ଓଡ଼ିଶା ଡଟ୍ ନ୍ୟୁଜ୍26/08/2024 at 1:21 PM
ଉଲୁଣ୍ଡା: ରାତିରେ ଘରକୁ ଫେରୁଥିବା ବେଳେ ଭାରସାମ୍ୟ ହରାଇ ଗଛରେ ପିଟି ହେଲା ବାଇକ୍ । ଘଟଣା ସ୍ଥଳରେ ଚାଲିଗଲା ବାଇକ୍ ଆରୋହୀଙ୍କ ଜୀବନ । ସକାଳୁ ସ୍ଥାନୀୟ ଲୋକେ ଦେଖି ପୋଲିସକୁ ଖବର ଦେବା ପରେ ଉଦ୍ଧାର ହେଲା ମୃତଦେହ । ଘଟଣା ଘଟିଛି ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ଥାନା ଅନ୍ତର୍ଗତ ଗଇଲଗୁଡି ରାସ୍ତାରେ । ମୃତ ଯୁବକ ହେଲେ ଡାଲଡବା ଗାଁର ବିକାଶ ଜଗଦଲା ।
ଗତକାଲି ବିକାଶ କୌଣସି କାମରେ ବାହାରକୁ ଯାଇଥିଲେ । ରାତିରେ ଘରକୁ ଫେରିବାବେଳେ ଗଇଲଗୁଡି ନିକଟରେ ତାଙ୍କ ବାଇକ ଗଛରେ ପିଟି ହୋଇଯାଇଥିଲା । ସକାଳେ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହାସହ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।