ସଟ ସର୍କିଟ ନିଆଁ ଲାଗି ଜଳିଗଲା ଆସବାବପତ୍ର, ଅଳ୍ପକେ ବର୍ତିଲେ ପରିବାର।
କଳାହାଣ୍ଡି:୧୦/୧୨
ରିପୋର୍ଟ—-ସନତ ପ୍ରଧାନୀ
କଳାହାଣ୍ଡି ଜିଲ୍ଲା କୋକସରା ବ୍ଲକ ଅନ୍ତର୍ଗତ ମହିମା ପଞ୍ଚାୟତ ବୀଜମରା ଗ୍ରାମ ର ତ୍ରିନାଥ ଦିଶାରୀ ଙ୍କ ଘରେ ସୋମବାର ବିଳମ୍ବିତ ରାତିରେ ସଟ ସର୍କିଟ ଯୋଗୁଁ ନିଆଁ ଲାଗି ଘରର ଆସବାବପତ୍ର ସହ ଟିଭି, କୁଳର, ଫେନ ଓ ଘରେ ବିକ୍ରି ପାଇଁ ଥିବା ଧାନ ବସ୍ତା ମଧ୍ୟ ପୋଡି ନଷ୍ଟ ହୋଇଥିବା ଜଣାପଡିଛି। ସୂଚନା ମତେ ପରିବାର ଲୋକେ ରାତି ରେ ଶୋଇଥିବା ବେଳେ ବିଦ୍ୟୁତ ସଟ ସର୍କିଟ ଯୋଗୁ୍ ଘରେ ନିଆଁ ଲାଗି ଯାଇଥିଲା |ପରିବାର ଲୋକେ ଚିତ୍କାର କରିବାରୁ ପଡୋଶୀ ଲୋକେ ଧାଇଁ ଆସି ଉଦ୍ଧାର କରିଥିଲେ ଓ ନିଆଁ ଲିଭାଇବା ରେ ସାହାଯ୍ୟ କରିଥିଲେ ପରେ ନିଆଁ ଆୟତ୍ତ ହୋଇଥିଲା| ତ୍ରିନାଥ ଦିଶାରୀ ଙ୍କ ପରିବାର ରେ ସ୍ତ୍ରୀ ଓ ୨ ଝିଅ ରହିଥିବା ବେଳେ ପରିବାର ଗରିବ ଶ୍ରେଣୀ ହୋଇ ଥିବା ବେଳେ ସରକାର ଙ୍କ ସହାୟତା ଅପେକ୍ଷା କରି ରହିଛନ୍ତି | ଏନେଇ କୋକସରା ତହସିଲଦାର ନବୀନ କିଶୋର ପାଢ଼ୀ ଙ୍କ ପ୍ରତିକ୍ରିୟା ନେବାରୁ ରାଜସ୍ବ ନିରୀକ୍ଷକ ଙ୍କୁ ତଦନ୍ତ ପାଇଁ ପଠାଇବି, କ୍ଷୟକ୍ଷତି ରିପୋର୍ଟ ଦେବାପରେ ସରକାର ଭାବେ ଯାହା କ୍ଷତିପୂରଣ ରହିଛି ଦିଆଯିବ ବୋଳି କହିଛନ୍ତି।
