ପ୍ରଦ୍ୟୁମ୍ନ ପାତ୍ର

6/11/2023 at 8:59 PM

ବେଲଗୁଣ୍ଠା, 06/11, ବକେୟା ଟଙ୍କା ଫେରସ୍ତ କରିବାକୁ ଯାଇଥିବା ବେଳେ ଜଣେ ଯୁବକଙ୍କୁ ବାପା ପୁଅ ମିଶି ଚେନ୍ କ୍ରାଙ୍କ୍ ରେ ଆକ୍ରମଣ କରିବା ଘଟଣାରେ ଉଭୟ କୋର୍ଟଚାଲାଣ ହୋଇଥିବା ଗାଙ୍ଗପୁର ଭାରପ୍ରାପ୍ତ ଥାନା ଅଧିକାରୀ ଶୁଭ୍ରଜିତ ସାମନ୍ତରାୟ ସୂଚନା ଦେଇଛନ୍ତି I ଘଟଣାଟି ଘଟିଛି ଗାଙ୍ଗପୁର ଥାନା ତଥା ଧରାକୋଟ ବ୍ଳକ୍ ଅନ୍ତର୍ଗତ ଡି. ସିଙ୍ଗିପୁର ଗ୍ରାମରେ I ସୁଚନା ପ୍ରକାରେ ଡି. ସିଙ୍ଗିପୁର ଗ୍ରାମର ନାରାୟଣ ନାଇକ(32) ନାମକ ଜଣେ ହରିଜନ ଯୁବକ ଗ୍ରାମରେ ଏକ ପରିବା ଦୋକାନ କରିଛନ୍ତି I କିଛିଦିନ ତଳେ ନାରାୟଣ ସେହି ଗ୍ରାମର ବଳରାମ ଜେନା(46) ଠାରୁ 500 ଟଙ୍କା ଧାର ନେଇଥିଲେ I ଗତକାଲି ନାରାୟଣ ବଳରାମ ନିକଟକୁ ତାଙ୍କର 500 ଟଙ୍କା ଫେରାଇବା ପାଇଁ ଯାଇଥିଲେ I ସେହି ସମୟରେ ବଳରାମ ନାରାୟଣଙ୍କୁ 500 ବଦଳରେ 1200 ଟଙ୍କା ମାଗିଥିଲା I କିନ୍ତୁ ନାରାୟଣ 1200 ଟଙ୍କା ଦେବାକୁ ମନା କରିବାରୁ ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା I ଏଥିରେ ଉତ୍ତେଜିତ ହୋଇ ବଳରାମ ଏବଂ ବଳରାମର ପୁଅ ସମୀର ଜେନା (18) ଏକ ମୋଟରସାଇକେଲ୍ ଚେନ୍ କ୍ରାଙ୍କ୍ ରେ ନାରାୟଣଙ୍କୁ ମରଣାନ୍ତକ ଆକ୍ରମଣ କରିଥିଲେ I ଫଳରେ ନାରାୟଣ ଗୁରୁତର ଆହତ ହୋଇଥିଲେ I ତାଙ୍କୁ ସଙ୍ଗେ ସଙ୍ଗେ ଆସିକା ମେଡିକାଲ୍ ରେ ଭର୍ତ୍ତି କରାଯାଇଥିଲା I ନାରାୟଣ ଗାଙ୍ଗପୁର ଥାନାରେ ଏତାଲା ଦେବା ପାରେ ନାରାୟଣଙ୍କ ଏତାଲାକୁ ଭିତ୍ତିକରି କେଶ୍ ନମ୍ବର୍ 824/23 ରେ ଏକ ମାମଲା ରୁଜୁ କରାଯିବା ସହିତ ନାରାୟଣ ହରିଜନ ସମ୍ପ୍ରଦାୟର ହୋଇଥିବାରୁ ଆଟ୍ରୋସିଟି ମାମଲାରେ ଉଭୟଙ୍କୁ ଗିରଫ କରାଯାଇଥିଲା I ଭଞ୍ଜନଗର ଉପଖଣ୍ଡ ଆରକ୍ଷୀ ଅଧୀକ୍ଷକ ବିଶ୍ଵମିତ୍ରା ହରପାଲ୍ ଘଟଣାର ତଦନ୍ତ କରୁ୍ଥିବା ବେଳେ ଉଭୟ ନାରାୟଣ ଏବଂ ସମୀରକୁ ଆସିକା କୋର୍ଟଚାଲାଣ କରାଯାଇଥୁବା ପୋଲିସ୍ ସୂତ୍ରରୁ ପ୍ରକାଶ I ପ୍ରକାଶ ଥାଉକି ଗତ ତିନି ତାରିଖରେ ଗ୍ରାମରେ ମୋଟରସାଇକେଲ୍ ଧରି ଯାଉଥିବା ବେଳେ ବଳରାମର ଝିଅ ବିଦ୍ୟାଳୟରୁ ଫେରୁଥିଲା I ବୁଲାଣି ରାସ୍ତା ହୋଇଥିବାରୁ ବଳରାମର ଝିଅ ସହ ନାରାୟଣର ମୋଟରସାଇକେଲ୍ ଧକ୍କା ହୋଇଥିଲା I ଏଥିରେ ଉତ୍ତ୍ୟକ୍ତ ହୋଇ ବଳରାମ 500 ଟଙ୍କା ବଦଳରେ ନାରାୟଣଙ୍କୁ 1200 ଟଙ୍କା ମାଗିଥିବା ପୋଲିସ୍ ସନ୍ଦେହ କରୁଛି I