ହେମନ୍ତ କୁମାର ବେହେରା3/10/2023 at 7:02 PM
ଖଡ଼ିଆଳ : ଖଡିଆଳ ବିଧାନସଭା ନିର୍ବାଚନ ମଣ୍ଡଳୀର ବିଜୁ ଜନତା ଦଳ ତରଫରୁ ଜନ ସଂପର୍କ ପଦଯାତ୍ରାର ଶୁଭାରମ୍ଭ ହୋଇଯାଇଛି । ପ୍ରଥମ ଦିବସର ପଦଯାତ୍ରା ବୋଡେନ ବ୍ଲକ ର ବିନପୁର ଠାରୁ ନୂଆପଡା ଜିଲ୍ଲା ବିଜେଡି ସାଧାରଣ ସମ୍ପାଦକ ଲମ୍ବୋଦର ନିଆଲଙ୍କ ନେତୃତ୍ବରେ ଏହା ଆରମ୍ଭ ହୋଇ ବୋଡେନ ପାତାଳଗଙ୍ଗା ଠାରେ ଶେଷ ହୋଇଥିଲା । ଏହି ଜନ ସଂପର୍କ ପଦଯାତ୍ରାରେ ସମସ୍ତ ଜିଲ୍ଲା ପରିଷଦ ସଭ୍ଯ ସଭ୍ୟା ଓ ତିନି ଗୋଟି ବ୍ଲକର ପଦାଧିକାରୀ ସମସ୍ତ ମହିଳା ନେତ୍ରୀ, ଯୁବ ଛାତ୍ର ନେତୃବର୍ଗ ଓ ସମସ୍ତ ଦଳିୟ କାର୍ଯ୍ୟକର୍ତ୍ତା ମାନେ ଅଂଶଗ୍ରହଣ କରିଥିଲେ । ଏହି ଜନ ସଂପର୍କ ପଦଯାତ୍ରା ଆସନ୍ତା ୧୧ ତାରିଖରେ ଜୟ ପ୍ରକାଶ ନାରାୟଣଙ୍କ ଜୟନ୍ତୀ ପରେ ଶେଷ ହେବାର ସ୍ଥିରିକୃତ ହୋଇଅଛି । ଖଡିଆଳ ବିଧାନସଭା ନିର୍ବାଚନ ମଣ୍ଡଳୀର ସମସ୍ତ ଗ୍ରାମକୁ ଯାଇ ରାଜ୍ଯ ସରକାରଙ୍କ ବିଭିନ୍ନ ଜନହିତକର ଯୋଜନା ବିଷୟରେ ଅବଗତ କରିବା ସହିତ ବିରୋଧୀ ରାଜନୈତିକ ଦଳ ମାନଙ୍କର ମିଥ୍ଯା ପ୍ରତିଶୃତି ଓ ଜନ ବିରୋଧୀ କାର୍ଯ୍ୟକଳାପ ର ମୁଖା ଖୋଲିବା ଏହାର ମୁଲ ଲକ୍ଷ୍ଯ ବୋଲି ଦଲିୟ ନେତୃବର୍ଗ ପରିପ୍ରକାଶ କରିଛନ୍ତି ।