ରବୀନ୍ଦ୍ର ପ୍ରସାଦ ଦାନୀ10/10/2023 at 5:28 PM
ଜମନକିରା : ଜମନକିରା ବ୍ଲକ୍ ଭାତପୁରା ସ୍ଥିତ ୫ଟି ଅନ୍ତର୍ଗତ ପଂଚାୟତ ହାଇସ୍କୁଲରେ ଡିମିରିମୁଣ୍ଡା ଗାଁର ମା” ଦୁର୍ଗା ଏସଏଚଜିକୁ ଚଞ୍ଚକତା ଭାବେ ରାତ୍ର ଜଗୁଆଳି ଓ ସଫେଇ କାର୍ଯ୍ଯ ପରିଚାଳନା କରିବାକୁ ଦାୟିତ୍ଵ ଦିଆଯାଇଛି। ନିର୍ଦ୍ଧିଷ୍ଟ ଏସଏଚଜି ଗ୍ରୁପକୁ ବାଦ ଦେଲେ ପଂଚାୟତର କୌଣସି ଏସଏଚଜି, ମିଶନ ଶକ୍ତିର ଏମବିକେ, ଅଙ୍ଗନୱାଡ଼ି କର୍ମୀ, ଜନ ସାଧାରଣ କିମ୍ବା ପଂଚାୟତ ଅଫିସ ଠାରେ ରାତ୍ର ଜଗୁଆଳି ନିଯୁକ୍ତି ପାଇଁ ପ୍ରଚାର ପ୍ରସାର ନିମନ୍ତେ ବିଜ୍ଞପ୍ତି ପ୍ରକାଶ ପାଇନାହିଁ। ପଂଚାୟତର କୌଣସି ଗାଁରେ ବିଜ୍ଞାପନ ଦିଆଯାଇ ନାହିଁ। ଶିକ୍ଷା ବିଭାଗ ବିଜ୍ଞାପନ ଚିଠି ନଂ-୮୭୨/ତା.୫/୧୦/୨୦୨୩ ଅନୁଯାୟୀ, ରାତ୍ର ଜଗୁଆଳି ଓ ସଫେଇ କାର୍ଯ୍ୟ ନିଯୁକ୍ତି ଜଣା ପଡ଼ିବାରୁ ଏସଏଚଜି ମହିଳା ସଂଘ ସମୂହ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା। ଏନେଇ ପଂଚାୟତ ଅଂଚଳର ଏସଏଚଜି ସମୂହ ବୈଠକ ଡ଼ାକି ଆଲୋଚନା କରିଥିଲେ। ବର୍ତ୍ତମାନ ସରପଂଚ ପରିବାରର ସଭ୍ୟା ଥିବା ମା” ଦୁର୍ଗା ଏସଏଚଜି କୁ ଚଞ୍ଚକତା ପୂର୍ବକ ବିଭିନ୍ନ ଅଫିସର ଙ୍କୁ ହାତ କରି ଦାୟିତ୍ଵ ଦିଆଯାଇଛି। ତେଣୁ ଏଭଳି ନିଯୁକ୍ତି ପ୍ରକ୍ରିୟାକୁ ରଦ୍ଦ କରି ସ୍ଵଚ୍ଛତା ପୂର୍ବକ ସମସ୍ତ ଏସଏଚଜି ଗ୍ରୁପ ଉପସ୍ଥିତିରେ ନିୟମାନୁଯାୟୀ ପୁନଃ ରାତ୍ର ଜଗୁଆଳି ନିଯୁକ୍ତି କରିବାକୁ ଦାବି କରାଯାଇଛି। ଏ ସଂପର୍କରେ ବିଡ଼ିଓ ବିଚାର କରିବାକୁ ଏସଏଚଜି ଗ୍ରୁପ ସମୂହ ସଂଘର ସଦସ୍ୟା ମାନେ ଆଜି ଦାବି ଜଣାଇଛନ୍ତି। ଆସନ୍ତା ୭ ଦିନ ମଧ୍ୟରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନକଲେ ଏସଏଚଜି ସମୂହ ସଂଘର ସଦସ୍ୟା, ଜନ ସାଧାରଣ ଆନ୍ଦୋଳନାତ୍ମକ ପନ୍ଥା ଗ୍ରହଣ କରିବାକୁ ବାଧ୍ୟ ହେବେ ବୋଲି ଚେତାବନୀ ଦେଇଛନ୍ତି।
ଏସଂପର୍କରେ ବିଡ଼ିଓ ପ୍ରସନ୍ନ କୁମାର ପଟେଲଙ୍କୁ ପଚାରିବାରୁ ଏମବିକେ ଗ୍ରୁପରେ ଚିଠି ପ୍ରେରଣ କରାଯାଇଥିଲା। ଏମବିକେ ଚିଠି ପାଇବା ପରେ ଫଟୋ ଥାଇ ଗ୍ରୁପରେ ପୋଷ୍ଟ କରିଥିଲେ। କିନ୍ତୁ ନିଯୁକ୍ତି ପ୍ରକ୍ରିୟାରେ ସ୍ବଚ୍ଛତା କଣ ରହିଛି ତାହା ତଦନ୍ତ କଲେ ଯାଇ ଜଣାପଡ଼ିବ ବୋଲି କହିଥିଲେ।