ରାଜୀବ ଲୋଚନ ମିଶ୍ର

16/07/2024 at 2:48 AM

ଗୋପାଳପୁର,୧୫/୦୭
ଗୋଳନ୍ଥରା ଥାନା ଇଲାକାରେ ନବବଧୂ କୁ ହତ୍ୟା କରିଥିବା ନେଇ ସୋମବାର ରାତିରେ ଥାନାରେ ଲିଖିତ ଅଭିଯୋଗ ହୋଇଛି l ଏ ନେଇ ପୋଲିସ ଏକ ଯୌତୁକ ଜନିତ ହତ୍ୟା ମାମଲା ରୁଜୁ କରି ତଦନ୍ତ ଆରମ୍ଭ କରିଛି l ମୃତ୍ୟୁ ଜଣକ ଜଗନ୍ନାଥପୁର ଓଡ଼ିଆରପି କଲୋନୀ ରାଣୀ ମହାରଣା (୨୨) ବୋଲି ପୋଲିସ ସୂଚନା ଦେଇଛି l ଗୋପାଳପୁର ଥାନା ଅଧିନସ୍ଥ ଆରୁଆପୁଲ୍ଲୀ ଗ୍ରାମର ରାଣୀ ମହାରଣାଙ୍କ ସହିତ ଗୋଳନ୍ଥରା ଥାନା ଅଧିନସ୍ଥ ଜଗନ୍ନାଥପୁର ଓଡ଼ିଆରପି କଲୋନୀର ଲକ୍ଷ୍ମୀ ମହାରଣା ଙ୍କ ସହ ଗତ ଚାରି ମାସ ତଳେ ବିବାହ ହୋଇଥିଲା l କିଛି ଦିନ ଖୁସି ରହିବା ପରେ ପରବର୍ତୀ ସମୟରେ ରାଣୀକୁ ଲକ୍ଷ୍ମୀ ଯୌତୁକ ଜନିତ ନିର୍ଯାତନା ଦେବା ସହ ଶାରୀରିକ ଓ ମାନସିକ ନିର୍ଯ୍ୟାତନା ଦେଉଥିଲେ l ସୋମବାର ଅପରାହ୍ନରେ ରାଣୀ ମୃତ୍ୟୁ ବରଣ କରିଥିବା ନେଇ ତାଙ୍କ ମା ଘର ପରିବାର ଲୋକ କୁ ଲକ୍ଷ୍ମୀ ଜଣାଇଥିଲେ l ଖବର ପାଇ ସନ୍ଧ୍ୟାରେ ମୃତ୍ୟୁ ରାଣୀଙ୍କ ଭାଇ ରାଜେଶ କୁମାର ମହାରଣା ଘଟଣା ସ୍ଥଳରେ ପହଞ୍ଚି ବା ବେଳେ ତାଙ୍କ ଭଉଣୀ ଙ୍କ ମୃତ୍ୟୁ ଶରୀର ଖଟରେ ପଡି ରହି ଥିବା ଦେଖିବାକୁ ପାଇଥିଲେ l ଘଟଣା ସମ୍ପର୍କ ଭାଇ ଲକ୍ଷ୍ମୀଙ୍କ ପରିବାର ଲୋକ କୁ ପଚାରିବାରୁ ରାଣୀ ରସି ଲଗାଇ ଆତ୍ମ ହତ୍ୟା କରିଥିବା ନେଇ କହିଥିଲେ l ପରେ ମୃତ୍ୟ ରାଣୀଙ୍କ ଭାଇ ଗୋଳନ୍ଥରା ଥାନାରେ ଲିଖିତ ଅଭିଯୋଗ କରିଥିଲେ l ଏ ନେଇ ଥାନା କେଶ ନ ୨୯୧/୨୪ 291/24 ପ୍ରକାର ହତ୍ୟା ମାମଲା ରୁଜୁ କରିଛି l ପୋଲିସ ଖବର ପାଇ ରାତିରେ ଘଟଣା ସ୍ଥଳରେ ପହଂଚି ମୃତ୍ୟୁ ଦେହ କୁ ଜବତ କରି ବ୍ରହ୍ମପୁର ବଡ଼ ମେଡିକାଲ କୁ ବ୍ୟବଛେଦ ନିମନ୍ତେ ପଠେଇଛି l