ରବୀନ୍ଦ୍ର ପ୍ରସାଦ ଦାନୀ11/10/2023 at 8:57 PM
ଜମନକିରା : ଆଜି ଜମନକିରା ମିଶନ ଶକ୍ତି ବିଭାଗ ପକ୍ଷରୁ ମାନ୍ୟବର ମୁଖ୍ୟମନ୍ତ୍ରୀଙ୍କ ଦ୍ଵାରା ମିଶନ ଶକ୍ତି “ମୋ ସ୍କୁଟର” ଯୋଜନାର ଶୁଭାରମ୍ଭ ହୋଇଯାଇଛି। ମାନ୍ୟବର ମୁଖ୍ୟମନ୍ତ୍ରୀ ପୂର୍ବାହ୍ନ ୧୧ଟା ସମୟରେ ମିଶନ ଶକ୍ତି ମୋ ସ୍କୁଟର ଯୋଜନା ଶୁଭାରମ୍ଭ କରିଥିଲେ। ଏହି ଅବସରରେ ଓଡ଼ିଶାର ୩୦ ଜିଲ୍ଲା ୩୧୪ ବ୍ଲକରେ ଭିଡିଓ କନଫରେନ୍ସ ଦ୍ଵାରା ଶୁଭାରମ୍ଭ କରିଥିଲେ। ଜମନକିରା ବ୍ଲକରେ ପ୍ରଥମ ପର୍ଯ୍ୟlୟରେ ୫୦ ଜଣ ଏମ ବି କେ, ସି ଆର ପି, କୃଷୀମିତ୍ର, ବ୍ୟାଙ୍କ ମିତ୍ର, ପ୍ରାଣୀ ମିତ୍ର ଏବଂ କାର୍ଯ୍ୟକାରୀ କମିଟିର ସଦସ୍ୟ ମାନଙ୍କୁ ସ୍କୁଟି ପ୍ରଦାନ କରାଯାଇଥିଲା। ଏହି କାର୍ଯ୍ୟକ୍ରମରେ ଜମନକିରା ବିଡ଼ିଓ ପ୍ରସନ୍ନ ପଟେଲ, ସହକାରୀ ନିର୍ବାହୀ ଯନ୍ତ୍ରୀ ସାଲିନି ସିଂ ପ୍ରମୁଖ ଉପସ୍ଥିତ ଥିଲେ। ମିଶନ ଶକ୍ତି ବିଭାଗ ପକ୍ଷରୁ ବ୍ଲକ ପ୍ରକଳ୍ପ ସଂଯୋଜକ ଚୂଡ଼ାମଣି ପ୍ରଧାନ ଓ ଭରପ୍ରlପ୍ତ ଗୋଷ୍ଠୀ ପ୍ରକଳ୍ପ ପରିଚାଳକ ସରୋଜ ମିଶ୍ର ପରିଚାଳନା କରିଥିଲେ।