ସନତ କୁମାର ପ୍ରାଧନୀ

9/01/2024 at 11:42 AM

କୋକସରା:୦୯/୦୧
ଆସନ୍ତା ୧୭ ରେ ପୁରୀ ପରିକ୍ରମା ଉତ୍ସଵ ଶ୍ରୀ ଜଗନ୍ନାଥ ଧାମ ପୁରୀ ରେ ମହା ସମାରୋହରେ ଅନୁଷ୍ଠିତ ନେଇ ରାଜ୍ୟ ସରକାରଙ୍କ ପକ୍ଷରୁ ଆୟୋଜିତ ହେଉଥିବା ବେଳେ ଶ୍ରୀ ଜଗନ୍ନାଥଙ୍କ ପୁରୀ ପରିକ୍ରମା ପାଇଁ ରାଜ୍ୟର ସମସ୍ତ ଜିଲ୍ଲା, ବ୍ଲକ ଓ ପଞ୍ଚାୟତ ସ୍ତରରେ ଶ୍ରୀ ଜଗନ୍ନାଥ ଅର୍ପଣ ରଥ ପରିକ୍ରମା କରି ମହାପ୍ରଭୁଙ୍କ ପାଇଁ ଗୁଆ ଓ ଅରୁଆ ଅରୁଆ ଚାଉଳ ସଂଗୃହିତ ହୋଇ ପଠାଯିବ। ଏହି କ୍ରମ ରେ କୋକସରା ବ୍ଲକ ରେ କୋକସରା ପଞ୍ଚାୟତ ରୁ ଅର୍ପଣ ରଥ ର ଶୁଭାରମ୍ଭ କରାଯାଇଛି। କୋକସରା ଜଗନ୍ନାଥ ମନ୍ଦିର ଠାରେ ଅର୍ପଣ ରଥ କୁ ପୂଜାର୍ଚ୍ଚନା ପରେ ସରପଞ୍ଚ କୋକସରା କିଶୋର ଚନ୍ଦ୍ର ପ୍ରଧାନୀ,ବିଡ଼ିଓ ସ୍ନେହାପ୍ରଭା ମାଝୀ, ବ୍ଲକ ସାମାଜିକ ସୁରକ୍ଷା ଅଧିକାରୀ ଦୀପକ କୁମାର ବେହେରା ଗୁଆ ଓ ଚାଉଳ ଅର୍ପଣ କରିଥିଲେ। ଅର୍ପଣ ରଥ ଗ୍ରାମରେ ସଂକୀର୍ତ୍ତନ ଦଳ ଓ ଶତାଧିକ ଶ୍ରଦ୍ଧାଳୁ ଙ୍କ ଗହଣ ରେ ପରିକ୍ରମା ସମୟରେ ମହିଳା ମାନେ ଶ୍ରୀ ଜଗନ୍ନାଥ ଅର୍ପଣ ରଥ କୁ ବନ୍ଧାପଣା,ପୂଜାର୍ଚ୍ଚନା କରି ଅରୁଆ ଚାଉଳ ଓ ଗୁଆ ଅର୍ପଣ କରିଥିଲେ।କାର୍ଯ୍ୟକ୍ରମ କୁ ବ୍ଲକ ଜିପିଇଓ ବିରଞ୍ଚି ଖରସେଲ, ପିଇଓ ଭବିଷ୍ୟତ ପଟେଲ, ଜି ଆର ଏସ ଅଶୋକ କୁମାର ଠାକୁର ପ୍ରମୁଖ ପରିଚାଳନା ରେ ସହଯୋଗ କରିଥିଲେ।