ଜଗନ୍ନାଥ ନାଏକ19/11/2023 at 5:32 PM
କଳାହାଣ୍ଡି,୧୯/୧୧ (ଜଗନ୍ନାଥ ନାଏକ) : ଭବାନୀପାଟଣା ବ୍ଲକ ତିଳଯୋଡି ଠାରେ ଜନଜାତୀୟ ଗୌରବ ଦିବସ ପାଳିତ ଓ ବିଶ୍ୱ ଶୌଚାଳୟ ଦିବସ ପାଳିତ ହୋଇ ଯାଇଛି l ଏହି ଅବସରରେ ମୁଖ୍ୟ ଅତିଥି ଭାବରେ ପ୍ରମେୟ ଜିଲ୍ଲା ପ୍ରତିନିଧି ଶ୍ରୀ ସନ୍ତୋଷ ସିଂ ଦେଓ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବରେ ପ୍ରକୃତି ବନ୍ଧୁ ଶ୍ରୀ ଶମ୍ଭୁ ବିଶି ଓ ଜନ ଶିକ୍ଷଣ ସଂସ୍ଥାନ ର କୋରଡିନେଟର କ୍ଷୀରମଣୀ କୁମାର ଯୋଗଦେଇଥିଲେ l ପ୍ରଥମେ ବିର୍ସା ମୁଣ୍ଡା ଓ ସହିଦ ରେଣ୍ଡୋ ମାଝୀ ଙ୍କ ପ୍ରତିମୂର୍ତ୍ତି ରେ ପୁଷ୍ପ ମାଲ୍ୟ ଦେଇ ପୂଜା କରି କାର୍ଯ୍ୟକ୍ରମ କୁ ଅତିଥି ମାନେ ଆରମ୍ଭ କରିଥିଲେ l ବିର୍ସା ମୁଣ୍ଡା ଙ୍କ ଜୀବନୀ କାହାଣୀ ବିଷୟରେ ମୁଖ୍ୟ ଅତିଥି ଆଲୋକ ପାତ କରିଥିଲେ l ଲୋକେ ବାହର କୁ ଝାଡ଼ା ନ ଯାଇ କିପରି ଶୌଚାଳୟ ବ୍ୟବହାର କରିବେ ସେ ନେଇ ସମ୍ମାନିତ ଅତିଥି ସମସ୍ତ ଙ୍କୁ ଅବଗତ କରିଥିଲେ l ପରେ ଅତିଥି ମାନଙ୍କ ଦ୍ୱାରା ଡିବେଟ ପ୍ରତିଯୋଗିତା ରେ ବିଜେତା ହୋଇଥିବା ନିରୁପମା ଦୁର୍ଗା ପ୍ରଥମ, ତୋଫାନ ମାଝୀ ଦ୍ୱିତୀୟ ଓ ଖଗେଶ୍ୱର ଶବର ତୃତୀୟ ପୁରସ୍କାର ପ୍ରଦାନ କରିଥିଲେ l ପରେ ଫୁଡ ପ୍ରୋସେସିଂ ର ସମସ୍ତ ୨0ଜଣ କୃତି ପ୍ରଶିକ୍ଷାର୍ଥୀ ଙ୍କୁ ଅତିଥି ମାନଙ୍କ ଦ୍ୱାରା ପ୍ରମାଣ ପତ୍ର ପ୍ରଦାନ କରାଯାଇଥିଲା l ଆଜିର ଏହି କାର୍ଯ୍ୟକ୍ରମ ରେ ଜେଆର କମ୍ପୁଟର ଏଜୁକେସନ ସେଣ୍ଟର ର ପ୍ରଥମ ଓ ଦ୍ୱିତୀୟ ବେଚ ର ସମସ୍ତ ଛାତ୍ର ଛାତ୍ରୀ ଉପସ୍ଥିତ ଥିଲେ l ଆଜିର ଏହି କାର୍ଯ୍ୟକ୍ରମ କୁ କମ୍ପୁଟର ଶିକ୍ଷକ ଯଶୋବନ୍ତ ରଣା ପରିଚାଳନା କରିଥିବା ବେଳେ କ୍ଷୀରମଣୀ କୁମାର ସହଯୋଗ କରିଥିଲେ l