ଇଣ୍ଡିଆ ମେଣ୍ଟର ପ୍ରଧାନମନ୍ତ୍ରୀ ଚେହେରା ଭାବେ ଖଡ଼ଗେଙ୍କ ନାମ ପ୍ରସ୍ତାବ ଦେଲେ ମମତା

ଇଣ୍ଡିଆ ମେଣ୍ଟର ବୈଠକରେ ଆଜି ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ସମସ୍ତଙ୍କୁ ଚକିତ କରିଦେଇଛନ୍ତି | କାରଣ ସେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡ଼ଗେଙ୍କ ନାମ ବିରୋଧୀ ଦଳର ପ୍ରଧାନମନ୍ତ୍ରୀ ରୂପେ ପ୍ରସ୍ତାବ ଦେଇଛନ୍ତି। ସୂତ୍ରରୁ ପ୍ରକାଶ ଯେ ଏହି ପ୍ରସ୍ତାବକୁ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ୍ ଆଦମୀ ପାର୍ଟି (ଏଏପି) ଜାତୀୟ ସଂଯୋଜକ ଅରବିନ୍ଦ କେଜ୍ରିୱାଲ ମଧ୍ୟ ସମର୍ଥନ କରିଛନ୍ତି। ତେବେ ତୃଣମୂଳ କଂଗ୍ରେସ (ଟିଏମସି) ମୁଖ୍ୟ ମମତା ବାନାର୍ଜୀଙ୍କ ପ୍ରସ୍ତାବ ଉପରେ ଖଡ଼ଗେ କହିଛନ୍ତି ଯେ ଆମେ ନିର୍ବାଚନରେ ​​ଜିତିବା ଉପରେ ଧ୍ୟାନ ଦେବା ଉଚିତ୍। ସେ କହିଛନ୍ତି, “ସମସ୍ତେ ଏକାଠି କାମ କରିବେ ଏବଂ ଯେଉଁ ରାଜ୍ୟରେ ଆମର ଲୋକ ଅଛନ୍ତି, ସେମାନେ ସିଟ୍ ବାଣ୍ଟିବା ନେଇ ପରସ୍ପର ସହ ଆପୋଷ ବୁଝାମଣା କରିବେ। ଯଦି କୌଣସି ବୁଝାମଣା ହୋଇପାରିବ ନାହିଁ ତେବେ ଇଣ୍ଡିଆ ମେଣ୍ଟ ନିଷ୍ପତ୍ତି ନେବ |