ଜଗନ୍ନାଥ ନାଏକ24/11/2023 at 8:49 PM
କଳାହାଣ୍ଡି, ୨୪/୧୧ (ଜଗନ୍ନାଥ ନାଏକ) : ସ୍ୱଚ୍ଛ ପଶ୍ଚିମ ଓଡିଶା ବାର୍ତ୍ତା ଏବଂ ସବୁଜ ପଶ୍ଚିମ ଓଡ଼ିଶାର ବାର୍ତ୍ତା ନେଇ ସମ୍ବଲପୁର ପ୍ରୟାସ ପରିବାରର ସଦସ୍ୟ ମହେନ୍ଦ୍ର ବଗର୍ତ୍ତି ଗତ ଗୁରୁବାର ସନ୍ଧ୍ୟାରେ ସାଇକେଲ ଯୋଗେ କଳାହାଣ୍ଡି ଜିଲ୍ଲା ଭବାନୀପାଟଣା ସହରରେ ପହଞ୍ଚଥିଲେ । ଗଛ ନ କାଟିବା, ପ୍ଲାଷ୍ଟିକ ବର୍ଜନ, ପରିବେଶ ସଫା ରଖିବା ବିଷୟରେ ଲୋକ ମାନଙ୍କୁ ସଚେତନ କରିଥିଲେ। ଏମ୍.ଏସ୍.ଏ. ନିକଟରେ ଏ ଉପଲକ୍ଷେ କାର୍ଯ୍ୟକ୍ରମରେ ଶ୍ରୀ ବଗର୍ତ୍ତୀଙ୍କୁ “ପ୍ରତିଭା” ଅନୁଷ୍ଠାନ ପକ୍ଷରୁ ସ୍ୱାଗତ ସମ୍ବର୍ଦ୍ଧନା କରିଥିଲେ । ପ୍ରତିଭା ଅନୁଷ୍ଠାନର ଅଧ୍ୟକ୍ଷ ଧ୍ୟାନାନନ୍ଦ ପଣ୍ଡା, ସଂଜୀବ ସିଂହ, ଦେବେଶ ସିଂହ, ଆଲୋକ ସାହୁ, ତାପସ ରଞ୍ଜନ ପଟେଲ, ଚିନ୍ମୟ ପ୍ରଧାନ ଏବଂ ତରୁଣ ଦୁର୍ଗା ଉପସ୍ଥିତ ଥିଲେ ।