦେଶ ହୋଇଥିଲା l ଚିଠି ପ୍ରକାରେ ଆଜି ତହସିଲଦାର ଏନ ଏ ସି କାର୍ଯାଳୟ ଠାରେ ପହଞ୍ଚି କାର୍ଡ ପାଇଁ ଅର୍ଥ ଦେଇଥିବା ଲୋକଙ୍କ ଆଲୋଚନା କରି ସେମାନଙ୍କ ବୟାନ ରେକର୍ଡ କରିଥିଲେ l ମିଳିଥିବା ସୂଚନା ମୁତାବକ ୬୦ ଜଣ ଅଭିଯୋଗ କାରୀଙ୍କ ବୟାନ ରେକର୍ଡ ହୋଇଛି l ତାହାସହ ୱାର୍ଡ ନମ୍ବର ୧୦ର କାଉସିଲର ଜି. ମୋହନ ରାଓଙ୍କୁ ବୟାନ ମଧ୍ୟ ରେକର୍ଡ କରାଯିବ ବୋଲି ଜଣାପଡ଼ିଛି l ଏ ନେଇ ୱାର୍ଡ ନମ୍ବର ୧୦ର କାଉସିଲର ଜି. ମୋହନ ରାଓଙ୍କ ସହ ଯୋଗାଯୋଗ ବେଳେ କହିଛନ୍ତି ବିଧାୟକ ପ୍ରଦୀପ ପାଣିଗ୍ରାହୀ ଙ୍କ ନିର୍ଦ୍ଧେଶ କ୍ରମେ ଲେବର କାର୍ଡ ପାଇଁ କାର୍ଡ ପିଛା ୧୭୦ ଟଙ୍କା ଲେଖାଏଁ ଗୋପାଳପୁର ର ୫୬୯ ଲୋକଙ୍କ ଠାରୁ ଆଦାୟ କରି ବିଧାୟକଙ୍କ ପାଖକୁ ଯାଇଥିଲି l ବିଧାୟକ କହିବା ପ୍ରକାରେ ତାଙ୍କ ପ୍ରତିନିଧି ସର୍ବେଶ୍ୱର ରାଓଙ୍କୁ ସମସ୍ତ ଟଙ୍କା ପଇଠ କରିଥିଲେ lକିନ୍ତୁ ଆଜି ଯାଏଁ କାର୍ଡ ମିଳିବ ପାରିନାହିଁ। ଏଥିରେ ସେ ଦୋଷୀ ନୁହନ୍ତି ବୋଲି ମତପୋଷଣ କରିଥିଲେ।