ଓଡ଼ିଶା ଡଟ୍ ନ୍ୟୁଜ୍

24/06/2024 at 11:04 AM

ଭୁବନେଶ୍ବର: T20 ବିଶ୍ବକପରେ ଆଜି ସୁପର-୮ ମୁକାବିଲାରେ ମୁହାଁମୁହିଁ ହେବେ ଭାରତ ଓ ଅଷ୍ଟ୍ରେଲିଆ । ରାତି ୮ଟାରେ ଏହି ମ୍ୟାଚ୍ ଖେଳାଯିବ । ସୁପର-୮ରେ ଭାରତ ଦୁଇଟି ମ୍ୟାଜ୍ ଜିତି ଭଲ ସ୍ଥିତିରେ ରହିଛି । ଅନ୍ୟପକ୍ଷେ ଆଫଗାନିସ୍ତାନ ପାଖରୁ ହାରିବା ପରେ ଅଷ୍ଟ୍ରେଲିଆ ପାଇଁ ଏହି ମ୍ୟାଚ୍ ଡୁ ଅର୍ ଡାଏ ସ୍ଥିତି ସୃଷ୍ଟି କରିଛି । ସେମିଫାଇନାଲ ଆଶା ଉଜ୍ଜିବିତ କରି ରଖିବାକୁ ହେଲେ ଅଷ୍ଟ୍ରେଲିଆକୁ ଏ ମ୍ୟାଚ୍ ନିଶ୍ଚିତ ଭାବେ ଜିତିବାକୁ ପଡିବ । ପ୍ରଥମ ମ୍ୟାଚରେ ଆଫଗାନିସ୍ତାନ ଓ ଦ୍ୱିତୀୟ ମ୍ୟାଚରେ ବାଂଲାଦେଶକୁ ହରାଇଥିଲା ଭାରତ ।

ଆଜି ସନ୍ଧ୍ୟାରେ ଏହି ମ୍ୟାଚ୍‌ ହେବାକୁ ଥିବା ବେଳେ ବର୍ଷା ବାଧକ ସାଜିପାରେ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି । ଯଦି ବର୍ଷା ଯୋଗୁଁ ମ୍ୟାଚ୍‌ ବାତିଲ ହୁଏ ତେବେ ଭାରତ ସେମିଫାଇନାଲରେ ପ୍ରବେଶ କରିବ । ହେଲେ ଅଷ୍ଟ୍ରେଲିଆ ପାଇଁ ସ୍ଥିତି ଆହୁରି ଜଟିଳ ହୋଇଯିବ ।

ଟି-୨୦ ବିଶ୍ୱକପ୍‌ରେ ଭାରତ ଲଗାତର ବିଜୟୀ ହୋଇ ଗ୍ରୁପ୍‌-୧ରେ ୪ ପଏଣ୍ଟ ସହ ଶୀର୍ଷରେ ରହିଛି । ସେହିପରି ଅଷ୍ଟ୍ରେଲିଆ ଓ ଆଫଗାନିସ୍ତାନ ଦ୍ୱିତୀୟ ଓ ତୃତୀୟ ସ୍ଥାନରେ ରହିଛନ୍ତି ।