ରାଜାରାମ ଷଡଙ୍ଗୀ30/06/2024 at 10:06 AM
ଭାରତ ଜିତିଛି।ହସ ଫୁଟିଛି ପ୍ରତିଟି ଭାରତୀୟ ମୁହଁରେ।ଟି -୨୦ ବିଶ୍ୱକପରେ ଭାରତ ଦେଖାଇଛି ନିଜର ଗାରିମା। ଦକ୍ଷିଣ ଆଫ୍ରିକାକୁ ପରାଜିତ କରି ଭାରତ ଟ୍ୱି-୨୦ ବିଶ୍ୱକପର ଚମ୍ପିୟନ ହୋଇଛି । ଭାରତ ପ୍ରଥମେ ବ୍ୟାଟିଂ କରି ୧୭୬ ରନରେ କରିଥିବା ବେଳେ ୭ ରନ ପଛୁଆ ରହି ପରାଜିତ ହୋଇଛି ଦକ୍ଷିଣ ଆଫ୍ରିକା। ଏହାକୁ ନେଇ ସମଗ୍ର ଭାରତୀୟ ମନରେ ଆନନ୍ଦ ଉତ୍ସାହର ମାହୋଲ ଦେଖିବାକୁ ମିଳିଛି।
ଏଭଳି ଖୁସୀ ଓ ଆନନ୍ଦରେ ଭାରତର କୋଣ ଅନୁକୋଣ ହସୁଛୁ ନାଚୁଛି।ଟି-୨୦ ବିଶ୍ବକପ୍ ଜିତି ଟିମ୍ ଇଣ୍ଡିଆ ବେଶ୍ ଉତ୍ସାହିତ ଥିବାବେଳେ କୋଟି କୋଟି ଭାରତୀୟ ମଧ୍ୟ ଭାବପ୍ରବଣ ହୋଇପଡ଼ଛନ୍ତି। ଟି-୨୦ ବିଶ୍ୱକପ ଫାଇନାଲରେ ଟିମ୍ ଇଣ୍ଡିଆର ବିଜୟ ପରେ ଭାରତୀୟ କ୍ରିକେଟ୍ର ଏକ ଯୁଗ ଶେଷ ହୋଇଛି। ଏତିକି ବେଳେ ଷ୍ଟାର ବ୍ୟାଟ୍ସମ୍ୟାନ୍ ବିରାଟ କୋହଲିଙ୍କ ପରେ ଭାରତୀୟ ଦଳର ଅଧିନାୟକ ରୋହିତ ଶର୍ମା ମଧ୍ୟ ଏକ ବଡ଼ ଘୋଷଣା କରିଛନ୍ତି। ସେ ଟି-୨୦ ଇଣ୍ଟରନ୍ୟାସନାଲରୁ ଅବସର ନେବାକୁ।
ଫାଇନାଲ ଜିତିବା ପରେ ସାମ୍ବାଦିକ ସମ୍ମିଳନୀରେ ରୋହିତ ଟି-୨୦ ଇଣ୍ଟରନ୍ୟାସନାଲରୁ ଅବସର ଘୋଷଣା କରିଛନ୍ତି।ଭାରତୀୟ ଅଧିନାୟକ କହିଛନ୍ତି ଏହା ମୋର ଶେଷ ଟି-୨୦ ମ୍ୟାଚ୍ ଥିଲା। ଏହି ଫର୍ମାଟକୁ ବିଦାୟ ଦେବା ପାଇଁ ଏକ ଭଲ ସମୟ ଏହାଠାରୁ ଆଉ କିଛି ହୋଇପାରିବ ନାହିଁ। ମୁଁ ଟି-୨୦ ଇଣ୍ଟରନ୍ୟାସନାଲ୍ର ପ୍ରତ୍ୟେକ ମୁହୂର୍ତ୍ତକୁ ଉପଭୋଗ କରିଛି । ରୋହିତ ଆହୁରି କହିଛନ୍ତି ଯେ ମୁଁ ଏହି ଫର୍ମାଟରେ ଖେଳୁଥିବା ଭାରତ ପାଇଁ ମୋର କ୍ୟାରିୟର ଆରମ୍ଭ କରିଥିଲି। ମୁଁ ବିଶ୍ୱକପ ଜିତିବାକୁ ଚାହୁଁଥିଲି।
ରୋହିତ କହିଛନ୍ତି ମୁଁ ଏହା ଚାହୁଁଥିଲି। ଏହାକୁ ଶବ୍ଦରେ ବ୍ୟାଖ୍ୟା କରିବା କଷ୍ଟକର ହେବ । ଏହା ମୋ ପାଇଁ ଏକ ଅତ୍ୟନ୍ତ ଭାବପ୍ରବଣ ମୁହୂର୍ତ୍ତ।ଏହି ଟାଇଟଲ୍ ପାଇଁ ମୁଁ ସବୁବେଳେ ଉିତ୍ସାହିତ ଥିଲି। ଶେଷରେ ଏହି ମାଇଲଖୁଣ୍ଟ ହାସଲ କରି ମୁଁ ବହୁତ ଖୁସି ।
ତେବେ ସେ ଟେଷ୍ଟ ଏବଂ ଏକଦିବସୀୟ ଖେଳିବା ଜାରି ରଖିବେ ବୋଲି ରୋହିତ ନିଶ୍ଚିତ କରିଛନ୍ତି। ଏହାର ଅର୍ଥ ହେଉଛି ଭାରତୀୟ ପ୍ରଶଂସକମାନେ ତାଙ୍କୁ ଅନ୍ତର୍ଜାତୀୟ କ୍ରିକେଟ୍ର ଦୁଇଟି ଫର୍ମାଟରେ ଖେଳୁଥିବା ଦେଖିବାକୁ ପାଇବେ।
ଏଥି ସହିତ ରାହୁଲ ଦ୍ରାବିଡଙ୍କୁ ମଧ୍ୟ ଟିମ୍ ଇଣ୍ଡିଆ ସହିତ କୌଣସି ଫର୍ମାଟରେ ଦେଖିବାକୁ ମିଳିବ ନାହିଁ। କୋଚ୍ ଭାବେ ତାଙ୍କର କାର୍ଯ୍ୟକାଳ ଶେଷ ହୋଇଛି। ଏହିପରି, ଏହି ବିଶ୍ୱକପ ପରେ ତିନି ମହାନ ରୋହିତ ଶର୍ମା, ବିରାଟ କୋହଲି ଏବଂ ରାହୁଲ ଦ୍ରାବିଡ ବିଦାୟ ନେଉଛନ୍ତି।
ବିଶେଷ କଥା ହେଉଛି ରୋହିତ ବିଶ୍ୱକପ ଜିତିବା ପରେ କେବଳ ଏହି ଫର୍ମାଟରୁ ଅବସର ନେଇ ନାହାନ୍ତି, ତାଙ୍କ ନାମରେ ବିଶ୍ୱ ରେକର୍ଡ ମଧ୍ୟ ରଖିଛନ୍ତି। ଟି-୨୦ ଇଣ୍ଟରନ୍ୟାସନାଲରେ ରୋହିତ ସର୍ବାଧିକ ରନ୍ ସ୍କୋରର ଅଟନ୍ତି। ରୋହିତ ୧୫୯ ଟି-୨୦ ମ୍ୟାଚରେ ୪୨୩୧ ରନ ସହ କ୍ୟାରିୟର ଶେଷ କରିଛନ୍ତି। ଏହି ଫର୍ମାଟରେ ତାଙ୍କର ସର୍ବାଧିକ ୫ ଶତକର ରେକର୍ଡ ମଧ୍ୟ ରହିଛି।ରୋହିତ ପୂର୍ବରୁ ଖେଳାଳି ଭାବରେ ଟି-୨୦ବିଶ୍ୱକପ ୨୦୦୭ ଜିତିଥିଲେ। ୧୭ ବର୍ଷ ପରେ, ସେ ଅଧିନାୟକ ହୋଇ ଏବେ ଏହାକୁ ଜିତିଛନ୍ତି। ମହାରାଷ୍ଟ୍ରର ନାଗପୁରରୁ ଆସିଥିବା ଭାରତୀୟ ଅଧିନାୟକ ୧୯ ସେପ୍ଟେମ୍ବର ୨୦୦୭ରେ ଇଂଲଣ୍ଡ ବିପକ୍ଷରେ ଟି-୨୦ ଅନ୍ତର୍ଜାତୀୟରେ ଖେଳିବା ଆରମ୍ଭ କରିଥିଲେ।ଆଉ ଶେଷରେ ଟି ୨୦ ବିଜୟ ପରେ ନିଜର ଅବସର ଘୋଷଣା କରି ଭାରତୀୟ କ୍ରୀକେଟ୍ ପ୍ରେମୀଙ୍କ ହୃଦୟରେ ଛାପ ଟିଏ ହୋଇ ରହିଗଲେ।