ଓଡ଼ିଶା ଡଟ୍ ନ୍ୟୁଜ୍

14/06/2024 at 12:23 PM

ସିଥାନପାଲ୍ଲୀ: କାଠ ବୋଝେଇ ଟ୍ରାକ୍ଟରକୁ ଓଭରଟେକ୍ କରିବା ହେଲା କାଳ । ଟ୍ରକରେ ପିଟି ହେଲା କାର୍ । ଚାଲିଗଲା ୬ ଜଣଙ୍କ ଜୀବନ । ଘଟଣା ଘଟିଛି ଆନ୍ଧ୍ରପ୍ରଦେଶର ସିଥାନପଲ୍ଲି ଗ୍ରାମ ନିକଟରେ ।

ସ୍ଥାନୀୟ ଲୋକଙ୍କ କହିବା ଅନୁସାରେ, ଆଜି ଏକ ଭ୍ୟାନ ଯାଉଥିବା ବେଳେ ସିଥାନପଲ୍ଲି ଗାଁ ନିକଟରେ ଏକ କାଠ ବୋଝେଇ ଟ୍ରାକ୍ଟରକୁ ଓଭରଟେକ୍ କରିବା ଚେଷ୍ଟା କରୁଥିଲା । ହେଲେ ଦ୍ରୁତ ଗତିରେ ଆସୁଥିବା କାରଟି ଭାରସାମ୍ୟ ହରାଇ ଆଗରେ ଯାଉଥିବା ଏକ ଟ୍ରକକୁ ଧକ୍କେ ଦେଇଥିଲା । ଫଳରେ ଟ୍ରକ୍‌ଟି ରାସ୍ତା ଉପରେ ଓଲଟି ପଡ଼ିଥିଲା । ଏହି ଦୁର୍ଘଟଣାରେ ଘଟଣାସ୍ଥଳରେ ୫ ଜଣଙ୍କ ମୃତ୍ୟୁ ଘଟିଥିବା ବେଳେ ମେଡିକାଲ ନେବା ବାଟରେ ଜଣଙ୍କ ମୃତ୍ୟୁ ହୋଇଛି ।

ଦୁର୍ଘଟଣା ପରେ ଦୀର୍ଘ ସମୟ ଧରି ରାସ୍ତା ଜାମ୍‌ ରହିଥିଲା । ରାସ୍ତାର ଉଭୟ ପାର୍ଶ୍ବରେ ପ୍ରାୟ ୨ କିକି ପର୍ଯ୍ୟନ୍ତ ଗାଡି ଅଟକି ରହିଥିବା ଦେଖିବାକୁ ମିଳିଥିଲା । ଖବର ପାଇ ପୋଲିସ୍‌ ଘଟଣାସ୍ଥଳରେ ପହଞ୍ଚି ପ୍ରଥମେ ଗୁରୁତରଙ୍କୁ ମେଡିକାଲ ପଠାଇଥିଲା । ଏହାପରେ ରାସ୍ତାରୁ ଗାଡି ହଟାଇବା ବ୍ୟବସ୍ଥା କରିଥିଲା ପୋଲିସ । ପରେ ରାସ୍ତାରେ ଗାଡ଼ି ଚଳାଚଳ ସ୍ୱାଭାବିକ ହୋଇଥିଲା ।