ରାଜୀବ ଲୋଚନ ମିଶ୍ର11/10/2024 at 6:59 AM
ଗୋପାଳପୁର ୧୦/୧୦
ଗୋପାଳପୁର ପୁଲିସ ଆଜି ଗଞ୍ଜେଇ ଚୋରା ଚାଲାଣ ମାମଲାରେ ଦୁଇ ମହିଳାଙ୍କ ସମେତ ୩ ଜଣକୁ ଗିରଫ କରି କୋର୍ଟ ଚାଲାଣ କରିଛି l ଗିରଫ ଅଭିଯୁକ୍ତ ମାନେ ପାଟପୁର ଥାନା ଧର୍ମପୁର ତୋଟା ସାହିର ଡ଼ି. କାହ୍ନl ଦୋରା, ଭୁବନେଶ୍ୱର ଲକ୍ଷ୍ମୀ ସାଗର ଥାନା ଅଞ୍ଚଳର ଅନୁପମା ବେହେରା, ନୟାପଲ୍ଲୀ ଥାନା ଅଂଚଳର କଳିଙ୍ଗ ଷ୍ଟାଡିୟମ ଅଞ୍ଚଳର ମିନତୀ ଗୁଣ୍ଡୁଆ ବୋଲି ଜଣାପଡ଼ିଛି l ସୂଚନା ପ୍ରକାରେ ଗତକାଲି ପୁଲିସ ପେଟ୍ରୋଲିଂ କରୁଥିବା ବେଳେ କୌଣସି ସୂତ୍ରରୁ ଗଞ୍ଜେଇ ଚୁରା ଚାଲାଣ ହୋଉଥିବା ଖବର ପାଇଁ ପୁଲିସ ପ୍ରାୟ ସକାଳ ୧୦ ଘଣ୍ଟା ସମୟରେ ଗୋପାଳପୁର ସ୍ୱାଗତ ତୋରଣ ନିକଟରେ ଗାଡ଼ି ଯାଞ୍ଚ ଆରମ୍ଭ କରିଥିଲା l ଯାଞ୍ଚ ବେଳେ ଗୋଟିଏ ବାଇକରେ ଏକ ବସ୍ତା ରହିଥିବା ସନ୍ଦେହ କରି ପୁଲିସ ପଚରା ଉଚରା କରିଥିଲା l ପରେ ସେଠାରୁ ୨୩ କେ. ଜି ଗଞ୍ଜେଇ ଜବତ କରିବା ସହ ୩ ଜଣକୁ ଗିରଫ କରିବା ସହ ଏକ ବାଇକ ଜବତ କରିଥିଲା l ଏ ନେଇ କେସ ନମ୍ବର ୨୭୭/୨୪ରେ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା l ଆଜି ୩ ଜଣ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ପୁଲିସ କହିଛି l