ସ୍ମାର୍ଟ ଇଣ୍ଡିଆ ହାକାଥନ ରେ ନିଷ୍ଟ ଛାତ୍ରଛାତ୍ରୀ ଙ୍କ କୃତିତ୍ୱ
ଗୋପାଳପୁର,୨୨/୧୨ ଭାରତ ସରକାରଙ୍କ ଶିକ୍ଷା ମନ୍ତ୍ରଣାଳୟ ଦ୍ୱାରା ଆୟୋଜିତ ସ୍ମାର୍ଟ ଇଣ୍ଡିଆ ହାକାଥନ ରେ ନିଷ୍ଟ ଛାତ୍ରଛାତ୍ରୀଙ୍କ କୃତିତ୍ୱ ହାସଲ କରିଛନ୍ତି Iସମସ୍ୟା, ସମାଧାନ, ଦକ୍ଷତା ଏବଂ ସହଯୋଗ କୁ ପ୍ରୋତ୍ସାହନ ଦେବା ଉପରେ ଧ୍ୟାନ ଦେଇ, ଏକ ସୁଦୃଢ଼, ଭବିଷ୍ୟତ ପାଇଁ ପ୍ରସ୍ତୁତ ଶ୍ରମଶକ୍ତି ପାଇଁ ଶିକ୍ଷାନୁଷ୍ଠାନ ଏବଂ ଶିଳ୍ପ ମଧ୍ୟରେ ଥିବା ବ୍ୟବଧାନକୁ ଦୂର କରି ଡିଜିଟାଲ ପରିବର୍ତ୍ତନକୁ ଆଗେଇ ନେବାକୁ ସ୍ମାର୍ଟ ଇଣ୍ଡିଆ ହାକାଥନ ଲକ୍ଷ୍ୟ ରହିଥିଲା ।ସାରା ଦେଶରୁ ଆସିଥିବା ୫୦୦ ଏଣ୍ଟ୍ରି ମଧ୍ୟରୁ ସଫ୍ଟୱାରେ ସଂସ୍କରଣ ଅଧିନରେ ଶ୍ରେଷ୍ଠ ୫ଟି ବର୍ଗରେ ଟିମ୍ ଗ୍ଲାଷ୍ଟ୍ରିୟର ଏବଂ ଡେଷ୍ଟିନେସନ ଡିଜାଇନର ନାମରେ ନିଷ୍ଟ ବ୍ରହ୍ମପୁରର ଦୁଇଟି ଦଳ ମନୋନୀତ ହୋଇଥିଲେ। ସ୍ମାର୍ଟ ଇଣ୍ଡିଆ ହାକାଥନ-୨୦୨୩ର ଗ୍ରାଣ୍ଡ ଫିନାଲେରେ ବିଜୟୀ ହୋଇଥିବା ଦ୍ୱିତୀୟ ବର୍ଷର ଛାତ୍ର ଗୌରବ ତିବାରୀ, ଅଭିମନ୍ୟୁ କୁମାର, ୟୁ ଶ୍ରୀୟା ରେଡ୍ଡୀ, ପାୟଲ ଭଟମିଶ୍ର, କେ ସାଇ କଲ୍ୟାଣ ଏବଂ ରୁଦ୍ରାଂଶ ଦାଶଙ୍କୁ ନେଇ ଟିମ୍ ଡେଷ୍ଟିନେସନ ଡିଜାଇନରମାନେ ଏହି ପ୍ରତିୟୋଗିତାରେ ଭାଗ ନେଇଥିଲେ। ଭିଲାଇସ୍ଥିତ ରୁଙ୍ଗଟା କଲେଜ ଅଫ୍ ଇଞ୍ଜିନିୟରିଂ ଆଣ୍ଡ ଟେକ୍ନୋଲୋଜିରେ ଡିସେମ୍ବର ୧୯-୨୦ରେ ଆୟୋଜିତ ଏହି ପ୍ରତିୟୋଗିତାରେ ସଫ୍ଟୱାରେ ସଂସ୍କରଣ ଉପରେ ଗୁରୁତ୍ୱାରୋପ କରାଯାଇଥିଲା। ପର୍ୟ୍ୟଟନ ଶିଳ୍ପର ସାମ୍ପ୍ରତିକ ପରିଦୃଶ୍ୟକୁ ଉଲ୍ଲେଖନୀୟ ଭାବେ ବୃଦ୍ଧି କରିବାର ସମ୍ଭାବନା ଥିବା ଏକ ଅଭିନବ ଚିନ୍ତାଧାରାକୁ ସେମାନେ ପ୍ରଦର୍ଶନ କରିଥିଲେ। ଏହି ଅବସରରେ ନିଷ୍ଟ ର ପ୍ରତିଷ୍ଠାତା ଡ଼. ସୁକାନ୍ତ କିଶୋର ମହାପାତ୍ର, ଭାରପ୍ରାପ୍ତ ଅଧକ୍ଷ ଡ଼. ବିଷ୍ଣୁକର ନାୟକ, ଆଡମିନ ମୁଖ୍ୟ ଇଂ ସୟଦ ସୁଲେମାନ ଅଲି, ରିସର୍ଚ୍ଚ ଆଣ୍ଡ ଡେଭଲପମେଣ୍ଟ କର୍ଡିନେଟର ଡ଼. ସଂଦୀପନ ମଲ୍ଲିକ, କଂପୁଟର ବିଭାଗୀୟ ମୁଖ୍ୟ ଡ଼. ବ୍ରଜ କିଶୋର ମିଶ୍ର ଛାତ୍ରଛାତ୍ରୀ ମାନଙ୍କୁ ଅଭିନନ୍ଦନ ଜଣାଇଛନ୍ତି ।
