ଯୁଧିଷ୍ଠିର ମହାପାତ୍ର

30/04/2023 at 10:13 PM

ଅତାବିରା – ବରଗଡ଼ ଜିଲା ଅତାବିରା ICDS ଅଫିସ ଅଞ୍ଚଳର ଅଙ୍ଗନବାଡି ସହାୟିକାଙ୍କ ତାଲିମ ପାଇଁ ବସ ଧରିବାକୁ ରାସ୍ତା ପାରି ହେଉଥିବା ବେଳେ ଟ୍ରକ ଧକ୍କାରେ ଜନୈକ ସହାୟିକା ଙ୍କ ଶୋଚନୀୟ ମୃତ୍ୟୁ ହୋଇଛି l ମୃତ ସହାୟିକା ଙ୍କ ନାମ ପାର୍ବତୀ ଚନ୍ଦନ 55 ବର୍ଷ ବୟସ ବୋଲି ଜଣାପଡିଛି l ମୃତ ପାର୍ବତୀ ଦୁଲମପୁର ଅଙ୍ଗନବାଡି କେନ୍ଦ୍ରରେ ସହାୟିକା ଭାବେ କାର୍ଯ୍ୟ କରୁଥିଲେ l ଅନ୍ୟ ଜଣେ ସିଂହାପାଲି ଅଙ୍ଗନବାଡି କେନ୍ଦ୍ରର 53 ବାର୍ଷିୟା ସହାୟିକା ଲଷ୍ମୀପ୍ରିୟା ଥପା ମଧ୍ୟ ଏହି ଦୁର୍ଘଟଣା ରେ ଗୁରୁତର ଆହତ ହୋଇଛନ୍ତି l
ଘଟଣାରୁ ପ୍ରକାଶ ଯେ, ଅତାବିରା ବ୍ଲକ ରୁ 19 ଜଣ ବିଭିନ୍ନ ଅଙ୍ଗନବାଡି କେନ୍ଦ୍ରର ସହାୟିକା ମାନେ ତାଲିମ ପାଇଁ କୋରାପୁଟ ଯିବାକୁ ବ୍ଲକ ଅଫିସରେ ସମବେତ ହୋଇଥିଲେ l ବସ ଆସିବା ସମୟ ପ୍ରାୟ ସନ୍ଧ୍ୟା 7ଟା ପରେ ସେମାନେ ବସ ଧରିବା ପାଇଁ ବ୍ଲକ ଅଫିସରୁ ବାହାରି ରାସ୍ତା ଅତିକ୍ରମ କରିବା ବେଳେ ସମ୍ବଲପୁର ପଟରୁ ବରଗଡ଼ ପଟକୁ ଯାଉଥିବା ଏକ ଅଜଣା ଟ୍ରକ ଧକ୍କା ଦେଇ ଫେରାର ହୋଇଯାଇଥିଲା l ଫଳରେ 19 ଜଣଙ୍କ ମଧ୍ୟରୁ ପାର୍ବତୀ ଓ ଲଷ୍ମୀପ୍ରିୟା ଗୁରୁତର ଆହତ ହୋଇଥିଲେ l ଉଭୟ ଙ୍କୁ ସ୍ଥାନୀୟ ଡାକ୍ତରଖାନା ରେ ଭର୍ତ୍ତି କରି ପ୍ରାଥମିକ ଚିକ୍ରିତ୍ସା ପରେ ବୁର୍ଲା ସ୍ଥାନସ୍ଥରୀତ କରାଯାଇଥିଲା l ତେବେ ବୁର୍ଲାରେ ପାର୍ବତୀ ଙ୍କ ମୃତ୍ୟୁ ହୋଇଯାଇଥିଲା l