ଶରତ କୁମାର ଧଳ3/11/2024 at 9:07 PM
ପଟ୍ଟାଙ୍ଗି୦୩/୧୧କୋରାପୁଟ ଜିଲ୍ଲା ସ୍ତରୀୟ ଟେବୁଲ ଟେନିସ୍ ଖେଳ ପ୍ରତିଯୋଗିତାରେ ଅଂଶଗ୍ରହଣ କରି ଜିଲ୍ଲାର ଦୁଇ ବିଦ୍ୟାଳୟ ର ଛାତ୍ର ରାଜ୍ୟ ସ୍ତରକୁ ମନୋନୀତ ହୋଇଥିବା ଦୃଶ୍ୟ ଅନ୍ୟ ଛାତ୍ର ମାନଙ୍କ ପାଇଁ ପ୍ରେରଣା ଦେଇଛି । ଏହିପରି ଦୃଶ୍ୟ ଦେଖିବା କୁ ମିଳିଛି
ଜିଲ୍ଲା ର ପଟ୍ଟାଙ୍ଗି ବ୍ଲକ ଅନ୍ତର୍ଗତ ପୁକାଲି ନୋଡ଼ାଲ ହାଇସ୍କୁଲ ଏବଂ ଦାମନଯୋଡି ଶିଶୁ ବିଦ୍ୟା ମନ୍ଦିର କ୍ଷେତ୍ରରେ । ସୂଚନା ମୁତାବକ ଜିଲ୍ଲା ସ୍ତରରେ ହୋଇଥିବା
ଟେବୁଲ ଟେନିସ୍ ଖେଳ ପ୍ରତିଯୋଗିତାରେ ଉକ୍ତ ଦୁଇ ବିଦ୍ୟାଳୟର ଯଥା ପୁକାଲି ନୋଡ଼ାଲ ପୁକାଲି ହାଇସ୍କୁଲ ର ଅଭିଶେକ୍ ଦୋରା , ଶଙ୍କର ଲିୟା ଏବଂ ନାଗେଶ ପାମିୟା ପ୍ରମୁଖ ଙ୍କ ସହ ଦାମନଯୋଡି ଉକ୍ତ ବିଦ୍ୟା ମନ୍ଦିର ର ଆଲିଶ ବାଘ ଓ ସୁଶାନ୍ତ କୁମାର ନାୟକ ପ୍ରମୁଖ ୧୭ ବର୍ଷ ରୁ କମ ୦୫ ଛାତ୍ର ଅଂଶଗ୍ରହଣ କରି ବଲାଙ୍ଗୀର ଜିଲ୍ଲାରେ ଆରମ୍ଭ ହୋଇଥିବା ରାଜ୍ୟ ସ୍ତରୀୟ ଉକ୍ତ ପ୍ରତିଯୋଗିତାରେ ଅଂଶଗ୍ରହଣ କରିଛନ୍ତି । ଯାହାକି ଉକ୍ତ ଛାତ୍ର ମାନଙ୍କ ରାଜ୍ୟ ସ୍ତରୀୟ ମନୋନୀତ ଦୃଶ୍ୟ ଦୁଇ ବିଦ୍ୟାଳୟର ଛାତ୍ର ମାନଙ୍କ ପାଇଁ ପ୍ରେରଣା ହୋଇ ଥିବା ସହ ଏହା ବିଦ୍ୟାଳୟ ଏବଂ ଅଞ୍ଚଳ ପାଇଁ ଗୌରବ ବୋଲି ପ୍ରଧାନ ଶିକ୍ଷକ ଶିକ୍ଷୟିତ୍ରୀ ମତପ୍ରକାଶ କରିଛନ୍ତି । ଅନ୍ୟ ପକ୍ଷରେ ଉପରୋକ୍ତ ଛାତ୍ର ଙ୍କ ଗାଇଡ୍ ଶିକ୍ଷକ ଭାବେ ପୁକାଲି ନୋଡ଼ାଲ ହାଇସ୍କୁଲ ର ଖେଳ ଶିକ୍ଷକ ଅର୍ଜୁନ ଦାସ ଛାତ୍ର ମାନଙ୍କ ସହ ରାଜ୍ୟ ସ୍ତରୀୟ ପ୍ରତିଯୋଗିତା ପାଇଁ ଗସ୍ତ କରିଥିବା ବେଳେ । ରାଜ୍ୟ ସ୍ତରୀୟ ଉକ୍ତ ପ୍ରତିଯୋଗିତା ଆସନ୍ତା ୦୪ ତାରିଖ ପର୍ଯ୍ୟନ୍ତ ଚାଲିବ ବୋଲି ଉକ୍ତ ଗାଇଡ୍ ଶିକ୍ଷକ ଦାସ ସୂଚନା ଦେଇଛନ୍ତି ।