ରାଜୀବ ଲୋଚନ ମିଶ୍ର29/08/2024 at 5:05 AM
ଗୋପାଳପୁର,୨୮/୦୮
ଗୋଳନ୍ଥରା ଥାନା ଅନ୍ତର୍ଗତ କନିଷି ହାଟ ଅଞ୍ଚଳରୁ ଜଣେ ନାବାଳିକାକୁ ଅପହରଣ କରାଯାଇଥିବା ନେଇ ଗୋଳନ୍ଥରା ଥାନାରେ ଲିଖିତ ଅଭିଯୋଗ ହୋଇଛି l ପ୍ରାପ୍ତ ସୂଚନା ଅନୁଯାଇ, ଆନ୍ଦ୍ର ପ୍ରଦେଶ ତାଲେପେଲ୍ଲାମା ଅଞ୍ଚଳର ଏକ ପରିବାର କିଛି ମାସ ହେଲା କନିଷି ହାଟ ଅଞ୍ଚଳରେ ଘର ଭଡାରେ ରହି ଆସୁଥିଲେ । ତାଙ୍କର ନାବାଳିକା ଝିଅ ଜଣକ ବ୍ରହ୍ମପୁରର ଏକ କଲେଜରେ +୨ ପଢୁଥିଲେ। l ଗତ ୨୬ ତାରିଖରେ ନାବାଳିକା ଜଣଙ୍କ ଘରୁ କଲେଜ ଯାଇ ଆଉ ଘରକୁ ଫେରି ନଥିଲେ l ପରିବାର ବର୍ଗ ଖୋଜା ଖୋଜି କରିବା ସତ୍ତ୍ୱେ ନାବାଳିକା ଜଣଙ୍କ କୌଣସି ଖବର ଜଣା ପଡ଼ିନଥିଲା l ଆଜି ନାବାଳିକାଙ୍କ ମା ଗୋଳନ୍ଥରା ଥାନାରେ ତାଙ୍କ ଝିଅକୁ ବ୍ରହ୍ମପୁର ଅଞ୍ଚଳର ଜଣେ ସହପାଠୀ ଅପହରଣ କରି ନେଇଯାଇଥିବା ନେଇ ଗୋଳନ୍ଥରା ଥାନାରେ ଲିଖିତ ଅଭିଯୋଗ କରିଛନ୍ତି l ପୋଲିସ ଏତଲାକୁ ଭିତ୍ତି କରି ଥାନା କେଶ ନଂ ୩୪୬/୨୪ରେ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଥିବା ପୋଲିସ ପକ୍ଷରୁ ସୂଚନା ମିଳିଛି l