ସୌମିତ୍ରି ମେହେର21/12/2024 at 8:23 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ସୁବଳୟା ଥାନା ତଥା ବୀରମହାରାଜପୁର ବ୍ଲକର ଜଟେସିଂହା ପଞ୍ଚାୟତ ଅନ୍ତର୍ଗତ ପ୍ରାଚୀନ ଶୈବ ପୀଠ ଗୋଧନେଶ୍ୱର ମନ୍ଦିରରୁ ଗତକାଲି ବିଳମ୍ବିତ ରାତ୍ରୀରେ ୬ଟି ପିତ୍ତଳ ମୂର୍ତ୍ତି ଚୋରି ହୋଇଥିବା ଜଣାଯାଇଛି । ମିଳିଥିବା ସୂଚନା ମତେ ଆଜି ସକାଳୁ ମନ୍ଦିରକୁ ଯିବାପରେ ମନ୍ଦିରର ତାଲା କଟାଯାଇଥିବା ଦେଖି ପୂଜକ ମନ୍ଦିରରୁ ଚୋରି ହୋଇଥବା ଜାଣିବାକୁ ପାଇଥିଲେ । ପରେ ଅନ୍ୟ ସେବାୟତମାନଙ୍କୁ ଜଣାଇବା ସହ ସୁବଳୟା ଥାନାକୁ ଯାଇ ଅଭିଯୋଗ କରିଥିଲେ । ପୁଲିସ ପକ୍ଷରୁ ଘଟଣାର ତଦନ୍ତ ଆରମ୍ଭ ହୋଇଛି । ପୁଲିସ ଶନିବାର ବଲାଙ୍ଗୀରରୁ ସନ୍ଧନୀ କୁକୁର ସହାୟତାରେ ତଦନ୍ତ କରିଥିବାବେଳେ ସନ୍ଧାନୀ କୁକୁର ନିକଟସ୍ଥ ଡୁମୁରି ଛକ ଯାଏ ଯାଇଥିବା ଜଣାପଡ଼ିଛି । ଘଟଣା ନେଇ ସୁବଳୟା ଥାନାରେ ଏକ ମାମଲା (୩୫୪/୨୪) ରୁଜୁ ହୋଇଥିବାବେଳେ ପୁଲିସର ତଦନ୍ତ ଜାରି ରହିଛି । ଘଟଣା ନେଇ ସାଧାରଣରେ ତୀବ୍ର ଉଦବେଗ ପ୍ରକାଶ ପାଇଥିବାବେଳେ ଶିଘ୍ର ଦୁର୍ବୃତ୍ତମାନଙ୍କୁ ଗିରଫ କରିବା ପାଇଁ ସାଧାରଣରେ ଦାବି ହୋଇଛି ।